لون البشرة

خافوا الله .. "لا فرق بين عربي و لا اعجمي و لا ابيض و لا اسود الا بالتقوى " و ين انتوا عن هالكلام ... هاي دام انه نظرتها جي .. ما ظني ان لها لزمه بالعرس تقعد عانس ابركلها.. و السموحه

دام أنه وايد زين ومحترم بعد لشو هالعقد القديمة؟
ماكو فرق بين الألوان وكلنا ناس بالأخير

الي عندنا اهم شي عندهم الاصل فما بالج بلون البشرة

السلام عليكم
انا افضل انها تستخير ربها ثم تقرر ومن ثم تتيقن ان لا فرق بين اختلاف الوان البشرات
والاهم القلوب والنفسيات والنية

وفقكي الله وبارك لك

اختي انا اشوف اذا هي اصلا من البدايه مفكره ترفضه عشان لونه فاحسن لها وله انها ترفضه
لانها نفسها مب مقتنعه بهالشي
كل شخص وقناعته
خليها تفكر زين ما زين ... تفكر في المستقبل ولا تستعيل انها ترفضه او تقبله

وقبل لا تقول قرارها احسن شي تستخير وان شاء الله اللي فيه الخير بيصير

لاأجد سبب مقنع للرفض لأن لون بشرته لايعجبها فالمهم هو الدين والأخلاق والأصل الطيب بخلاف ذلك كلها أمور عاديه مادم ان شكله مقبول وليس منفر واستخيري ولن تندمي ولكن لاترفضي ابدا بسبب لون البشره:shy:

لون بشرته خافوا الله

الي تفكر هالتفكير انسانه جاهله اسمحيلي

وبعدين اذا هو زين مافي مجال للرفض

حرام الله بيحاسبها

تفكير سطحي ..

عشان غامق يعني ....
ليش البنات كذا يفكرون؟؟؟
تستخير ربها

خل تستخير

حبيتي مادام عندها الفكرة انها ترفضوا بسبب لونه... اخاف تتعقد حياتها اذا تزوجته ... تستخيررررررررررررررررر ... وربنا يكتب مافيه الخير

السلام عليكم ورحمة الله وبركاته

صدقيني يا وخيتي .. يا ما رياييل يقولون للقمر قوم واحنا نيلس مكانك لكن ماذين حريمهم في عيشتهم

وياما رياييل الحمد لله ربي .. لون بشرتهم غير او شكلهم مقبول او او او لكنهم حاطين زوجاتهم في عينهمممممممممممممم


والي يتزوج المرأة على مالها او جمالها .. يحرمه الله من مالها وجمالها

فما بالج المرة لو تزوجت الريال على هالاشياء ؟!!...
خل تستغفر ربها ولو اسالت عنه وطلع ريال زين تحمد ربها وتتزوجه والله يوفقها

في أمان الله

أنا رأي من راي الأخت عشق الطفولة

"لا فرق بين عربي و لا اعجمي و لا ابيض و لا اسود الا بالتقوى والعمل الصالح"


وخل تستخير ربها أحسن

بصراحه الريال ما يعيبه شيء و انا اختي حلوه مثل الورده خذت واحد اسمر وايد عادي يعني اهم شيء انه يكون طيب و يعرف ربه

اختي البنت هيه اللي راح تتزوجه مب العضوات ..

و كل انسانه لها مبدئها في الحياة

يعني اذا هيه تحس انها مب متقبله شكله فهذا حقها عشان جذي الله حلل النظرة الاولى

و مب كل انسان يحب انسان حتى لو كان جميل ممكن ما تحبه ..

خليها تستخير و اذا هيه تشوف الموضوع مضايقنها ترفضه و تقول اي سبب ثاني لانه الريال ما ينعاب من لونه و خليها تفكر لو هيه السمرة و رفضها عسب لونها .؟؟

بصراحة .. لا تزعلين مني وانا اقول لج بس لأنج طلبتي مشورة خواتج.
وانا اعتبركم كلكم خواتي ...
اذا هذي تفكيرها .. ما تستاهل واحد جذي...
اسفة بس هذي الواقع...

انا اعرف واحدة رفضت واحد لانه لبس جوارب ما تناسب ثيابه...
خذت واحد ثاني.. غربلها... حياتها معاه اخس من الجحيم..
وذاك يشتغل مهندس محترم وخذ له واحده عيشها احسن عيشه..
ترى هذي قصة حقيقية واعرف هالبنت...

لا تنغرون بالاشكال... اهم شي الاخلاق..
والله في اول الايام بالذات في الخطوبة يستانسون بالشكل..
بس بعدين .. لما تطيح الفاس بالراس...
تتمنى الواحدة تاخذ قرد بس تعيش معاه بسعادة ويحترمها ويقدرها.. ولا تاخذ وسيم ويعذبها بحياتها..

والله اش رايكم ؟!!

اذا الريال زين حرام ترفضه عشان هل سبب

معقوله هذا التفكير , أين أنتن عن قوله صلى الله عليه وسلم ( اذا أتاكم من ترضون دينه وخلقه فزوجوه

الا تفعلوه تكن فتنة في الأرض وفساد كبير )

والله ما امتلأت البيوت من المشاكل الا من سوء الإختيار والذي يأتي من سطحية التفكير ..

لا فرق بين عربي و لا اعجمي و لا ابيض و لا اسود الا بالتقوى