بنات شورايكم في تكحيل المولود وتقميطة وحلق الشعر

هلا اختي ...انا سمعة انه حلاقة الياهل بعد اسبوع سنه...وبعدين صدقيني اذا حلقتيه شعره بيكوون وايح حلو وبيظهر كله مع بعض انا واحده من بناتي حلقتها والثانيه لا ..ويبين الفرق بين اللي محلقه شعرها والي لا ف اتكلي على الله وحلقيه مب شرط بالموس ..ممكن بمكينة الحلاقه الرجاليه بس تخلينه على اقل رقم ...
وتقميط الياهل احسن له اول شي يقوي عظامه وبعدين اذا فيه غازات ومعدته تعوره يخفف من هالشي ..وبعدبن احس انه الياهل يوم يتقمط يهدى في رقاده..حتى يوم يبتدي يحرك ياده حد من اليهال يخافون من ايدهم فالتقميط زين لهم ...

اما الحجال مب لازم..بس هو زين لعيون اليياهل..انا جربت في بنتين ..الاولي حسيت رومشها طولن اكثر وبانن اما الثانيه لا ...فتاكدي انه اصلي ولا تجحلينه الا نهايه الاسبوع وشويه مب تترسين عيونه فديته ...وموفقه...

الحلاقه ..سنه و هذا شي راجع لج

القماط مفيد لكن مب شرط ينربط

الجحال ..خطـــــــــــــــــــــــر ...لانه يحتوي على الرصــــــــــــــاص...انتبي منه و خاصه الجحال التقليدي اعتقد يسمونه اثمد او شي من هذا القبيل ...ابتعدي عنه

الله يقومك بالسلامة وتقر عينك برؤية البيبي..

بخصوص الحلاقة،، آنه أنصحك فيها أولا هي سنة وثاني شي،، آنه ماحلقت لولدي الا يوم صار عمره 6 شهور تتوقعين شنو كان في فروة الراس،، تكرمين وصخ الولادة في راسه،، هني حصلت من أمي تعصب لأني ماحلقت له من البداية,, فأنصحك بهالشي,,

بخصوص القماط،، مفيد يهدي الطفل ومايتخرع لما يحرك يده،، ومو شرط الربطة كفاية القطعة تلفينها بطريقة صحيحة,,

الكحل،، مانصحك فيه بالمرة، الصراحة قالوا فيه مادة تضر بالعين،، وأنت وبراحتك...

البنات ما قصروا معاك

الله يتمم لك ولينا على خيرررررررر

ونقوم بسلامة

الحلاقه سنه عن الرسول وتكون في اليوم السابع..وبعدين مع الحلاقه ينظف راس المولود لانه يكون باقي في راسه من الوسخ اللي في البطن...ومايخوز الا بالحلاقه كم مره...اما اذا ما حلقتيه وتم هذا الوسخ في راسه بتلاحظين البيبي كثير البكاء لانه هالشي يضايقه ويسبب له حكه...الافضل الحلاقه..

بالنسبه للجحال هو مب لازم بس اذا انتي حابه هالشي لازم تدورين نوع اصلي مايحتوي على مادة الرصاص لانها مضره للنظر...

اما القماط انا انصح به لانه يهدي البيبي وقت الرقاد...وماتخليه يقفز من نومه اذا حرك يده يعني يكون مرتااااح...

خوااااتي الغاليات فديتكن مشكورات والله يخليلكم عيالكم

السلام عليكم ور حمة الله وبركاته..

جزاكم الله خير.. ما خليتولي شي.. ذكرتو كل شي ما شاء الله عليكم..

بالنسبة لحلاقة شعر المولود فهي من السنة
أما بالنسبة للقماط فأنا الصراحة من أشد المؤيديين له أحس أنه يريح الياهل
بالنسبة للكحال في الكحال العربي اللي ينصنع من كبد الجرجور و هذا الصراحة أوكي بس بالنسبة للأثمد فما أنصح فيه لأنه مثل ما ذكروا الأخوات فيه مادة الرصاص

انا ولدي حلقته بوسبوع والقماط ما اعقه لين 9شهور وصدقوني بيطلع الولد ريالللللل

هلا حبيبتي بالنسبة للحلاقة هي سنة بس انا ماحلقت لاولدي ولابنتي

وبالنسبة للقماط وايد مرييححححححح للطفل واخليه انام براحته وبالنسبة للكحل انا كحلت بنتي فترة بسيطة جدااااااا يمكن مرتين او ثلاث

والله يتمم عليج وتقومين بالسلامة

بالنسبه للكحل لا تحطين لله لان في السابق كانوا يحطون الاثمد و هذا الرسول صلى الله عليه و سلم نصح به لانه يجلو البصر..
لكن الآن لا يوجد اثمد كله مغشوش و فيه مادة الرصاص مثل ما قالت الاخت
لذلك لا تستخدمينه ابدا ابدا..

اما حلق الشعر فهو سنة الرسول صلى الله عليه و سلم..وكثير من الناس يعتقدون ان الحلق للذكور و الاناث و لكنه للذكور فقط و لا يجوز حلق شعر الانثى...

اما القماط اتوقع ما فيه شي بس لا تشدينه كثير خففيه و بس امك تروح مني او مناك فكيه عنه..
لان طاعة الوالدين واجبه..

وربي ييسرلك و يولدك بالسلامه

بالنسبه للكحل لا تحطين لله لان في السابق كانوا يحطون الاثمد و هذا الرسول صلى الله عليه و سلم نصح به لانه يجلو البصر..
لكن الآن لا يوجد اثمد كله مغشوش و فيه مادة الرصاص مثل ما قالت الاخت
لذلك لا تستخدمينه ابدا ابدا..

اما حلق الشعر فهو سنة الرسول صلى الله عليه و سلم..وكثير من الناس يعتقدون ان الحلق للذكور و الاناث و لكنه للذكور فقط و لا يجوز حلق شعر الانثى...

اما القماط اتوقع ما فيه شي بس لا تشدينه كثير خففيه و بس امك تروح مني او مناك فكيه عنه..
لان طاعة الوالدين واجبه..

وربي ييسرلك و يولدك بالسلامه

بنات مشكورين على الردود