فــاهيــتا الدجاج كل من ذاقها قـــال وااااااو

السلام عليكم ...

جبت لكم طبق صدقوني لما اسويه مايبقى منه شي ابدا حلوو ولذيذ وبنفس الوقت خفيف ..

وكل من جربه قال يبي الطريق منه

والاهم انه سهل وماياخذ وقت وايد ..

المقادير :

باكيت صدور الدجاج
حبة فلفل بارد
بطاطا
مشروم فرش
بهارات ( ملح _ فلفل اسود_ كمون_ ليمون اسود_ ثوم مطحون _ زعتر بري _ فلفل احمر )
ملعقة جبن كرفت السائل
بصل وفص ثوم
زبده
ماجي

الطريقه :
تقطع صدور الدجاج الي شرائح طوليه ..
والبطاطا ، والفلفل البارد ، والبصل ، والثوم ، والمشروم ،، كلهم يقطعون بشكل طولي

في وعاء من الزجاج يوضع الدجاج ويتبل بكل البهارات

في وعاء للغلي يكون عميق شوي وله غطى توضع الزبده معا شوية زيت ونقلي فيه البصل والثوم

نوضع الدجاج نحركه ونحط معاه حبه ماجي
نتركه شي خمس دقايق لي حد مايسوي شوي ..

نحط البطاط
وبعدين المشروم نحركه
وبعدين نحط الفلفل البارد

ونغطيه لي حد مايسوي في الاخير نحط ملعقة جبنه كرفت كبيره شوي ونحركه
ونطلعه ونحطه في صحن التقديم وممكن تحطينه فوقه شريحة جبن وتسيح و يطلع الطعم :qaq: وااااو