اخواني اخواتي اتمنى ما احد يبخل علي برايه

السلام عليكم و رحمة الله و بركاته

حبيبتي الله يوفقج بمشروعج و يرزقج بالرزق الحلال الطيب

حسب علمي ان دراسة المشروع يسوونها متخصصين فإذا ما عندج خلفية روحي لمكتب متخصص اهمه يسوون لج كل شي

يشوفون جم تحتاجين ميزانية و جدوى المشروع و حاجة المنطقة و كل هالسوالف

و بشرينا عنج يالغالية

ممكن اسألك انتي بأي مدينه ساكنه؟...لانو ازا عايشه في جده...انصحك انك تاخذي قرض من شركه عبداللطيف جميل لدعم المشاريع الصغيره...كتير اخدوا قرض من عندهم و نجحت مشاريعهم...و تعاملهم سهل و مريح في استرجاع القرض...

اختي انا ماعرف في هالسوالف بس اللي انصحج فيه قبل اي شي, صلي استخاره :)

ماعندي فكره

بس يفضل تروحين عند مستشاريين او اختصاصيين في هالمجال

والله يوفقج

الله يسعدكم يا اخواتي العزيزات.......... شاكره لكم كل حرف كتبتوه والله حاسه اني محتاجه بس لاحد يرفعلي من عزيمتي خاصه ان كل الي حولي اهلي وصديقاتي شاطريييييييييييين موت في احباطي وتخويفي وانا احس ان الفرصه جاتلي عشان احقق حلمي بس محتاجه اني ادرسها زين
وهذا طبعا بمساندتكم
لكم كل الشكر ..................... وانتظر الاخرين واي اخت لها خبره فهذا المجال ياليت تفيدني

السلام عليكم و رحمة الله تعالى و بركاته
عزيزتي أنا راح احاول اوضح لك بس بعض النقاط، صحيح أنه ادرس اقتصاد بس معلوماتي محدودة:o ، طيب أولا لازم تكون عندك فكرة عن الموقع اللي راح يكون فيه المشغل، يعني هل راح يكون فيه مشاغل جنبه، لأنه هنا راح تكون فيه منافسة و بالطبع كل الناس بتتجه لللأشخاص اللي سبق لها و تعاملت معاها، بنفس الوقت حاولي انه يكون المشغل هذا بموقع "باين" يعني، بعبارة ثانية موقع استراتيجي:handup: .أما بالنسبة للقرض لازم تسألين امتى يبدأ التسديد، لأنه في بداية أي مشروع ما بيكون فيه ربح كبير:pain: ، بس الحمد لله ريتما بنعرف المشغل عند الناس و يأخد مكانه، بيزيد الربح باذن الله:bigsmile: ، يعني أحسن شيء ما يكون التسديد ببداية المشروع. و نصيحة أخرى ضروري انه لاتكثرين "المصاريف" على المشروع من البداية بحيث ما يكون فيه عدد كبيرمن الشغالين بالمشروع مثلا، بس بعد مدة ممكن يزداد العدد، فيه مثال بينقال في هذا السياق، مثل الطائرة لما تكون في بداية التحليق، المظيفات ما تقوم بتوزيع الوجبات على المسافرين، ضروري أنها تحلق اولا و تستقر و بعدها يبدأ توزيع الوجبات، نفس الشيء بالنسبة للمشروع و المصاريف.
أتمنى أكون أفدتك و آسفة على الاطالة.

هلا حبيبتي
لا تستعجلين بالموضوع
لانه قبل سنيتن وحده قريبتي سوت زيك
اخذت قرض وفتحت لها مشغل جابت خياطه ممتازة وكوفيرتين
بس مع الوقت والتكاليف استغنت عن وحده
الخياطه ماشيه تمام بس الكوفير يعني يصيح يجي دخل وخاصه ليله العيدين وايام الاجازه بس تعبت من ادارته بالرغم ان عندها مديره بس لازم متابعته من قبلك واهلكتها تكاليفه عرضته للبيع ويالله بالحسره انباع بالرغم ان موقعه جدا حلو وديكوره اكثر من رائع الاجهزه اللي موجدوده فيها جدا متطوره حتى الزبائن يقولون ه الشي وباعته بخساره تقريبا30% بس بعاته تبغى تشتري راحتها
طبعا هذه تجربه لها بس حبيت انقلها لك

اتمنى لك التوفيق واذا فتحتيه علمينا عشان نكون اول زبائنك هههههههههههههه

اختي قبل ماقدمتي القرض المفروض ماتقولين لهم سبب القرض يعني في ناس تقول تبي قرض بيت وتاخذ القرض وتصرفه
على العموم انا حسب الي اشوفه وخصوصا في الخليج ان المشاغل والخيطات قل انتاجهم بشكل ملحوظ لان الحين ظهر الملابس الجاهزه والاسعار ارخص من الخياطه يعني لو تلاحظين قبل 7 سنين مافي ولا امرأه ماتخيط والحين نادر تلقين امرأه تروح الخياط للخياطه الا اذا رايحه لمصمم هاي شي ثاني
اما الصالون
طبعا ربحه جيد جدا بس يختلف من صالون لصالون على حسب موقع الصالون وسمعته واسعاره

وقبل كل شي انا انصحج انج تدورين شريك او شريكه علشان لا سمح الله خسرتي حزتها الشريك يتقاسم معاج الخساره وبتقل خسارتج اكثر من انج توكنين صاحبه المحلات بروحج
وانتي وشطارتج
ولاتنسين صلاه الاستخاره قبل كل شي صلي واستخيري ربج وان شاء الله بالتوفيق

lممتاز جدا الله يسعدكن وعن كل مكروه يبعدكن........... وضحت لي الصوره شوي فعلا الخياطه ممكن يكون سوقها بالنازل شوي لكن الاعتماد بالموضوع عالصالون فعلا لان القص والصبغ والعنايه بالبشره وتزيين العرايس شي لاغنا عنه والشطاره بتكون بالدعايه والاداره .....الخ
واكيد بصلي استخاره لازم طبعا الله ييسر لي ولكم الخير يارب