ليتني انسا او ينساني الزمن..رساله الى نفسي
dana79
03-06-2006
25 رد
1,840 مشاهدة
السلام عليكم........
شخباركم بنات شمسوين
بنات انا هالفتره احس باحباط شديد ورغبه استغفر الله بالانتحار بتقولون لي ليش والحياه حلوه ومادري شنهو بقولكم جزء من المشكله...
اول كنت افكر اني اتزوج وافكر بالامومه هالحين اقدر اقولكم فقدت هالاحساس يعني ماصار موضوع الزواج والارتباط يهمني وايد
صرت احس حياتي متعبه ...انا اموري كلها تلخبطت فجاه وبدون اي مقدمات...طبعا اقدر اقولكم سالفتي سالفت اغلب البنات بهالمنتدى
تكون مرتبطه بشخص وفجئه وبدون اي مقدمات يتركها ليش شنهو صار ماتدري...
انا نفس الشي....
بتقولون خل يولي بقولكم ان اوكيه خل يولي بس انا شعوري الي انجرح وعذابي النفسي من يداويه
صايره بكل نفس اتنفسه انجرح
ساعات اتمنى ان يجيني فقدان بالذاكره وانسى ان مر بحياتي هالانسان او هالشخص انا كل يوم اتصل عليه وارسله مسجات اترجاه يرد يقولي ليش تركني شنهو صاير مايرد
مع ان هو اخر شخص توقعت انه ممكن يتركني بدون مايفكر فيني وتوقعت فراقي صعب عليه وهو الي وعدني انه مايتركني مهما صار ووعدني انه يكون لي....
حبني بكل مافيني وعشت احسن فتره بحياتي والحين يقفل تلفونه واذا فتحه خلاه فويس مسج
ويوم يرد يقولي ماحس ان احنا ننفع لبعض ليش؟؟؟؟؟؟؟؟؟؟؟؟؟
انا اعيش بدوامه اقدر اقول ان دمعتي تنزل بدون سبب باي وقت ماقدر امسك نفسي واقدر اقول ان كل دمعه تذبحني
اشلون انساه وكان بينا اصدق شعور اشلون انساه وانا الي احسب نفسي اعرفه عدل وهو فهمني عدل وعارف انا شنهو ابي بدون مااتكلم ويقوله لي...اشلون انساه
احس اتصالي له اهانه لي ادري وادري ان صده وحقرانه لي اكبر اهانه ممكن الاقيها بحياتي لاني من جد ذليت نفسي وانا اترجاه يرد علي او يكلمني
ذليت نفسي لدرجه اني ارسله ايميل اقوله انا مابي ارتباط ابي بس وصلك وهو يحقر ايميلي
تمنيت الموت ايه .....وتمنيت اني ماانخلقت وتمنيت وتمنيت
ساعات اقول اكيد صابتنا عين وساعات اقول يمكن سحر تفريق
وساعات اقول اكيد انا ماعدت اعجبه
وساعات الوم نفسي اني ماقلت كل الي ابي له ......انا العمر كله مايكفيني اوضح له محبتي له ومشاعري له
بس ليه رخص فيني وعافني بكل بساطه وهو قبل يقول ان هالامر صعب عليه ويتعبه
انا بوسط النوم افز لاني احلم فيه يكلمني او احلم فيه مرتبط بوحده ثانيه
تعبت نفسيتي وصارت دماااااار مع اني احاول اشغل نفسي بس اشلون اهرب من شي انحفر بقلبي
اهرب منه وانا كل مره اشوف المرايه اشوفه بعيوني
تعبني الكلام وتعبني السكوت وتعبت وانا توي مابعد شفت الحياه.............
بنات دعواتكم الصادقه لا تبخلون بها علي وياريت تتعمم على كل بنت انجرحت قبل تكتمل فرحتها
حبيبتي
انا ما اريد اقسى عليج
اولا لا تنبذين شعورج بحب الأمومة و الاستقرار و حب الشريك
هذا شعور طبيعي .........
بس المو طبيعي انج تسعين لها الشي بطرق غير مشروعة
انا مو قصدي شي .... لا تزعلين علي
بس الريال ما يحب البنت اللي تركض وراه .....
و البنت إللي ترخص نفسها علشانه
خصوصا إذا ما شي رابط شرعي بينهم
إنتي بعدج صغيرة
27 مو وايد
انصحج انج تشتغلين
و ممكن تصرحين برغبتج بالزواج لأمج ، خالتج أو عمتج
او اي حرمة من عايلتكم تثقين فيها .....
و الزواج هذا رزق من الله إذا الله كاتبه لج لتاخذينه
ادعي ربج و الله يوفقج
ياعمري إنتي
مدري والله وش أقولك ..
هالحين ما اقدر اقولك غير ربك ثم ربك ثم ربك يادانا..
بذمتك إسألي نفسك هالأسئلة ..
عمرك لجأتيله وخذلك مهما طال الوقت ؟؟
عمرك اصلاً لجأتيلة ؟؟
رفعتي إيديك بعد صلاة مو مفروضة تطلبين فيه رحمتة وتوفيقة لك ؟؟
انا متأكدة إني اعرف الجوااااااااب .. كلنا كذا بس نحزن نسكر الباب ونقعد نبكي ونحاتي ونزعل ونقفل كل ابواب السعادة والراحة بوجهنا .. ونحصر نفسنا بهالمساحة الصغيرة إلي إسمها مشكلة ومرت علينا ..
دانا إنسي .. كوني قوية وإنسي .. إلجأي لربك لربك يادانا
ادعيه ليل نهار
صلي له قيام وسنة وضحى
وأكثري من قراءة القرآن
حطي في بالك من الحين انو هو قادر اكيد انو يفرج عليك بإلي يسعدك
ادعيه وإنتي مقنعة تمام الإقتناع بنفسك انو بإذنه بيفرجها ومافي حل غير هذا ...
نصيحتي لك بعد حاولي تقري سورة البقرة كاملة كل يوووووم .. والله والله بترتاحين من كل إلي في نفسك هذا ..
حتى لو فيك عين او حسد او او بإذن الله بيروح ..
يالله عاد طولت عليك
سامحينا
بقولج كلمه اخذيها من اخت لا ترخصين بدينج ولا ترخصين بنفسج ولا ترخصين بكرامتج
الريال ما يحب المرة الرخيصة اللي احصلها ببلاش
والله ثم الله ما يستاهل دمعه من عينج واصبري وبتلقين اللي يغليج واحبج واحطج فوق راسة وهلي اتحبينه ما تشتهين عقب تسمعين اسمه غيري رقمج شقي صفحه من حياتج حطي على قلبج حصاه وبيعيه برخيص ترى والله والله ان ردت العلاقة مرة ثانيه لتخسرين خسارة ما تنعوض لو تذرفين بدال الدموع دم
تسمعين نصيحة اخت ؟؟؟
تسمعين نصيحة وحده حاسه فيج ؟؟
الي ابيج تعرفينه انج قاعده ترخصين نفسج باتصالاتج له .. لا هو ولا غيره بيقدر يجيبلج السعاده طول ماانتي تتبعين هالطريقه.........
عزي نفسج
رفعي راسج فوق وقولي مايستاهلني
احمدي ربج انه ابتعد وقولي وماالخيرة الا فيما اختاره الله
انتي مب صغيره عشان تركضين وراه وتضيعين عمرج في هالوهم
الي لازم تتاكدين منه انه خلاص مايبيج وواضح من تصرفاته
ترضين تعيشين او ترتبطين بشخص جاه يوم وعافج ؟؟
حتى لورجع لج ؟؟ تضمنين انه مايعافج مره ثانيه ويرجع يبتعد عنج ويكسرج ؟؟
قوليلي انتي ذابحه عمرج وتبين تنتحرين وتخسرين الجنه عشان شخص مايسوى لييش؟؟
دانه حبيبتي انتي اكبر من هالكلام انا حاسه فيج
ومتاكده انها لحظات ضعف تمر عالانسان
انا مريت بلحظات الضعف هذي ولين الحين امر فيها بعد انفصالي
لكن شاقول ؟؟ شلون بتقدرين تصبرين على الهم الي فيج ؟؟
مالج غير ربج ....
ادعيه ليل نهار انه يعوضج عن هالي مايستاهل نظره منج ....
اتركيه
واقطعي اتصالاتج
وغيري رقمج
اقري قران قبل نومج كل ليله وصدقيني هالشيطان مب راجع لج
تبين تعيشين مستانسه ويجيج الي يعزج ويحبج ويخليج ماتحتاجين لاحد
تقربي من ربج .......
غمضي عينج وتخيلي معاي وهالشي انا اتخيله بعد مشكلتي ...
(( هو تركني ... وانا قلت : اللهم اجرني في مصيبتي واخلفني خيرا منها ... وشغلت نفسي بأي شي دراسه شغل اهل حتى لو انترنت واهتمام بنفسج........مابيمر وقت الاورب العالمين عوضج بالي يسوااااه ويسوى طوايفه كلهم ......... الي بيحببج بالحب والزواج والامومه والحياه ))
فتحي عينج ؟؟ تخيلتي هالشي .... مب حلو ؟؟
والله ابي لج الخير ......... ابتعدي عنه ارجووووج
وطالعي جدام
وتقربي من ربج ......
والله بيعوضنا خير انا وانتي :)
ريم-قطريه-دلوعه-بنت بوظبي-بنت الغالي
مشكورين على ردودكم وتشجيعكم
بنت الغالي انتي حاسه فيني وانا متاكده من هالشي اناالمشكله اني احس زي الي طحت بحفره ومو عارفه اطلع منها ودي ساعات امسك قلبي واشيله من صدري وارتاح
انا مااكذب عليكم اشغل روحي بالدعاء بالقران وذابحه روحي بالدوام شغلي وشغل غيري اسويه بس عشان التهي وماافكر
يمكن اشوف للناحيه الايجابيه للموضوع اني صرت اقوم صلاه اليل وصلاه الفجر بوقتها هذاالشي الي مريحني شوي
والله اني ادعي واقول دايم "ربي لا تذهب قلبي لشئ صرفته عني" وادعي ان ربي ييسر لي امري ويريح بالي وبال كل بنت صادقه بمشاعرها
انا اكتب لكم من حرقه مافيني ومااكذب عليكم كل مره ادش اشوف ردودكم تدمع عيوني
واحس ان فيه احد معاي احس عندي خوات يطيبون خاطري بكم كلمه....
انا كاتبه خواطر بهالموضوع ....من كثر مااثر فيني
تدرين بنت الغالي بقولج شي وانتي يا قطريه وكل البنات بعد
انا الحين اكتب واقرا ردودكم وامي اللخ يحفظها ويخليها لي يارب قاعده قدامي تشوف التلفزيون
قاعده افكر ان الوقت الي اضيعه وانا افكر بهالشخص باجر بندم عليه اذا فقدت اهلي لا قدر الله لاني ماقعدت معاهم او بادلتهم مشاعر هم اولا فيهاو لان هم اصدق ناس وهم الي يعطوني اصدق شعور بدون مجاملات او مصالح.....
شعوري بالامومه والاستقرار مادري بهالفتره مافكر فيه كثير يمكن لان تعبت نفسيتي من الاتنظار او عشان الصدمه بس ادعو ان ربي يعوضنا بالي احسن واحسن واحسن والي يعرف قدرنا يارب
ترا انا هذاره يعني ماراح اسكت :gum: وخصوصا اني وايد متضايقه
مادري مشاعر مختلطه.....
ا
الحلم الهادىء
عروس برونزية
03-06-2006 | 10:46 PM
اسجل اعجابي بتعليق "بنت الغالي" الله يكملج بعقلج :) ويادانه كلام بنت الغالي بالصميم مراح اضيف عليه شىء
يا حبيبة قلبي
شوفى تأكدى أنة
ربنا سبحانة وتعالى لم يحرم شيء إلا ولة مضار كثيرة ولم يبيح شيء الا منافعة جمة
حرم الأخدان وحرم العلاقات المحرمة
ممكن تقوليلي بقى انتى عوزة من الشخص دة اية لو مكنش هيجوزك؟
هتسمحيلة بأية؟
ثقى
انة احد الأندال
لأنة لو راجل قد مسؤليتة كان تركك بإسلوب محترم وشرحلك
اللى عوزة اقولة
تاملى بالموضوع تجدية أنة علاقة غير شرعية مقدمات منطقية أدت لنتائج منطقية فينهايتها
لا تبكى
من خرج من حياتك اغلقى الباب خلفة
ومن لم يبلغك بسفرة متقوليلوش مع السلامة
لا يوجد بالدنيا من هم احق ببكئك وفرحك غير اهلك اهلك اهلك
وربنا يثبتك عند الكرامة والأصول
دعائي الصادق لك
مادري احس دمعتي بتنزل وانا اقرا الموضوع
احسه صدق مكتوب من القلب ومن حرته
اختي عن تجربة عليج بالصلاة ثم الصلاة ثم الصلاة والدعاء
ومهما دارت الدنيا صدقيني لو 10 سنين الله بياخذلج حقج منه...بس قولي (اللهم اجرني في مصيبتي واخلف لي خيرا منها )
عزيزتي الله يكون بعونج
انا ما بطول عليج بس انا حاسه فيج تمام و قصتك مشابه لقصة وحدة صديقتي و اعرفها من سنوات
انا مثلي مثل البنات انصحك انك ما تتصلي فيه .. خلاص اذا جربتي كم مرة اعتقد انهم كافيين
الموضوع يباله وقت مش بالهسهولة بتنسيه بس انتي حاولي
الوسيلة الوحيدة في نظري لنسيانه هيي انك تشغلي نفسك بشي ثاني
لا تهملي نفسك و اشتري لك اغراض جديدة .. تكلمي مع اختك او حد من صديقاتك في هذا الموضوع
هذا الشخص عزيزتي ما يستاهلك و حتى اذا تبين تعرفين منه عذر بقلولك اهلي ما يرضون و انا ما اريد اغضبهم يعني الحجج الي بيقولها تافهه ومالها معنى
عيشي حياتك و تمسكي بالله اكثر و اكثر و ان شاء الله بيعوضك قريب
هلا اختى.....
ليش اختى تهينين نفسج له وهو حاقرنج ...خل يولي اصلا ما يستاهل ويوم قالج ما ننفع حق بعض قوليله انا متأكدة من هذا لو هذا اللي مش بخاطرج ....بس علشان تبينين انج قوة ....
وثانيه شو تنتحرين انتى مب ياهل ...خل ايمانج بالله كبير ....
وحبي اهلج اسرتج امج وابوج ما يستاهلون هذا اللي تسوينه من وراهم والله ...
لو تفكرين اشوي بيهم وما تكونين انانيه ,,,,وتفكرين بعمرج وحبج الضايع ,,,,
صدقينى ومن يتقي الله يجعل له مخرجا ...
السلام عليكم ورحمة الله وبركاته
أختى dana79 أحب ان أخبرك بأن قصتك مشابهة تماما لقصتي وقلت نفس الكلام وشعرت بشعورك وظننت ان الحياة ستتوقف عند هذا الحد واني لن اعيش حياتي من بعده واني واني واني
ولكن قدرة الله فوق كل شئ صحيح في البداية تعذبت كثيرا وقلت لن انساه ابدا ولن استطيع ان احب غيره والحياة بدونه عدم ، لكن الله يبدل الحال بدون مقدمات يكفي انك مؤمنة بقدرته على تغيير حالك "ان مع العسر يسرا" اختي لن اقول لكي اني الآن اموري قد انحلت بالعكس لازلت في دوامة رفض لكل من يتقدم لي لكن السبب ليس هو لقد شلته من تفكيري ومن حساباتي لأني اكتشفت بعدها انه لا يليق بي من جميع النواحي وربنا بعده عني لخيرة لي وانا الآن لا احب ان اتذكره ولا احب سماع سيرته بتاتا ، شعرت فعلا ان الله انقذني منه لاني اكتشفت جميع عيوبه بعد تركته والآن اختي احمد الله عز وجل انه بعده عني وهذا كله بفضل صلاة الاستخارة
احببت فقط ان اوضح لكي ان الزمن كفيل بأن ينسيك وحتنسي لو وجدتي شخصا يعوضكي ما فات ولا تقولي لا استطيع فأنا قبلكي قلتها مرارا وتكرارا وهانا الان لا احب حتى ذكراه رغم اني مازلت لم ارتبط "أنا من مواليد 76" الفرصة مازالت امامكي
أدعو الله عز وجل ان يرزقكي ويرزقني الزوج الصالح عاجلا غير آجل وحسبنا الله ونعم الوكيل ولا حول ولا قوة الا بالله العلي العظيم
اللهم صل على سيدنا محمد وعلى آل محمد وعلى من اتبعهم باحسان الى يوم الدين
هلا بنات
دعواتكم ثم دعواتكم وكلامكم والله ان له قدر كبير عندي ووصلني شعوركم ماتوقعت ان احد بيجبر بخاطري او انه يعطيني حلول تشجيعيه
بنات انا مااجذب عليكم انا لين هاللحظه بداخلي احس انه انسان زين بس ظروف ماساعدته او انه تغير تفكيره ومفهومه للحياه او تغيرت مفاهيمه بالنسبه للبنت الي يبيها ...بس بداخلي احسه طيب وفيه دين مع ان الي بقلبه ذره دين مايسوي سواته
انا بعد ماقريت ردودكم مابكيت بالعكس والله مع ان داخلي فجئه احس ان في شي يحترق بس امسك نفسي واتصدد عن هالمشاعر
وكله بفضل الله ثم بفضل وقفتكم معاي ردودكم بس حسستني اني غاليه واني فوق ولازم اداري مشاعري بس تمر لحظات ضعف من ابليس اعوذ بالله
يــــــــــــــــــــــــــــــارب يسر لي ولاخواتي بالمنتدى امورنا واجبر خواطرنا يارب وانعشنا
للحديث بقيه بنات :)
من أحب شئيا غير الله عذبه الله به .. خاصة لو كان علاقة غير شرعية ..
الله يعينك ابصراحه ما الومك بس صدقيني اللي مثل هذي الاشكال ما يستحق
تسوي عشانه كل هذا اللي يخون مره يخوه كل مره انا صديقة صار لها نفس سالفتك بس للآسف
من قرايبها تخيلي وخطب غيرها بالرغم انه في كلام يعني ابوه وامه كلمو اهل البنت واهي تعلقت
فيه وحبته جلست تتنتظره 6 سنوات ولما جا وقت الخطبه خطب غيرها يعني انتي برايك هذا
انسان يستحق الاسف طبعا لا!
حبيبتي الله راح يعوضك وكل مكسور مجبور شوفي انا قدامك
ا
الحمدلله في السنة الثالثة من زواجي ومبسوطه ومرتاحه مع زوجي فوق ما تتصوري
بس ولدنا توفى في حادث سياره واحنا طالعين لكن شوفي الله سبحانه وتعالي عوض صبرنا
والحين انا حامل شايفه كيف الله جبرنا خاطرنا وانشاء الله ولدنا شفيع لنا في الجنة
اخذي نصيحة اخت خلي ثقتك بربك كبيره وانشاء الله الجاي خير في خير
انا اضم صوتي لصوت بنت الغالي !! ربي يصبرج !!
اختي يقول المثل اللي ما يباج لا تصيحين تبينه
والايام بتنسيج هالانسان
حاولي اتشغلين وقتج باي شيء اختي الغالية
ولا تذلين عمرج لانسان ما يستاهلج
الاخت شيرين
الله يعوضج ان شاء الله ويسلي خاطرج
بس انا مشكلتي تدرون شنهي اني الحين متماسكه وصابره وقت اجي انام كل الافكار تطلع براسي لدرجه اني صايره احلم فيه واقوم متكدره من تاثير الحلم
بنات يمكن اي وحده تقرا تقول بقلبها اشدعوه او انتي ضعيفه بس والله انا احس اني بدوامه
صايره الاكل مااتهنى فيه ...
يوم اقول اوكيه انا اقدر اعيش بدونه ويوم ودي اكل بندول نايت وانام عشان افتك من التفكير
ساعات اقول لو اني متعامله معاه بطريقه ثانيه يمكن ماتركني وساعات وساعات بكل وقت الوم نفسي واحاسب نفسي اني شنهو فيني عشان اخسره......
بنات تعبني هالشعور مع اني احاول قد مااقدر اني اشغل وقتي بس شي بداخلي بقلبي
والله تعبت:(