مدري هو اللي شد لديار أهل طي = وإلا لنجد دروب صمته خذنّه ؟؟!!

[poem font="Simplified Arabic,6,blue,bold,normal" bkcolor="transparent" bkimage="http://www.3roos.com/forums/images/toolbox/backgrounds/49.gif" border="none,4," type=0 line=0 align=center use=ex num="0,black"]
ماشاب راسي يابو بندر من شوي = إلاّ 00 العيون الناعسه شيّبنّه

يابي ! ياهن موت يابي يابي !! = عزّي لمن برماحهن يطعننِّه

ماللنسا معها معَشَّى أياخْطي = هي السراج وهن فراشٍ تلنِّه !

أنا السبب نصيت حتفي برجلي = ياليت ضول الناس جنّبت عنِّه

جيت المكان وشفت هاله من الضّي = في صورة إنسانٍ تصاغرت سنِّه

فاقد وعي أشّرت له باربع إيدي = زادن يديني كثر ماهن بغنّه

نسيت نفسي كن ماحولنا حي = وسحبت خطواتي وقرّبت منِّه

وهمست له والناس تسعى حوالي = قصدي أجس النبض واشوف عنّه

تمتمت مثل اللي شرق في بعض مي = عقلي يهابه والمشاعر يبنّه

الحاصل اني قلت له بالخفا شي = ولان الحبيب وقام يضحك بسنّه

وقام يتلفت صاحبي في وجل زي = طيرٍ وَحَش يسيء بالناس ظنّه

قال بحذر وبخوف وايديه بيدي = (أهلا ) وحمرات الخجل داعبنّه !

ياقوّة الله كيف رمشه غدا فَي = من يوم سلهم كنّه الموت كنّه !!

عجزت أهلّي به وأنا ميّتٍ حي = وضيّعت فن الهرج من زود فنّه

وبدال ماهَلّي صرخت : إيييه هَيييي هَيييييي !! = وقمت أعكس حْروف الهجا واعْرِفَنِّه !


الحاصل أني قلت له في عجل شي = كلمات خايف بس أظن أعجبنّه !!

مرّت دقايق حلمنا ياهي شوي !! = وهبّت رياحٍ عاتيه واقلعنّه !!

شد وتركني لي ياحضنا لي ! =قفاّ وصرخات القهر سابقنّه !

مدري هو اللي شد لديار أهل طي = وإلا لنجد دروب صمته خذنّه

وإلاّ نوى التصييف في ديرة دْبي = وإلاّ دروبٍ ثانية شتتنّه ؟!

أنا أرجّح شي غيره ولاشي = إنّ البخَت لامال ياشين شَنِّه !!


شعر\ حمدان بن سالم العنزي – السعودية -[/poem]