كيف اسوي ليلة الحنا

اختي عندي فكره واتمنى انها تعيبج

اتخلين كوشتج شرات الخيمه المفتوحه واتحطين عدالها اشياء ماال اول يعني جرات وبير ومن هالسوالف

وتسوين يلستين وحده اتكون عالارض والثانيه عقب ما تتحنين تطلعين تيلسن على كرسي خشب شرات كراسي اول ......... اتخلين فكره العرس تراثيه عالاخر.... وتلبسين انتي ثوب اخضر او مغربيه مطرزه تطريز راقي .......... وتسوين مكياجج خفيف عالاخر
واسمحيلي عالاطاله

مشكوره ندى

بس بغيت تفاصيل اكثر

يعني من وين اروم اخذ الكوشه

ومتى اتحنى ... يعني جدام المعازيم ولا قبل ما ايووون

وانا حاظره حفلة حنه وكانت العروس لابسه هندي ومغطيه ويها

؟؟؟؟؟؟

شو الأفضل

لاني ابا اسوي شي مميز

والله اختي تبين نصيحتي حلاتها العروس يوم الناس تشوفها مره وحده بليلة عرسها
على الاقل اللي ماشافج من زمان بيشوفج محلوه ومتغيره لكن اللي يشوفج ليلة الحنا بيقول البارحه شفناها ومب متغير فيها شي
والراي الاول والاخير لج

انا مع اختي .. شوقي حمايم ..

او انج تسوينها عائليه بس اهلج وخواتج

انا بسويها عائليه
المعازيم بيكونن خواتي وخالاتي وعماتي وبناتهم وخوات ريلي..وخالاته وعماته..وجي يعني الاهل بس....
او اني بخليها لربيعاتي بس وبنات اهلنا يعني المعازيم بنات في بنات..وجيه احلى ...
انا عرسي بيكون يوم الثلاثاء وبسويها يوم السبت يعني قبل العرس بيومين

عندنا صاله عووووووووده فبيتنا..بسوي فيها يلسه خضرا...ومكان بسويه مرفوع شوي من الصاله عسب احط يلستي فيها وبيكون لونها اخضر بعد.....وبحط شيفونات خضرا فالجدران...وبحط اضاءات قويه...
وبنسوي توزيعات......وبنشغل اغاني وبيكون فيه رقص وجي...
.....وبيلس فاليلسه الخضرا وبييب محنيات عشان يحنوني...جدام المعازيم.. ولبسي بيكون فستان سواريه بدون اكمام ..لونه اخضر شيفون ساده....الفستان بيكون فيه قصه من تحت عشان ريولي تبين...عسب يكون سهل للمحنيات انهن يحنن ريولي....
..بستشور شعري..ومابحط مكياج بس بسوي جلوس ومسكرا وبلاشر مشمشي...
شو رايج؟؟؟

وممكن انج تسوينها قبل العرس بيومين وف نفس الوقت تعرضين زهبتج....واليوم اللي بعدها تودينها بيتج...

شوقي حمايم & مس دانه

انا قلت جي فالبدايه

بس بعدين الكل يلس يقنعني اني اسوي حنا

وشكلي بسوي شرات ما قالت حبيبتي ريم حمودي

^_^

اختي high class
مش شرط تتقيدين باللون الاخضر عندج الذهبي بعد حلو ليوم الحنا

نحن عندنا ان ليله الحنه مثل ما قالوا الخوات اتكون للعايلتين والصديقات المقربات ويكون كل شي بسيط وتتحنين جدام الناس

وتخلين هاي الليله تعتمد عالبساطه وممكن تعطين اي محل عن فكره الخيمه وهم بينفذونها

أختي high class

حلاتها ليلة الحنى تكون بسيطه والمعازيم قليل

و ما شاء الله البنات ماقصرو

والله يوفقج ويتمم لج على خير ان شاء الله

أختج الدانـــه

مشكورات الغاليات

بس بغيت استفسر

الحينه يوم بتحنى جدام المعازيم

متى انزل واتحنى

قبل ما ايون

ولا بعد ما ايوون بفتره انزل وابدأ اتحنى

؟؟؟؟؟؟

اختي مب شرط انج تتحنين يدامهم
حتى لومتحنيه قبل عادي

يعني بوقت ليلة الحنا بس تكونين يالسه

انا اشوف قبل كانوا يحنون البنت بس تحت بريولها يعني يحنونها بالحنا من تحت
\
لكن الحين البنت بس تيلس على الكوشى ومب شرط بعد تتقيد باللون الاخضر

مشكوره الغاليه

ومدري شو بيطلع ويايه

^_^

حبيبتي احسن تنزلين تتحنين بعد مايجون المعازيم بفترة ، وتنزلين على اغنية حلوة ( اعتقد فطومة عندها اغنية ويوسف العماني بعد اغنيته حلوة ) .... يعني مثل زفة مصغرة تنزلين على الزفة وبعدين تقعدين في مكانج ويبتدون الحنايات يحنونج ....


واتمنى ليلة حنة حلوووووووووووة

الله يوفقج وان شاء الله تكون الحنا حلوة ومبروكة عليج

سلام
احنا عندنا 3 ليال حنا من زمان
وفي ليلة جلوات
بس الحين عادة ايسوون ليلة حنه واللي بعدها اتكون ليلة الجلوات
في ليلة الحنا تجلس العروس قبل المعازيم لانها راح تطول بالحنا
واتكون جالسه على كوشه بسيطع عادة هي اللي تعملها ماليه داعي تروحين المحل وتسوين كوشه
وليلة الجلوات اتكون العروس متحنيه ويجلسوها على الكوشه ويجلوها بسبع مشامر
===> المشامر مشل الشيه او العياه يعني قطعة قماش مخيطه بدون اكمام
سبع جلوات اذا تبين اللي يقولونه في الجلوات انا حاضره
تقدري اتسوين جلسه عربيه بدويه وتحطين وراج ثياب قديمه او حصير وتعلقين فانوس ومثل هالاشياء بترتيب حلو او تحطين قطع قماش واتسويين حنا جلوات يعني وانتي تتحنين يجلونج



هذا الي يسوونا عندنا
وان شالله تستفيدين واذا تبين اي شي لا تترددين

شوفي ها الرابط يمكن يفيدج:
http://www.3roos.com/forums/showthread.php?t=165179