اللي متوظفات في البنوك ..ابغاكم ضروري

عضوة 08-06-2006 9 رد 5,316 مشاهدة
ع
السلام عليكم ورحمة الله وبركاته

كالعاده حطيت موضوعي بركن الاستفسارات ولا احد عبرني

موظفات البنك او اللي عندها فكره

قبل لاتتوظفون رسمي لابد من تدريب مدة ثلاثة اشهر تقريبا

سؤالي:

هل مدة التدريب على فترتين صباحي ومسائي؟؟

كم الراتب اثناء التدريب؟؟

وايش بالضبط اللي يتدربون عليه( المواد)...؟؟؟

في انتظار الردود (f) (f)
أ
إختي يكون التدريب على حسب المكان اللي هم حاطينج فيه يعني في الكاشير أو الاستعلامات أو الادارة ويكون التدريب نظري وعملي وإذا فهمتي من أول شهر يقدرون يوظفونج على طول ثاني شهر والراتب يكون أقل طبعا يعني إذا كنتي ثانوية يكون في التدريب أربعة آلاف وإذا كنتي جامعية يمكن يكون سبعة أو ثمانية والله يوفقج...............
ع
ام رواض مشكوره حبيبتي

انا قدمت على وظيفة اداريه وهم قالوا لي يكون التدريب في الاداره

التدريب 3 اشهر على كلامها وبعدين اترسم

وانا جامعيه بس ياختي مدري يمكن النظام يختلف لاني من السعوديه

واختبار المقابله الشخصيه قبل التدريب او بعده؟؟

في انتظار الردود
M
السلام عليكم و رحمة الله و بركاته

هلا حبيبتي مالكة الزهور
ربي يوفقج بشغلج و يرزقج الرزق الحلال الطيب

الله يسلمج المقابلة تكون قبل التدريب لان التدريب عليه راتب فمو معقولة يعطونج مبلغ و قدره و بعدين يقولون لا ما تناسبنا ! يخسرون بعدين

انا سوولي 3 مقابلات لأني بتوظف بالواجهة يعني خدمة عملاء فلازم يدققون بالشخصية و الشكل و الحضور و طريقة الكلام

بعدها تاخذين دورة نظري و عملي و وقتها بس الصبح لكن مرات يقولون فيه العصر حسب الظروف ( العملي خلوه عصر بالنسبة لنا لان الأجهزة يشتغلون عليها الموظفين الصبح )

التدريب تقصدين فيه الشغل قبل التثبيت ولا الدورة ؟

البنك فيه الأثنين : بالأول دورة و بعدين تدريب مؤقت لمدة 3 شهور عليه مكافأة ما تعتبر راتب و بعد التثبيت يصير عندج راتب ثابت

مواد الدورة تعتمد على وظيفتج .. اذا كنتي بخدمة العملاء و الأعمال المصرفية راح تكون دورتج بهالأمور (حسابات - قروض - بيع - شراء - عملات - ... الخ ) و اذا بالإدارة ماعتقد عليها دورة لانه شغل مكتبي

طبعاً هذا كله حسب تجربتي .. ما عندي فكرة اذا بالسعودية مختلفين عنا ولا لأ بس إن شاء الله قدرت أفيدج :)
أ
إختي مالكة الزهور تكون المقابلة قبل الدورة طبعا واحنا في الامارات يقولون لنا التدريب ثلاث شهور بس الوحدة إذا كانت زينة خلال شهرين خلاص تتثبت إما إذا كان يبالها بعد تدريب عادي يطول التدريب أربع خمس شهور وإن شاءالله الله يوفقج........
m
ما شاء الله البنات كفوا ووفوا
ع

Miss.B(f)

الف شكر لك حبيبتي الله لايضرك

انا سوولي مقابلتين بس مو بنفس البنك لا... هي مؤسسه مسؤله عن البنوك

وظيفتي تكون في الاداره مو الفروع واني مايحتاج تدريب لان عندي شهادات بس فتره تجريبيه

لمدة ثلاث اشهر وبعدها اترسم على كلامها وقالت فيه عدة بنوك محتاجه موظفات اداريات يعني

انا لسه مااعرف بأي بنك راح اكون هي تقول خلال هالاسبوع نتصل عليك وتباشرين العمل

اتوقع مثل ماقلتي عمل مكتبي وقالوا لي ركزي على الاكسل بالذات

بس خدمة العملاء ..يقولون متعبه جداجدا...وش رايك اختي ؟؟

وش تنصحين موظفة البنك علشان استفيد منك؟؟

وكيف سووا المقابله معك ..وش طبيعة الاسئلة؟؟

مشكوره ياالغلا(f)

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أم رواض (f)

هلا ياالغالييييه مشكوره حبيبتي الله لايضرك

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

mai salah

(f)

هلا فيك اختي ماقصروا البنات الله يسعدهن ويوفقهن جزاهن الله خير

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بس حابه اعرف من موظفات السعوديه قبل لااتوهق

انا سويت مقابلتين بس مدري فيه مقابله اخرى

واللي عندها اي نصيحه او شي تحب تنوه على شي تتفضل لاتبخلون علي(f)
M
السلام عليكم و رحمة الله و بركاته

حبيبتي مالكة الزهور ليش اتحاتين ؟ صلي استخارة و ربي بيوفقج باللي فيه الخير و الصالح

شوفي .. انا بعد سوولي مقابلتين بالشركة المسؤولة عن التوظيف ( شركة التنمية البشرية ) و المقابلة الثالثة كانت عند إدارة البنك نفسه عشان ياخذون فكرة عن الموظفة اللي بتشتغل عندهم و شخصيتها و بعد شكلها لأن البنوك تختار الواجهه الرسمية يعني ما ينفع كاجوال و ضحك و سوالف .. صحيح يحبون البنت الاجتماعية لكن بحدود

الأسئلة عادية .. و ترى اهمه ما يهتمون بجوابج على كثر ما يهتمون بطريقة كلامج
لازم الوحدة تكون رزينة و هادية و تاخذ و تعطي بالكلام مو خجولة وايد ولا منفلته وايد .. طريقة الجلوس و ترتيب الشكل و الملابس .. و بالنسبة لي بنك إسلامي كانوا يشوفون حتى المكياج اذا اوفر ولا لأ

اوكي نرجع للوظيفة .. مدام قالت ركزي على الاكسل يعني صح شغل مكتبي .. لأن موظفين خدمة العملاء لهم برنامج خاص يحتوي أرصدة العملاء و معلوماتهم الشخصية و هالبرنامج هو اللي تاخذين فيه دورة العملي

خدمة العملاء صح متعبة .. لازم تظلين مبتسمة من الصبح لي بعد الظهر و ما تخلصين مجاملات و كل عميلة لها شخصية .. ما تضمنين مزاج كل وحدة .. و بالبنوك يتبعون شعار : العميل دائما على حق .. يعني اذا وحدة عصبت عليج ولا قالت لج كلمة مووو حلوة سوي روحج مو سامعة و شقي الكشرة من اهني لي اهني

الإدارة وااايد أسهل لأنج شارية مخج على قولتهم .. قاعدة بالمكتب و ما عليج من أحد .. بس اتصدقين عاد ؟ أحس خدمة العملاء أونس لأن فيها حركة و اكشن هههههههه

الله يوفقج .. و بشرينا عنج يالغالية
ع
Miss.B(f) (f) (f)

فديتك والله

حبيبتي مالكة الزهور ليش اتحاتين ؟ صلي استخارة و ربي بيوفقج باللي فيه الخير و الصالح


ياقلبي كثير مانجحوا في المقابله النهائيه علشان كذا احب اعرف عن طبيعة الاسئلة

لاني قريت في منتدى اخر ان اسئلتهم معظمها استفزازيه وغريبه مررره علشان يعرفون شخصيتك

وهل تتحملين او لا؟

ومدري هالشي عندكم بعد ولابس حنا تعقيد


اتمنى ان يكون فعلا شغلي مكتبي ...ماقصرتي ياالغاليه(f) (f)
n
اختي تشتغل في االبنك ويااااااااااااااااااااااااااااااليتها ما اشتغلت تعب وترد العصر حتى يوم الجمعه ما ترتاح كله نااااااااااااااااااااااايمه
X