حوامل خلونا نتباد ل افكار اشريتوا للبيبي الجديد

مرحبا حبيبتي
انا الان بالشهر الخامس لسا ماشريت ولا شي لاني بعدي ماعرفت جنس البيبي
انشاء الله الاسبوع الجاي عندي موعد بعرفه جنسه انشاء الله
ثم مباشره ع السوق وراح اوفيكم بالاخبار لاحقا ههههههههه

ام نتالي في انتظارك والله يفرحك بجنس مولودك يارب :)

السلام عليكم


مشكورين علي التفاعل مع الموضوع وفعلا حسيتة حاجة مهمة الوحدة تعرف ايش اللي ناقصها

ام نتالي


انشاء اللة ايكون اللي في بالك وفعلا كل ماتقضيتي بدري كل ماكلن احسن او علي الاقل تاخذين فكرة عن اللي موجود في السوق

حبيبة ريلها عليك بألف عافية بأغراض البيبي حبيبتي وللأستقبال ايش سويتي شاركينة بأفكارج ومنكم نستفيد عطينة افكار حلوة ومبتكرة اوكي

تصدقين عاد انا بالشهر الثاني وزوجي مسندرني الا من الحين يشتري أغراض للبيبي
الله يتمم حملي على خير قولوا امين

الله موضوع يجنن :)

للاسف الموضوع الي انا متعشمه ان البنات يشاركوني هالاشياء الحلوه فيه محد مهتم فيه و هو موضوع امهات اغسطس...عشان جذيه انا استانست لهال موضوع وااااايد

انا الحين في الاسبوع الاخير من السابع...

طبعا ما عرف شو هو جنس البيبي لان زوجي قاللي نخليها مفاجأه احلى..فخذت كل الالوان حتى الازرق لان الازرق يناسب البنات بس الوردي ما يناسب الاولاد :)

خذت الله يسلمكم من البيبي شوب (لانهم مسوين تنزيلات) لحافات و قماطات و صدريه واحده عجبتني..و خذت مراضع للحليب ماركه افنت و مراضع زجاجيه اصغر حجم للماء و خذت جهاز تعقيم المراضع ديجيتال بعد ماركه افنت...بصراحه التنزيلات وايد كانت ممتازه لانه كان ب 450 اعتقد و خذته ب 360 تقريبا...و فيه داخله مرضعتين اضافيتين
وخذت اللي تحطين داخله الحليب البودر بمقياس معين...عشان يوم تطلعين ما تاخذين علبه الحليب كامله ( اتمنى تكونوا فهمتوني) :)
وخذت كريم للحفاظات و القطن الواقي للملابس الداخليه للرضاعه

طبعا ملابس ما خذت من عندهم لانه ملابسهم ما تعجبني نوعيتها وايد
خذت من مذر كير فوانيل اللي تتسكر من تحت كم قصير و كت ..ما كثرت لان البيبي يكبر بسرعه اول فتره...و خذت اوفر اولات تقريبا 4 مجموعات كل مجموعه فيها 3 ..و بعد خذت من عندهم فوطه و جوتي جينز :)

وامس خذت من زارا هوم لحاف يجنن
وخذت مرضعتين وحده صغيره ووحده كبيره من بيبي ديور
وكنت شايفه في ناين وست منزلين شنطه للوازم البيبي..كانوا مسوين عليها خصم ..بصراحه عجبتني لان من داخلها جيوب كثيره و مكان تحطين فيه الماء الساخن و مكان للحفاضات و فيه مثل مفرش بلاستيك لتغيير الحفاظ

باقيلي وايد اشيا بس لازم اكتبها عشان ما انسى..اثاث البيبي بعدني ما اشتريته

وبالنسبه لي

خذت لي من ماركس اند سبنسر 3 قمصان نوم و بجامه مريحه للمستشفى ..للنوم و البسهم يوم ينتهي موعد الزياره..و قميص نوم واحد مع الروب ممكن ينلبس امام الناس..و خذت ستيانين للرضاعه

و خذت اليوم قمصان نوم مرتبه للمستشفى البسها وقت الزياره..اشياء ناعمه و حلوه بالدانتيل .. عباره عن قطعتين ..قميص نوم كت و الروب عليه...خذت 4
باقيلي المفرش...مب عارفه من وين اخذه

بحاول احط بعض الصور

angel eyes
مشكورة حبيبتي علي تفاعلك ياعمري واتمني تشاركينا بالأشياء اللي شريتيها واذا تبين اي مساعدة احنا حاضرين يالغالية
بس اتصدقين انا ماخذة جهاز التعقيم بالبخار ل6 رضاعات في كل مرة اتصدقين ارخص بكثير من عندكم كان في الميتينات بس ماذكر بالضبط

غدران حبيبة قلبي مادام زوجك ماعطك وجهة الحين ومتحمس ياللة شدي حيلك واضطلعي علي اللي في السوق وشوفي اشوي اشوي لا تصيرين مثل اخويتك اللي اهية انا انا في نصف الثامن وليلحين ماسويت ولا حاجة الا اشياء خفيفة لا تذكر

بشارككم بالي شريتة لحد الحين

جهاز لسماع البيبي
جهاز تعقيم الرضاعات
سرير كبير لمابعد 3 شهور
ملابس لفترة الأربعين تفصيل عبارة عن قطعتين نوع الفستان وفوقة اللفة 6 اطقم مطرزين
3 هيلا هوب من 0 - 3 شهور 9 داخليات من 0 -3 شهور
3 هيلاهوب من 3 - 6 شهور 7 داخليات من 3 -6 شهور
طواقي وجوتيين وقفازات علشان ماتشمخ وجهها
فوطة وحدة
شال الابيض لتغطية البيبي
وغطاء سرير ناعم
وعن نفسي عملت لي 6 اطقم لأخر فترات النفاس وساع ولفترة الرضاعة كم اقصير وهم اقصار ايضا
وبسسسسسسسسسسسسسسسسسسسسسسسسسسسسسسسسسسسسسسسسسس

انا الحين حامل في نهاية الشهر الثالث وولادتي بتكون ان شا الله في ديسمبر .. ذو القعدة

ان شا الله في بداية شهر 7 راح اسافر ، واذا لقيت شي حلو للبيبي برا بشتري له ان شا الله والباقي على الظروف ..

في حملي الاولي بولدي حسين اشتريت الاغراض في نهاية الشهر الثامن وانا ولدت قبل موعدي فصار اني اشتريت الاغراض قبل 3 اسابيع من ولادتي :shy:


الله يتمم لنا على خير ويسهل علينا ونقوم بالسلامة


يسلموووووو على الموضوع (f)

مرحباا بنات..

انا الحين في اخر الثالث وشريت بعض الاغراض من بيبي شوب يوم كان مسوي التنزيلات يعني الافرولات والمراضع والفوط وبس ...

وبالنسبه لي ما جهزت شي للحين بس لازم اجهز كل شي قبل ما ادخل الثامن لاني بولادتي الاولى ربيت في الثامن وما كنت مجهزه شي حقي...

مشكورين ياكروشات علي المشاركة
حبيبتي القيوانية
بغيت اعرف لية ربيتي في الثامن واي لا تخرعوني وكيف قيصرية والا طبيعي وبعدين البيبي يتمة بالمستشفي لحد ماينهي شهر التاسع والا كيف
انا في بنتي الأولي ربيتها في 35 اسبوع لان حاشني ضغط وبروتين مرتفع صراحة انا حاسة بألام فضيعة الفترة هاذي

الله الموضوع مره حلو تسلمين يأم طيف ورهف والله إنا محتاجين لمثل هذي المواضيع
انا الآن في الخامس لكن ماعرفت جنس البيبي ان شاء الله بعد اسبوعين عندي موعد وان شاء الله اعرف جنس الجنين عشان ابدا اشتري قبل مااثقل
ياليت البنات يذكرون مثلا افضل شي في كل ماركة يعني مذركير يفضل اشتري منها الملابس الداخليه او الخارجية لاني سمعت بنات يذمون الملابس الخارجيه حقت بيبي شوب ويفضلون انك تشترين منهم فقط الملابس الداخلية والبطانيات والشنطه وفرشت البيبي انتم وش رايكم :think:

:) موضوع ممتع وأغراضكم وايد حلوووووووووووووووة

وانا معاكم ملابس بيبي شوب مب شي فاشلة صراحة الافضل تأخذوون من مذركير

اهلا حبيبتي ام طيف ورهف..

لا يا الغاليه لا تخترعين ولا شي ان شاء الله كل شي بيكوون اوكيه...
وبالنسبه لولادتي الاولى ولدت طبيعي الحمد الله بس عقب معااناه.. المهم السالفه وما فيها انه كانت عندي مراجعه وانا بالشهر السابع وقالت لي الدكتورة انا راس البيبي فوق وانا بينزل في الثامن او التاسع لا اتخافين,,, وعطتني موعد الشهر اللي بعده يعني لما اكوون في الثامن بس انا نزل عليه الماي قبل موعدي وراس البيبي فوق ما نزل فلما رحت المستشفى كان الرحم مفتوح 5 سم وتمت الدكتورة تضغط على بطني علشان تعدل البيبي واتخلي راسه لتحت والحمد الله على كل حال صدق تعبت...

بس ليش ولدت بالثامن ولا مادري حتى الدكتورة استغربت... يمكن من كثرة الجماع في ذاك اليوم لاني زوجي كان راجع من السفر وكل ساعه يطلبني ... لووووووووووول حكت قصة حياتها.......ززهههههههههههههه

تابعوا يا بنات بدنا نستفيد

انا شريت غيارات داخليه فقط بس احس عددهم شوي

5 غيارات لعمر 0-3
5 غيارات لعمر 3-6

و افرول عادي يعني مو كشخة وايد


و بسسسسسسسسسسسسسسسسسسسسسسسس


افكر اسير بيبي شوي اجيب مراضع و هالاشياء

الله يتمم عليكم علي خير وتربون بالسلامه


انا في شهري السادس لين الحين مااشتريت شئ غير بدله وحده دخلتي خاطريه من وول ورتس ... وسمعت عن بيبي شوب امسوي تنزيلات فقلتإن شاء الله بآخذ من عندهم المراضع والشراشف ...

اما عن الملابس في محل في برجمان يبيع اشياء وايد حلوه .. اخترت 2 في 1 المعني هو عباره عن شنطة تحطين فيها المراضع وأشياء تخص البيبي ومن ناحيه ثانيه تنفتح الشنطة وتستوي سرير او مفرش للياهل يرقد عليه .... وان شاء الله راح احط لكم الصوره ...

ومحل انوتا بعد عندهم اشياء حلوه ....

هلا اختي عروس جميرا..

بغيت اسألج عن المحل اللي في برجمان شو اسمه وهو محل اطفال يعني يبيع كل مستلزمات الاطفال؟؟

لاني خاطري اشتري اغراض البيبي من اماكن ثانيه غير بيبي شوب ومذركير...

وبكم خذتي ال 2 في 1 ؟؟

ينات حد عنده فكره عن محل اسمه ملاكي الصغير؟؟؟

مراحب ...........
شخبار كروشاتكم اليوم انشاء اللة تمام ..............
انا اكثير مبسوطة ان الموضوع نال اعجابكم وبالأحري ان كل وحدة حامل ايكون هذا شغلها الشاغل مثلي .................
القيوانية ..................
ذبحتيني من الضحك صراحة اللة ايهنيكم انشاء اللة ايهنيكم يارب ............
يا بنات حطمتوني انا اغراض البيبي كلها شريتها من البيبي شوب صراحة انا هذي اول مرة اشتري لأن في اعيالي الي قبل اهلي ماتم شي ماشرولي اياة فمن كذا حاسة نفسي راسي مفتر وضايعة
وبغيت اسلم عليكم كلكم
القيوانية ماما حسون ام نتالي نهر جاري نورهان غدران حبيبة ريلها وانجل ايس وانشاء اللة مانسيت احد وماقصرتوا ونبي تفاعل اقوي من كذا ياللة وعطونا افكار لسري الطفل لفترة الأربعين شتفضلون المرتفع ابو عجلات السلة المنز كل وحدة تعطينا رايها
وتسلمون