قربت اتجنن بليز ساعدوني مايسوى علينا هالخطاب ..

السلام عليكم


اخباركم بنات وعساكم طيبين


حبيباتي عرايس المنتدى سوري لاني بصدعكم بس بليز ابي مساعدتكم

انا ماعندي خوات ينصحوني ومالي غيركم

في البدايه ابي اقول لكم اني سلمت انه مالي حظ بالزواج من كثر مارفضت يأست
خلاص وتعقدت بعد
قلت اخلص دراسه واتوظف واجد احسن وربي عطاني اشياء
كثييييييره شهاده وعيله معروفه وجمال واخلاق وش ابي بعد مع انه نفسي
اتزوج حالي حال غيري بس شكله مابصير ..


المهم أخيراااااا بعد مارفضت كثييييير عجبني واحد جه على مزاجي بالضبط ويقولكم كيف عرفته


في العمل


من اول يوم شفنا بعض سبحان الله كل واحد تعلق بالثاني ..

بالبدايه كنت احس انه في حاجز بينا واشوي واشوي زال هالحاجز وصرنا متفقين على كل شيء هو كان
جاد معي وكلم اهلي يخطبني بس علشان هو لسا مو مثبت بعمله فأجل الملكه الى بعد 3 شهور حتى مو الكل يعرف اني خلاص انخطبت

هو فعلا الانسان اللي كنت احلم فيه واتمناه وصار كل اللي معانا بالعمل
يعرف انه فلانه لفلان لحد ما بدت البنات في الغيره لانه شخصيته مره قويه والكل يحبه وهو على الرغم
من انه ملتزم لكن من النوع اللي يتعامل مع البنات اللي معنا بالعمل عادي جدا وهذا اللي كان يزعلني
وتخانقنا كثير وهوشات بسبب البنات اللي اخيرا اعترفوو لخوياتي بالعمل انه يسوون
كذا بس علشان يقهروني وحاسديني عليه خاصه انا كذا وحده منهم قريبته وكيف اجي انا من برا العيله واخذه منهم

المهم طبعا تأكدت انهم ما يهمونه وحتى لو ضحك معاهم فما يعتبرهم شيء والحين تغير كثير صار يحاسب لتصرفاته ولا يزعلني واهم ش عنده رضاي

غير كذا تزاعلنا في مره وقلت له خلاص بفسخ الخطبه بسبب انه كان في واحد خاطبني غيره وقلت له على الموضوع وانقهرت من رده فعله قالي شوفيه يمكن يطلع احسن مني ومابي اظلمك معاي انا فهمت قصده واعرف انه ما يبي يخليني انتظره ولاسمح الله ممكن يصير شيء ويخلينا نترك بعض بس كرامتي كانت اكبر وتركته والله هزأته كثير قدام الموظفين بعدها رجعنا لبعض واعتذرنا لبعض وخبرني وش كثر انا كسرته بكلامي وانه مايقدر يعيش بدوني ومن هالكلام

المشكله انه يعمل بداومين والاثنين حاليا مش مثبت فيهم يعني لازم انتظر اقل شيء من 3 الى 4 شهور وفي هالفتره يخطبوني غيره ومحتاره وش العمل انا احبه وابيه جد بس له بعض الحركات تقهرني مثلا احيانا ما يسأل عني باليوم الا مره وحده انا اللى اهتم فيه اكثر انا من داخلي اعذره لانه يعمل دوامين مشغول وتعبان بس نفسي لو يهتم فيني اكثر وثاني شيء خايفه انه مثلا تتغير مشاعره ويتركني قبل الملكة

وماني عارفه وش اسوي مع الخطاب غيره يعني من يوم علقت نفسي فيه خطبوني 3 رفضت واحد وباقي اثنين مو عارفه كيف اقول للناس لاااااا واحد من طرف بنت عمي والولد يبي يقابلني والثاني من طرف صديقه امي ومحتاره كيف اقول لخطيبي انه في غيره واخاف اسمع منه نفس الكلام اللي تزاعلنا بسببه واخاف انه اكمل معه وانصدم وش الحل ؟؟


سامحوني على الاطاله