صديقتي انعجبت بواحد بالشغل بس مستحية تصارحه عطوني حلول لانه متوهقه وتفكر فيه

السلام عليكم

ابي انقل لكم معاناة ربيعتي وانا ماكتبت الا وانا كلى ثقة فيكم لاني معجبة بتكاتفكم مع بعض وحلولكم ونصايحكم ماشاءالله علييكم

ربيعتي تشتغل في عمل مختلط طبعا الظروووف خلتها تشتغل في هالمكان لحد ماتشوف لها مكان مافي اختلااط

المشكلة انه هي انعجبت في واحد جى يخلص معاملته عندهم ؟ انعجبت بشكله باناقته بكلشئ فيه بس طبعا ماتعرف شواخلاااقه؟
وتمت تفكر فييييه ولحد الحين مانسته وطبعا انتوا تعرفون مجتماعاتنا مستحيييييييل الوحدة تعترف لواحد باعجابها به ؟بيعتبروها وسخة وقليله حيا وجريئة حتى لو بغته بالحلااال ووو؟ كأنا نحن البنات ماعندنا مشاعر ولا احاسيس كأنا جماااد

وهي ماتباه غير بالحلال خبرتها لو يباج يعرف مكانج بياخذج قاتلي يمكن مستحي او مايتجرأ

ياتها طريقة بتختبره فيه بطريقة غير مباشرة انها بتتصل عليه من موبايلها الخاص مو رقم المكتب على اساس تبى تتاكد من صحة معلومات معاملته اللى سوتها له صح ولالا لانه المعاملة تحمل توقيعها الشخصي وقالت اذا مسك رقمي معناتها يمكن يباني واذا مامسك رقمي معناتها خلص مايفكر فيني ؟ وسوت اللى براسها وكلمها بلطف واحترام وقالها لاتخافين حتى لو معاملتج غلط ماراح اشكي عليج وسكرت وهذا اللى صار وانتهى الموضوع على جذيه لارد يتصل ولا شئ

بس هي متضايقة تقول ليش الواحد لم ينعجب بوحدة يحقه له يروحلها ويبدي اعجابه ويخطبها ؟؟

ونحن الحريم لم ننعجب بواحد يويلنا بيقولون عنا قليلات ادب وماوراهن بيوووت جنه نحن مالنا مشاعر ولا احاسيس وزواجنا كله تقليدي من غير ماياخذوون رأينا ولا يحسون بمشاعرنا

ليش الحرام حلال على الريال والحلال حرام على الحرمة
أنا أيدتها في هذي النقطة قلت لها مافيها شئ لم وحدة تبغي واحد بالحلال وتخبره باحترام بس تستخير الاول وتخلي اهلها يسألون عنه ؟

وهذي كل مافي القصة اتمنى اسمع ارائكم بكل صراحة وصدق شرايكم باللى صاار