شوفو مأسااااتي في السفره معا بنتي

الله يكون بعونك أختى،، فعلا السفر مع الأطفال مشكلة، أنا من الحين أفكر لو سافرت هالعام كيف باتحمل ولدي، لأني العام الماضي تركته مع أهلي ورحت مع زوجي بروحنا وكانت مااحلاها من سفرة.بس هالسنة أضطر آخذه معاي لن ماراح يتركنه بدا يفهم..
أنت تقصدين الكبيرة وله الصغيرة الي سوت لكم المناحة؟؟؟؟...

المشكلة الحين ليش بعدها عندها هالحالة بعد مارجعتوا من السفر... صار شي هناك وبقى في ذاكرتها.

اقصد الكبيره
وهالشي مستمر معاها صايره نحيسه وايد
وعنديه
مادري انا اقول احتمال تمل بروحها هي متعوده تكون في بيت اهلي ويا اليهال
او هالتصرفات لجذب الانتباه خصوصا بعد ماجات اختها
مادري
والله محتاره معاها

الله يكون بعونك عليها،، فعلا مثل ماقلتي يمكن غيرانة من أختها وحابة تلفت الإنتباه عشان كذا تعمل هالحركات،، حاولي تتقربين منها أكثر يكون ماتحس إنك هاملتها،، ومثل ماقلتي متعودة على بيت أهلك،، لأن عندي نفس المشكلة ولدي من الصبح يكون عندهم فلما نرجع الشقة ونبقى بقية اليوم فيها يسوي نفس الحركات ويبي يفتح باب الشقة ويقول (سكة) ولما آخذه لبيتنا كأن ماسوى شي...

و عليكم السلام و رحمة الله وبركاته

الله يكون ف عونج اختي نونو قطر

والله ذكرتيني ببنت اختي عمرها تقريبا 3 سنين و كم شهر، دايما حنانه ما شاء الله عليها و دلوعه على اتفه الأسباب و دايما تبى تيلس مع الوالده " يدوه" تخاف حد من اليهال ياخذ يدوه عنها ههههههههه.

تصوري يوم ربيت انا سرت مع ولدي و يلسنا عند الوالده تخيلي من هاك اليوم و هي ما تسير مع امها و ابوها صح ابوها دايما ف الدوام طول الأسبوع و يرد بس بالاربعا و الجمعه يرد دوامه و هي دايما يالسه عند الوالده باقي ايام الأسبوع، و يوم ايي ابوها يوم الاربعا عشان يسيرون بيتهم ما تسير معاهم تقول بتم عند يدوه اختي اللي امها تقول لها ما تحبيني ما تحبين ماما تقول لا :qaq:

حتى ابوها مسكين اييب لها العاب و حلويات و هدايا بس عسب يوم يرد من دوامه يشلها يوديهم الالعاب تخيلي ولا تسير بس اخوها يسير و هي طبعا يالسه عند امي، والا اذا بتسير تسير بس عسب تشتري لها هدايا وتتحوط و ترجع فليل ترقد عند اميه ههههههههه حتى الحينه مرات يوم اسير عند اميه انا وولدي الصغير تقولي انتي ليش يايه عند يدوه تخاف اخطف يدوه منها هههههه، طبعا و هي مع يدوه حنه وايد و دلوعه بشكل "الله يعين الوالده ههههه" وين ما تسير اميه لاحقتنها حتى وهي تطبخ تخيلي واذا طلبلت شي و ماسووه لها اتم اتصيح و اتصيح الين ما ترجع بسم الله عليكم حنانه الله يهديها ان شاء الله و دلوعه وايد

الله يكون فعونج اختي حاولي تتقربين منها و بس لا ادلعينها لانها بتممرد عليكم اكثر و خلي ابوها يتقرب منها بعد حتى تتعود عليكم اكثر والله يهديها لكم ان شاء الله و يخليها يارب:shy:

اختي نونو قطر.. شوفي هالمووضوع الحلو لمشرفتنا النوري.. وايد عجيب

http://www.3roos.com/forums/showthread.php?t=126476&highlight=%E3%ED%E3%E6

الف شكر وفعلا الله يكون في العون تربية العيال اصعب شي الله يعينا على حسن تربيتهم

انه كلش احاتي السفر مع بنتي لان ان شاء الله الشهر لجاي بنسافر وبكون عمرها سنه وشهر
المشكله انه بنتي متعلقه واااااايد مع امي وخواتي لانه طول ما انه في الدوام تكون معاهم وبيت ابوها ما تبي احد منهم مع اني اتركها اوقات معاهم بس اذا كنت موجوده او ابوها موجود ما ترضى تروح لاحد منهم وانه السنه بسافر معاهم يعني يدتها ام ابوها وعماتها وحامله هم انها ما تبي احد منهم وتلصق فيني او في ابوها على طول :sad:

وبنتي من النوع الي ما تحب تقعد في العربه مالتها من نقعدها تصيح وتفز على طولها يعني اتوقع ما ارد البحرين الا وانه طافشه:confused:

احس انهم صغار وايد يعني لو وحده هب مشكله..

يالله الله يعينج الصراحه غمضتيني.

انا وحده وخايفه من السفر وياها لكن شو اسوي مااقدر اصبرعنها..الله كريم..

بس عيالج الصراحه صغار..

الله يعينج خيو، بس تحمليها وخلج صبورة معاها لابعد الحدود لاني احس انها فترة وبتعدي ان شاء الله

حبيبتي حتى أنا إن شاءالله بسافر ويا ريلي بروحنا وعندي ولد عمره سنه وثمان شهور بس وايد نصحوني اني ما اوديه وبعد وايد لوموني فيه اني بخليه وبسير بس انا مطمنه لاني بخليه في بيت امي وماشاءلله هناك عندهم وايد يهال عيال خواتي وانشاءالله ما بيأذيهم وبيرتاح .. لازم الواحد ياخذ فترة نقاهه ويستانس ويا ريله شويه والله في البلاد احس اني مقصره ويا ريلي من كثر ما اهتم في الولد .. والله كريم

يالله شتسوين المشكلة انا بعد سافرت كذا مع ريلي بروحنا وستانس من قلب

بس يوم سافرت معاه ومع بنتي قالي لين خلاص لو شنو مانسافر معاهاااا مره ثانية والشهر الجاي عيد زواجنا المشكلة مادري متردده ماقدر اخلي بنتي ماقدر استغني عنها كلش بس مادري

مادري الله يعينج بصراحه

نصيحتي اذا تبون تستانسون سافروا بدون يهال
لان الصراحه السفر كله طلعات و روحات و الياهل اول شي مابياخذ راحته و بيقعد يصيح
و بيخرب السفره كلها خلوهم عند اهلكم و اهمه مابيقصرون بيحطونهم في عيونهم و كلها جم يوم و بترجعون لهم بالسلامه ان شاء الله

شرايكم انا بعد ودي اسافر مع ابني اسبوعين بس خايفة عدل اخاف يأذيني هو عمره سنة ونص بس حبيت اسلكم بعد شنو احمل له من اغراض ومن ثياب يعني جم بدلة حق الطلعة وجم بدلة حق البيت والله موعارفة جم احمل

اختي الكتكوتة شوفي الموضوع المثبت عن السفر

:)

ياربي لا تخوفوني
آنه بعد باسافر
وخايفة من بنتي تحن علي وتسويلي نفس الفلم اللي سوته لج بنتج
الله يستر بس
إلا اقول يا اختي جم عمر بنتج؟؟؟؟؟؟

هلا اختي...وقت ما تصيح اما اطنشينها لين ما تسكت من نفسها او تغيرين السالفه او تلفتين انتباها لشي معين ..لا تقعدين تراضينها ...

الصراحه انتوا تخوفون بكلامكم هذا .....

انا ولدي عمره تقريبا 4 شهور ناوية انشاء الله اسافر ماليزيا .... ما اعرف والله .. ما اقدر احطه عند حد احس صعبة اشوي

اختي تحملتني يوم سرت العمرة ويودت علاوي 5 ايام ... استحي اطلب منها مرة ثانية .... ما لي ويه

يعني لازم اوديه معاي ..... والله خايفه وايد ... شو بسوي اهناك كيف بتصرف في الطيارة ... اخاف يفشلني .....

الله يستر بس ...... والله يعنا على عيالنا ..... والله يحفظهم لنا امين يا رب .... ما شاء الله اذا صاحوا شو يسكتهم هاييل

الله يعين واااااااااك وواااااااااااااااااك .... فديتهم والله

مع تمنياتي للجميع بالتوفيق

روووووووووووووز