الحمدلله بعد الاقبال الكبير على الدخون والعود المعطر الملكي
حبيت
اعرض لكم اليوم
المخمرية بدهن العود،، التولتين ب 100 درهم،،المصنوعه في البيت على يد خبيره اماراتيه لها باع طويل في مجال المخلطات والدخون
وهذي صورتها
بالنسبه للتوصيل متوفر لجميع الامارات مقابل 15 درهم والدفع عند استلام الطلب :)
اللي حابه تتطلب من المخمريه اللي بدهن العود
اطرش لي اسمها ورقمها والاماره
وان شاء الله طلبيتها بتوصلها لين البيت واذا حابين عينات من الدخون الملكي او العود المعطر الملكي بلغوني عند تسجيل الطلب ...
وشهادات الخوات الكريمات اللي جربن المخمريه :)
طائر الطنان:
السلام عليكم الغاليات
صراحة انا حابه احط تجربتي للمخمريه اللي خذتها من عند ام خليفة
انا خذت من عندها 4 علب ماشاء الله
اول شيء الغالية ماقصرت
اول ما اطررش لها اني اريد شيء على طووووووووووووول فديتها تجهزه لي
وثانيا صراحة كراي بالمخمرية ماشاء الله
امي وخواتي وحريم اخواني لاحظوا
عيبتهم وخذوا من عندي
والريل ماقصربالتعليقات :)
يعني حتى عيالي يقولون ماما وايد حلو شعرج
يلعبون فيه وعقب يحبون يشمون ريحة ايديهم ويشمشمون الكل الريحة الحلوة
تسلم الايادي فديتها
وجزاج ربي كل خير
سما_دبي:
بصراحه انا جربت المخمريه وايد وايد روعه وكنت مشتريه ثنتين خلصت وحده والثانيه استخدمها الحين وخاصه للشعر فظيعه .......تسلم ايدج ام خليفه
لوميه حامظه:
السلام عليكم ورحمه الله وبركاته
اختي توته اليوم استلمت المخمريه وبصراحه شي خيال الريحه تينن وعيبتني وايد وايد والله يسلمج ويعطيج العافيه ومشكوره على سرعه التوصيل واشكرك واول ماوصلت المخمريه ماصبرت حتى اوصل البيت وانا في الدوام حطيت شويه على يدي والله حسيت ان راسي ارتاح اول ماشميت ومشكوره على العينات بعد ريحتهن وايد حلوه وانشاء الله بطلب منج عن قريب :)
دموع الحيرة:
السلام عليكم
احب اشكر ام خليفه على اسلوبها الراقي فالتعامل و بعد على الشغل المرتب و الدخون و العود و المخمرية الاكثر من رائعين
شوق وذوق:
أول شي جمعه مباركه . .
ثاني شي: يزاج اللله خير الأغراض الي طلبتها وصلت. .
وربيعتي تشكرج ع الدخون الملكي والمخلط الملكي. .
والمخمريه روووووووووووعه وايد عيبتني
ومخلتنها مخصوص حق يوم الجمعه. . عشان تكون الريحه مميزه
انا ما تعيبني المخمريه عادة بس مع دهن العود شي ثاااااااااااااااني. .
وكل ما تخلص اكييييييييد برد آخذ منها. .
الله يعطرج من روايح الجنة . . ويبيض ويهج
. .
.. أم سلامه ..:
البارحه وصلتني حبتين من المخمريه بس بصراحه يسدكن ريحتها من الجيس :)
والعينات وايد حلوه
الله يوفقج الغاليه .. وعقبال ما يخلصن وأشتري مره ثانيه
.. أختكم في الله ..
بنت الظبيه:
هلا الغاليه
وصلتني المخمريه ورووووووووووووووووووووووووعه شوي عليها والعينااات خباااال بصراحه كل واحد احلا من الثاني
شيخة امها:
:) هلا وغلا حبيبتي توته الحلوة اسمحيلي علي الرد المتاخر لاني كنت مسافره بس الصراحه حمياتي كلهم عيبتهم المخمريه مع العينات واشكروا علي الريحه الحلوه ,,,, :26: :26: هذي الريحه والا فلا
عيون كحال:
ما شاء الله عليج يالغاليه
اليوم وصلتني الطلبيه
وهذا مب اول مره اتعامل معاج
وصراحه الي يتعامل مع انسانه ذوق مثلج ما يندم
وشغلج جدا راقي
وسرعه في التوصيل
ربي يحفظج ويوفقج
وعلى فكره انا اول مره اطلب لمخمريه
صراحه شلت السياره شل من ريحتها
تخبل تسلم ايدج
ومره ثانيه الف الف شكر لج ام خليفه
ريمي الصغيره:
السلام عليكم
مب شي غريب عليها....دايما متميزه وبضعتها روووووعه خاصه المخمريه اللي بدهن العود تعيبني واااااااااايد وعطر الشموخ ...الله يوفقها ويخليلها عيالها يارب.... وهذي الناس الطيبه اللي تدخل القلب على طوووول...ذوق واخلاق..
تحياتي:)
