ابي حل للبرود اللي انا فيه بلييييييييز ؟؟؟؟

هالشيء اختي في داخلج وتقدرين اتساعدين نفسج بروحج
مثلا لو عندج موعد ساعه 8 اذا تتاخرين في التجهيز للطلعه
اتجهزي من وقت يعني قبل الطلعه بساعتين عشان ما تتاخرين
حاولي تنجزين اعمالج في نفس اليوم عشان ما تحسين انج ما سويتي هالشيء
خل عندج عزيمه عشان اتسوين الشيء اللي تبينه

تحياتي لج

مشكوره على ردج اختي شمعة دبي ؟؟

حاولت اسوي جذي بس احس ماكو فايده البرود مشكله اعاني منها حتى قبل الزواج ؟؟

فديتج اول شي خذيلج نوته صغيره حلوه وابدي اكتبي الاشياء اللي لازم تسوينها ها الايوم او الاسبوع دونيها علي شكل نقاط اول لسته ووابدئي بلاهم وعقب ما تخلصين من ها الشي اشطبي علي اللي خلصتيه. بها الطريقه بتنظمين وقتج وما بتتراكم عليج الاشياء.

وكلي عسل طبيعي عشان تستوين نشيطه وتوكلي علي الله في كل شي

السلام عليكم ورحمة الله وبركاته

حبيبتي فيه ناس سبحان الله كذا فيهم ها الطبع وصاحبتي وحده منهم مهما تأخرت أو غلطت تكون كوووووووووووووول مره

يا بنت الناس بختك شو تبغين بحرقة الدم انا حامية وعلى طول مولعه لو احد تاخر أو انا تاخرت بس لو كنت باردة احسن لصحتي ولنفسي

شوفي الغالية اذا على سالفة الطلعات تجهزي قبلها بساعه يعني لو مثلا طلعتك الساعه 5 تجهزي من 3 او قبل لو تحتاجين وقت أطول وان شاء الله مع الوقت بتتعودين على الانظباط ولا تضايقين روحك ترى مو ذيك المشكلة الكبيرة عادي بس مسألة تعود لا غير

الصراحه راحه:
فديتج اول شي خذيلج نوته صغيره حلوه وابدي اكتبي الاشياء اللي لازم تسوينها ها الايوم او الاسبوع دونيها علي شكل نقاط اول لسته ووابدئي بلاهم وعقب ما تخلصين من ها الشي اشطبي علي اللي خلصتيه. بها الطريقه بتنظمين وقتج وما بتتراكم عليج الاشياء.

وكلي عسل طبيعي عشان تستوين نشيطه وتوكلي علي الله في كل شي

جربي كلامها وان شاء الله تتخلصين من هالعاده ..

هالعاده حلوه مش حلوه

يعني تكرر هالشي موو شي!!

امشي عاللي قالته (الصراحه راحه))
وشوي شوي بتلقين نفسج
احسن ان شاء الله

هلا عزيزتي

اولاً نظمي وقتك بالأجنده (( يعني جيبي لك اجنده وقسمي أشغالك عليها بالوقت والدقيقه *مثال:

مثلاً عندك كم شغله في نفس اليوم *السوق *معزومه على العشا * الصالون

تبدئين من العصر وتقسمين الوقت تحددين شكثر تبين في السوق وبعده الصالون وبعده البيت علشان تتعدلين حق العشا،، حطي حق نفسك توقيت لكل شغله بتسوينها وبالتالي بتكونين في الموعد اللي انتي تبين ،، من غير تأخير ولا تبكير،،

وبهالطريقه بتتعودين تلقائياً وجدولك بيكون منتظم ،، وبتنسين مسألة البرود


سفيرة فوق العاده

أشكركم على مروركم وحلولكم وووووووووووالله بمشي عليها و كلامكم وانشالله يفيد فيني


ماقصرتوا حبيباتي والله مالي غيركم بعد الله

واني احبكم في الله

أختي العزيزه انا والله كنت امر مثلج في هذا الموااااقف ودوم اهلي كانوا يكلموني عن هذا الموضوع

بس انا خلاص مليت من كلام اهلي عن اهمالي وبرودي وصرت لما يكون عندي موعد ولااي مشوار

كنت ايب ورقه وقلم واكتب كل موااااعيدي واكتب اني لازم اكون جاااااهزه قبل الموعد والحمد لله تعوت على هذا الحاله والحمد لله والله يوفقج

أهلا سمامبتيكا..

شوفي يا طويلة العمر..مشكلتج نفس مشكلتي لكن الحمدلله تخلصت منها..

يعني قبل لو مواعده احد لازم أتأخر..

ولا على الدوام الصبح ما احب اروح امبجر يا اما حده حده او اتاخر..

لي درجة غيرت دوامي و خليته عصر تخيلي ههههههه

لكن الحمدلله تخلصت من هالعاده بالارادة و الاصرار..و سويت مثل ما قالوا الخوات..

ان اذا عندي موعد او عزيمه اقوم قبلها بساعه او اكثر بالذات اذا عزيمه و يبيلها مكياج و هالسوالف ..

و في شي فادني بعد وايد في تنظيم مواعيدي و اهو ال آي ميت..

و ان شاء الله اكون افدتج يا الغالية :)


تقبلي تحياتي..

و أحبك الله الذي احببتنا من اجله..

اختج ام فروحه

مشاء الله ماقصرو البنات معاج بس بقولج على طريقتي اجيب الموبايل اروح على الكليندر الرزنامه بتاريخ الي انا معزومه في احط تنبيه مثلا اذا الساعه 5 اخلي التوقيت 3
وهذا معناه من الحين ابتدي اجهز.
الحين الحمدالله ظبطة السالفه بس يعني اتاخر موووو واايد شوي تدرين المواصلات باوربا ومعظم روحاتنا نركبلها باص 11 <<<< نمشي يعني خخخخخ