مصيري العنوسة لرفض الاهل زواجي

الله يعينج ....كثير من الاهالي بنفس التفكير.... الله يهديهم

السلام عليكم و رحمة الله و بركاته

سبحان الله كأنج تتكلمين عن أهلي

أصل و فصل و منصب و حالته الماديه زينه و تستمرين في شغلج و لازم بيت

إذا ياهم الأصل و الفصل و الأخلاق طلعو العيب في الشغل إنتي جامعيه و هو ثانويه ما يصير

و إذا من إماره ثانيه كيف بتقدرين تتأقلمين

يالله أسباب مالها أساس من الصحه

عندهم ستاندارد او مثل ما تقولين انهم مهتمين من وين تأتي انساب العرب ..
اللي يكون من السعودية من اي قبيله او من اي فخذ
و الي من اصول اخرى .. و هكذا ..

يعني في عوائل محدده هنا في الكويت تسمى عوائل اصيله من بدايات الكويت ..

الرجل هذا كويتي الجنسية و اهله بالكويت من ملايين السنين و لكن لم ينحدروا من نفس اصلنا . و سلامتك :)

أختى قصتج نفس قصتي

تقدم لي واااحد من فتره مب اصيل معناه انا عربيه اصل وهو عيمي من عرب فارس ..

طيار ومحترم واخلاق ودين

بس مشكلته انا عيمي وانا عربيه وعمري الحين 32 سنه :(

اختي لازم تخبرين امج انج قربت من سن العنوسة وانج اذا ماتزوجتي الحين خلاص ماراح تتزوجين لازم تقنعينهم قوليلهم انا موافقة اني اخذ اصيل بس اهو وين ليش ما خطبني وقوليلهم انج محتاجة للزواج اختي لازم تتكلمين ما يصير ايروح عمرج جية دخلي واحد من الاهل في السالفه خليه يقنعهم وبالتوفيق

لازم هناك حل يا بنات .. خلونا نفكر جميعا عن الحل .. اهلنا مهما كان يحبونا .. ما يكرهونا . لكن احنا مو عارفين نوصل لهم ؟؟ !
فكروا معاي

سبحان الله موضوعج نفس موضوعي

وانا خواتي الصغااار كلهن عرساً الا اناااا ، والكل رافض هذا الشخص بس لسبب انه مب اصيل ..

لكني عزمت انه يتقدم هذا السنه وبوكل الامر لله سبحانه ..

اذا تبينه واثق منه ومن اخلالاقه

وقفي في وجهم وقولي ابيــــــــــــــــــــــــــــــــــــــه

وحاولي لين تاخذيه

وانا اشوف انك ماتني صغيرره عشان يعترضو

والصراحه وشو اذا كان اصيل

مو كل اصيل اصيل

هذا رااي

بنت ديره ---

شنو بتسووين يعني ؟ كلمتي احد من اهلج يوقف معاج ؟

خلونا ندعي ان يسخرلنا الله من اهلنا من ييسر لنا و يساندنا ..

قال رسول الله صلى الله عليه و سلم " ان الله يستحي ان يرفع العبد يديه ليدعوه فيردهما خائبين "

بسم الله الرحمن الرحيم

رددى دائما يا اختى اللهم لا مانع لما اعطيت .. فبيده وحده المنع و المنح والعطاء

و نحن جميعا تحت رحمته

وانتِ حبيبتى تحت رحمة الله وليس رحمة اهلك

فإلجأى لله وكونى على صلة وثيقة به والزمى باب الدعاء وكونى على يقين أن مقاليد الأمور كلها

بيده وحده ولن يخيبك ...

والله يكتب لك الخير ويوفقك

أختى رااااح اكلم امي بالموضوع

والحمدالله انا وحده مستخيره وعارفه نفسي يعني هذا لا حب مراهقه ولا طيش ..

وان شاءالله خير ...

صراحة مشكورين على تفاعلكم معي .. انا كنت متشتته و معصبه قبل دقايق و الحين حسيت ان في ناس واقفه معاي .. جزاكم الله الف خير..

بس محد فهمني .. شلون ابدي اقول حق اهلي ؟ اهوا يكلم ابوي؟ ولا انا اكلم امي؟ و لا اكلم احد من اهلي ؟ ماني عارفه لانها اول مره

أختى رااااح اكلم امي بالموضوع مره ثانيه

والحمدالله انا وحده مستخيره وعارفه نفسي يعني هذا لا مراهقه ولا طيش ..

وانا عديت 30 يعني الحين عمري 32 وعقب كم شهر بدخل 33 الين متي بيرفضون انا اشوف

عمري يطوف جدام عيني بس عشان الشروط الي هم حاطينها .. :confused:

وفي الاخير انا بطلع الخسرانه :sad:

وان شاءالله خير ...

بنت ديره ---

انشالله ماراح تطلعين خسرانه .. قوليلهم خل يفرحون معاج لان الفرح اسهل و احلا من الحزن .. و باجر بيشوفون عيالج احفاد لهم " المال و البنون زينة الحياة الدنيا "

الله يخليج اوعديني انج لما تسووين اي شي . خبريني..

الله يوفقج و اقري " ربي اشرح لي صدري و يسر لي امري و احلل عقدة من لساني يفقهوا قولي " قبل لا تكلمينهم..

قلبي معاج و دعواي لج

(}) بنت ديره ---

انشالله ماراح تطلعين خسرانه .. قوليلهم خل يفرحون معاج لان الفرح اسهل و احلا من الحزن .. و باجر بيشوفون عيالج احفاد لهم " المال و البنون زينة الحياة الدنيا "

الله يخليج اوعديني انج لما تسووين اي شي . خبريني..

الله يوفقج و اقري " ربي اشرح لي صدري و يسر لي امري و احلل عقدة من لساني يفقهوا قولي " قبل لا تكلمينهم..

قلبي معاج و دعواي لج

شوفي حبيبتي تشجعي وفاتحي امك

العمر بيروح وادا اليوم لقيتي شخص زين بكرة مو عارفة كيف تصير الاحوال

دافعي عن حبك وسالفة انه مش اصيل ترى كلنا اولاد تسع

وتدكري انه الانسان بتجيه فرص بالحياة ومو لازم يضيعها

طالما انك بتحبينه ومتاكدة من اخلاقه ومشاعره ليك وانتي الحمد لله عرفتيه مدة مب هينة

استخيري الله والله يوفقك

وتحطين لنا خبر زواجكم انشاء الله

الله يوفقكم يارب ونسمع أخبار مفرحة منكم

هلا حبيبتي
اول شي كلمي حد من لج تحسينه متفهم خالتج عمج اي حد متدين وماعنده عقدة الاصل والفصل
حد يهمه الريال الزين بطييبه واخلاقه ودينه وبس

خلي هالشخص يفتح الموضوع مع الاسهل
حسب امج او ابوج من اللي اقناعه اسهل واهون
وبجذي لين توصلين حق الصعب اتوقع بيكون الوالد حزتها في اكثر من حد واقف معاج

ذكريه بحث الرسول وبانه جعل سلمان الفارسي من اهل بيته
يعني الاصل والفصل مو مهمين كثر الشخص نفسه
قوليلهم انج استخرتي وان العمر يطوف ويمكن يكون اخر واحد يتقدم لج
حاولي معاهم بالمنطق لييييين يقتنعون
وطمنينا عنج

اختي مثل ماقالت دلوعه قطريه دوري احد في العيله متفهم ومتدين وخبريه وهو بيساعدك
وان شاء الله ربي يهل عليك انتي وبنت ديره ويوافقون اهلكم
مدام انكم استخرتم ومرتاحين تشجعوا ترى العمر يروح والفرص تروح ولاسمح الله في المستقبل بتكونين لوحدك لا انيس ولا شي

اتشجعوا وكلموا احد في العايله يكلم اهلكم

واذا بتكلمون اهلكم كلموهم وهم رايقين مو يشتغلون في البيت او مالهم خلق
وكلموهم بكل هدوء واحترام وحتى محبه واذا في شوية دموع افضل عن جد اتكلم يمكن تكسرون خاطرهم