معقوله زوجي كان يخدعني طول هالوقت

السلام عليكم

خواتي حبيت أعرض عليكم مشكلتي وهو ان زوجي ايام الخطوبه وعدني بانه راح يسكني في

شقه ومش مع أهله وخصوصا ان امه لما خطبتني قالت لأمي بنتك بيكون لها شقه وماراح تسكن

معانا في البيت

مدة خطوبتي كلنت 7 شهور ولما كنت افتح مع خطيبي موضوع الشقه يقولي

انا ادور ومماطله لما بقى على زواجنا شهرين تقريبا قلت له الشقه شصار عليها قال لي

لقيت شقه قريبه جمب بيت أهلي وممتازه بس المؤجر بيطلع بعد 3 شهور يعني بنظطر

نسكن مع أهلي فتره مؤقته لمدة شهر بس طبعا انصدمت وفي النهايه وافقت

الشهر اللي قالي عليه فات وعدت شهووووور تقريبا 9 شهور وهو ابد مايجيب طاري الشقه

زوجي وحيد أهله وامه وابوه كبار وعند خوات مو متزوجين

مشكلتي اني كل ما ابي افتح موضوع الشقه معاه ما أقدر مدري ليه احس بحااجه تمنعني

معاملة أهل زوجي جدا محترمه وانا في حالي وهم في حالهم بس انا يابنات من قبل لا أتزوج

كان حلمي بشقه وابد ما كنت متخيله اني بسكن مع أهل زوجي طبعا انا ساكنه في غرفه وحمام بس

احيانا اتمنى ان يكون عندي مملكه خاصه فيني اسوي فيها اللي أبي أأثها على كيفي وغيره

عند اهل زوجي احس اني مقيده تخيلو يابنات مطبخهم استحي ادخله أحيانا ودي بطبخه معينه ما أقدر

أسويها ولا اقدر اسوي حاجه لزوجي لاني بطبعي خجوله جدا وتعرفون اكون متقيده من ناحية اللبس

وغيره ساعات اقول في نفسي اصبري مافي شي يدوم على حاله بس احيانا ما تتخيلون يابنات أجلس

أبكي لان الموضوع مأثر على حالتي النفسيه جدا واقول معقوله زوجي كان يخدعني طول هالوقت ياريت تشورون علي شسوي