ابي مشورتكم عااجل - منتديات عروس

R

Riamee

عروس مشاركة

07-06-2006 | 09:25 AM

بنات اشحاالكم

اللهه يخليكم محتاجة مشورتكم ساعدوني

انا من لما كنت في الثانوي كنت اسمع هلي يقولون اني محجوزة حج ولد عمي ..... بس انا ماهتميت كان كل تفكيري في دراستي وخلصت الكلية واشتغلت بس كل محد يريد يتقدم لي يقولون له اني محجوزة ..:sad:
.... ... وانا لما احاول اتخيل اني اكون زوجة له اكره نفسي واحس بغصة وبصراحة اتضايق واحيانا اتعب شوية (مااقدر انش من الفراش) وخبرت هلي اني انا اعتبره اخ والزواج مو شي هين بس ماكو فايده ....
وقبل فترة كلمتني ربيعتي ان اخوها معجب فيني وتريد تخطبني بس انا قلت لها انا ماعندي مانع بس كلموا اهلي

بس الاهل ماراح يوافقووون عشان ماتصير مشاكل ف العيلة وان راح اكون الضحية خبروني كيف اتصرف وايش اسوي :sad:

م

منال الكويت

عروس رائعة

07-06-2006 | 10:58 AM

صج إن العادات والتقاليد اللي احنا قاعدين نتبعها مشكله كبيرة في حياتنا بس ماتدرين يمكن ولد عمج يكون أفضل

وأحسن من الغريب على الأقل يحترمج ويصونج وما يقدرل يضرج عشان خاطر أهلج بس الغريب ماتدرين اشراح

يسوي فيج ، بس مالج إلا الإستخارة لرب العالمين والله يوفقج إن شاء الله ..............

و

وَجَعّْ البَوُح

مشرفة سابقة

08-06-2006 | 12:58 AM

انا مع اختي
وفقك الله

ا

امــ حمودي

عروس فضية

08-06-2006 | 02:39 AM

الله يكتب اللي فيه الخير والصالح

ا

امــ حمودي

عروس فضية

08-06-2006 | 02:41 AM

الله يكتب لك اللي فيه الخير والصالح

a

amt_allah

عروس برونزية

08-06-2006 | 02:43 AM

قلببي معك استخيري ربك و ان شاء الله خير :sad:

د

دهن_الــــورد

عروس برونزية

08-06-2006 | 02:53 AM

اختي مب شرط يكون القريب زين والله مرات القريب ما يستحي منك ويضرك اما الغريب يحترمك...صاحبك لا تحاسبه ولا تناسبه فما بالج بالاهل...

اول شي عليج بالاستخاره...ما تعرفين يمكن الخير فيه ويمكن اصلا هو يفكر مثل تفكيرج يعني ما يباج ويعتبرج اخته ...لا تستعيليين وبعدين صارحي امج قبل ..قوليلها احس به مثل اخوي ولا اقدر اتزوجه...شوي شوي اقنعي امج وعقب ابوج...بس وا ن شاء الله الله بيكتب لج الخير ..

س

سمراءالسودان

مشرفة سابقة

08-06-2006 | 11:29 AM

ان الله لا يغير ما بقوم حتى يغيروا ما بانفسهم

س

سمراءالسودان

مشرفة سابقة

08-06-2006 | 11:35 AM

ان الله لا يغير ما بقوم حتى يغيروا ما بانفسهم

2

2paradise

عروس مبدعة

08-06-2006 | 12:52 PM

الاستخارة اولا
ثم الاجتهاد في الدعاء<<اوعي تستهوني بالدعاء اوعي اوعي اوعي
ثم تتوكلي على الله وتجلسي مع ابوك وامك وانتي اكيد عارفة اسلوب الحوار اللي هاتتبعيه معاهم >>اكيد مهما حصل صوتك لا يعلى على صوتهم
قوليلهم انك بتحترمي العادات والتقاليد ولكن اذا لم تتعارض مع شرع الله وحاولي تبيني وجهة نظرك وانك لك الحق في اختيار شريك حياتك..وطمنينا عليكي

ل

لولوووه

موقوفه مؤقتا عن المشاركة

08-06-2006 | 05:25 PM

انا عندي الحـــــــــــــــــــــل :)

روحي كلمي ولد عمك وقوليلة أنا أعتبرك مثل أخوي و أنا ما أبيك كزوج
وشوفي شنو رده !!!!
هذي حياتج وانتي كيفج

م

ماسه حساسه

عروس مبدعة

08-06-2006 | 05:51 PM

amt_allah:
قلببي معك استخيري ربك و ان شاء الله خير :sad:

..............

م

ماسه حساسه

عروس مبدعة

08-06-2006 | 05:56 PM

amt_allah:
قلببي معك استخيري ربك و ان شاء الله خير :sad:

..............

b

business_girl

عروس ذهبية

08-06-2006 | 06:23 PM

والله احيانا القريب يعرفج ويعرف اهلج ونقطه ضعفكم

ويستغلها لصالحه

ومب شرط الغريب راح يتحترمج

ولاشرط انه راح يهينج ويذلج

بس الزواج من بره العايله احسن .. في حالة لا سمح الله صارت مشاكل ما تتأثر العايله وتتفكك

والله يوفقج ويسهل عليج يارب

R

Riamee

عروس مشاركة

08-06-2006 | 08:27 PM

مشكوررات اخواتي ع النصيحة وانا فعلا صليت استخارة بس مااعرف ماحسيت بشي بس انا مامقتنعة وهو من النوع الي مايهتم بالمشاعر والاحاسيس ومسوي حج خواته فلم رعب ف البيت كل حياته اوامر وبس ...... وفعلا الزواج من الهل مو دايما ينجح .....الله يسهل علي دعواتكم الغالياات

ا

الشوق وبس

عروس مشرقة

09-06-2006 | 05:22 PM

حبيبتي روحي لامج وخبريها برفضج..بس بأسلوب..وإن شاء الله بتوقف ويّاج..

R

Riamee

عروس مشاركة

10-06-2006 | 06:58 AM

مشكووورة الجووهر الصافي) بصرااحة انا خبرت امايه وابويه بعد انا مااريده والحمد لله امي وابوي اتفهموا موقفي بدون زعل بس ابوي مب عاارف ايش يقول حج اخوه العوود يقول صعبة عليه ...
ربي يسهل امووري انشاء الله وماشتدت الا فرجت باذن االله

م

مرموم

نائبة المشرفة العامة

10-06-2006 | 08:25 AM

السلام عليكم ورحمة الله وبركاته

هلا بيكي أختي...

الحمد لله أهلك في صفّك...و هذا أهم شيء...و هم أكيد ما بيهون لهم في بنتهم...

مش شرط هذا يحصل علشان العريس الجديد...بس المبدأ نفسه و فكرة الحجز هذه فكرة عقيمة...و صارت في عيلتنا...و راح الشاب تزوج...و لا همه بنت عمه اللي كان حاجزها...و هي الحمد لله جاها نصيبها و تزوجت و عندها أطفال كمان...

يعني يمكن ابن عمك إنتي مش في باله فعلا...أو هو كمان مغصوب على هالزواجة...

ليش يكون في مجال للتراجع و ما تحاولي أختي...إستعيني بالله...و صدقيني الله ما بيخيب رجاكي أبدا ..

d

dalooo3ah

عروس مبدعة

10-06-2006 | 08:29 AM

الله يكتب لج اللي فيه الخير وانا اقول مثل الاخت اللي قالت لج روحي كلمي ولد عمج وقوليله انج ماتصلحين له كزوجه وان مشاعرج تجاهه مشاعر اخوة مش اكثر .. وصلي الاستخاره دايما حبيبتي

الله يوفقج

R

Riamee

عروس مشاركة

10-06-2006 | 10:53 AM

مشكورة غاليتي مرموم ... بصراححة الوالد محتار ايش يسوي وانا صليت استخارة 3 مرات بس مب حاسه بشي ..
وانا سمعت من اخواته انه يريدني وهو من النوع الي مايحب يتكلم ف هالاموور احتمال يخجل او مااعرف صراحة شنو مشكلته بس انا اسمع من اخواته...بصرااحة اخاف اتصل عليه ومايرد علي ...هوه انسان منغلق ويحب العزلة حتى مايطلع ويا عيال عمه ولايحب حتى يطلع خواته السوق.. لما نروح بيتهم يقولن اخواته يلعب بلاي ستيشن ؟؟؟صرااحة احسه مايصلح لي كزوووج انا تفكيري وايد غير..
الله يسهل علي يااارب
dalooo3ah
تسلمي غاليتي ع النصيحة والله يقدم الي فيه الخير