حبوب الروكتين لحب الشباب........هام

salam
na3am okhti ana asta3mil ROACCUTANE li mouddat 7 chouhour
al hamdoulilah naf3a ma3aya , bi nisba li chafatayne asta3mil vaseline
ana sa3ida min nataijha

ياوهج الغرام

الحمد لله

ماستخدم هالحبوب

هلا وهج انا صارلي شهرين تقريبا استعمل هالحبووب والحمدالله احس انه اكو تحسسن واااييد وتقريبا الكل لاحظ عليي ... بس اهوا احسن شي انج تستمرين عليهم لمده اربع شهور لي ست شهور واناا انشالله بكمل لست شهوور عشان انا سالت الدكتور وقال ان احسن شي انج تستعملينهم لمده ست شهور لان حتى جسمج راح يصفى والحبوب تروح وماترد (ذلفه تذلفها) اما بالنسبه للجفاف اللي حصل لج هذا وضع طبيعي بالنسبه للي ياخذون هالحبووب لان انا قالي الدكتور انهم يسببون جفاف حتى على الشفايف وعطاني مرطب نيتروجينا وايد حلوو ونفع شفايفي الحمدالله

بس اكو ملاحظه وايد مهمه انه هالحبووب المفرووض تاكليينهم اذا انتي بنت يعني مو متزوجه لانه هالحبوووب خطره على الياهل اذا اكلتيهمم وانتي حامل لانهم يسببون تشوهه للجنين ولازم توقفين هالحبووب عالاقل قبل عرسج بشهرين اذا الله كتب لج الزواج انشالله و
واما بالنسبه للمتزوجه اهيا تقدر تاكلهم اذا امنت روحها انها ماراح تحمل

ابصراحه اختي انا اقول لج لا تقطعينهن و لازم كل شهر اتسوين فحص دم و الدكتور اتابع حالتج ...

انا وايد فادني مع انه مافيني حبوب وايد بس والله صفن ويهي و ولا نقطه في ويهي الحينه و صار ويهي مول ما يزيت و صح هن لهن اثار لفتره مثل الجفاف و غيره بس والله بعدين اثارهم روعه لا تجاعيد ولا نمش يوم بتحملين و بتعرسين..

انا خذيتهم و ربعتي ودرتهم و عرست و الحينه عقب ما يابت ولدين ردت تآخذهم لانه مع الحمال والربى صار يظهر لها حبوب في ويها و اتفقت ويا ريلها انها تبدى العلاج و استمرت 7 شهور...

طبعا على مسئوليتها لانه المتزوجه لازم ما تحمل وهيه تآخذ الحبوب...

لازم ما تكونسن متزوجة او على وجة زواج بس رووووووووووووووعة استخدمتها انا واختى وبنات عمي كلنا لمدة ست شهور

انا وايد فادني مع انه مافيني حبوب وايد بس والله صفن ويهي و ولا نقطه في ويهي الحينه و صار ويهي مول ما يزيت و صح هن لهن اثار لفتره مثل الجفاف و غيره بس والله بعدين اثارهم روعه لا تجاعيد ولا نمش يوم بتحملين و بتعرسين..
انا استخدمتهن لمدة 7 شهور قبل ما اعرس من 3 سنين و لين الحين الحمد لله ولا حبة ظهرتلي

الحمدالله انا استعملهن الحين وكملت تقريبا 5 شهوور والحمدالله مرتاحه.. بشرتي صفت ومافيني حبوب الحين ولا يزيت ويهي شرا قبل...

بس لازم تشربين ماي على الريج حاولي تشربين واااايد....

وبالنسبه للجفاف داومي على المرطب... والشفابف الفازلين وخلي مرطب الشفايف ( مثل الروج) وياج دايما


ولازم تاخذين الحبوب بعد الاكل...

http://www.3roos.com/forums/showthread.php?t=74211&page=2&pp=15&highlight=%D1%E6%DF%C7%CA%ED%E4

اكيد راح يفيدك