تحذير لكل تاجرات اللانجري اللي بيحملوا صور الموديلز العاريات

السلام عليكم و رحمة الله و بركاته

حياكم الله جميعا

انا احب احذر كل اخواتي اللي بيبيعوا لانجري او ملابس نساء فيها صور للموديلز انهم لما بيحملوا الصور دي اللي فيها نساء بتكون اجسامهم عاريه , الصور دي بتظهر علي النت و الرجال بيشفوها:sad:

انا كتبت الموضوع لان انا شفت أحد صور الكتالوجات بتاعتي و عليها توقيعي و السعر في احد المواقع لا و كمان موقع اجنبي , قال يعني هما ناقصين عري علشان ياخدوا صور الكتالوجات هههههههه و لا مش ناصحين, كان لازم الاول يشيلوا توقيعي و السعر لانها مكشوفه قوي ان الصوره مش بتاعتهم , بس تلاقيهم ما فاهمين هو مكتوب ايه اصلا


طبعا انتم لازم تعرفوا ان النت دا بحر كبيـــــــــــــــــــر و الصور مجرد ما بتتحمل بلايين البشر بيشوفوها ...تخيلي بقه انك بتاخدي وزر الرجال اللي بيشوفوا الصور دي كلها

انا الحمد لله من بعد موضوعي اللي نزلته باسم ايها الرجل اتقي الله و بعد ما الاخوات نصحوني اني اظلل الصور الحمد لله ظللت كل صور اللانجري... لكن كتالوج حبيبه للاقطان ما ظللته لانه محترم ما فيه شئ مخجل تشوفه الاخوات زي كتالوجات اللانجري , لكن توووووووبه ان شاء الله هاظلله هو كمان بعد ما شفت صورة الكتاولج علي الموقع الاجنبي

و كمان بعتذر من كل الاخوات اللي طالبين سواء علي العام او الخاص يشوفوا كتالوج الاقطان الي ان اظلل جميع الصور , الله يعني ان شاء الله

انا عارفه ان التظليل بياخد وقت طويل لكن انك تتعبي في سبيل الله , ربنا ان شاء الله راح يجازيكي الخير الكثير بكرمه و جوده و كمان علشان نطهر مكسبنا من اي شبهه(f)

انا يا جماعه بعد ما حصلي الموضوع دا قلت لازم انوركم و ما اكتم النصيحه علشان دي امانه في رقبتي

اللهم قد بلغت , اللهم فاشهد

و عليكم السلام و رحمة الله و بركاته