مطلقه نعم ولكن سوف ابتسم للحياه

الله يعينج حبيبتي

مطلقه
وخير يا طير ؟؟

للاسف نظره الناس لهذه العباره نظره سطحيه بل قد تكون متخلفه في بعض الاحيان
يالغلا هالشي مو عيب
هذي حياتج
احسن من ان الزواج يستمر نفسيتج تكون تعبانه

عيشي حياتج
انسي همومج
اشتركي في نوادي ودورات ومعاهد
عشان تقضن وقتج
والحمدلله عندج اطفال عشان كل ماحسيتي بفائض من الحنان تفرغينه لهم

لا تفكرين في هالموضوع وايد
واهم شي الحين انج ماتحسسين عيالج بنقص الاب
ربيهم تربيهصالحه تغنيهم عن تربية الاب ووجوده


الله يوفقج وييسر امورج

عادي...مريت بها الظرف ..والحين متزوجه وعندي بنتين...الله يعوضج يا رب ويخلف لج خير منه..

الله يعوضج خير ان شاء الله

انا بعد مطلقه..واعرف النظره اللي تقولين عنها لكن والله اني ما افتكر ..ولعلمك هو اللي تركني وكنت ما ابي اخليه ذلني ذل الله لا يحط احد مكاني..وصادتني حاله نفسيه لمده شهر لكن مع القرآن والاستغفار والدعاء..ارتحت ورجعت لي الثقه في نفسي والحين كملت ثلالث شهور من الطلاق ..وصرت احاول اشوف التجربه بطريقه ايجابيه وقعدت اتذكر الاشياء الزيته اللي سويتها له واقول ان هو االلي ما يستاهلني وبيجي يوم ويتحسر..والحمد لله مرتاحه وصدقيني انا استخرت والخيره فيما اختاره الله..والله اختار ان انفصل عنه وصج الحين انا حسيت بالفرق بين حياتي معاه وحياتي بدونه وصرت لما اشوف هالنظره اطنش يكفي اني مرتاحه..وصرت احمد ربي كل يوم لاني ما ارتبطت فيه لانه كان نذل..شوفي الجانب الايجابي..واي حد يشوفج بهالنظره قولي في نفسج هو اللي خسر مو انا وبعد حاولي تشغلين نفسج بالاعتناء بجسمج سوي رياضه وروحي السوق اشتري لج ملابس جديده ولبسي وشوفي نفسج طلعي جمالج عشان ترد لج الثقه انا كنت اسوي جذي..وشوفي اشلون بتتغير حياتج..
والله يوفقج ويعوضج بالزوج الصالح اللي يكون اب لعيالج..وحبيب لج..آمين

انا احيانا افكر في الطلاق ... ولكن اخاف من نظرة الناس

هلا خواتي

انا مريت في هيي التجربه وحتى لين احين مو قادره اطلع منها
صدقوني وايد صعبه والله العظيم
حتى لو انا ما بسمع كلام الناس والله الكلام يجيني لين عندي من غير تعب والله
وبذات لو مطلقه بعد زواجك باشهر والله انه الله يعلم كيف معاناتي
تخيلو جرانا ولدهم متزوج وعنده بنت وولد يسال اخواني الصغار اختك المتزوجه ليش عندكم يعني تخيلو
يعني انا لو تصرف اتصرفته حرمه بقول معليه حرمه تحب الحط وتاليف في السوالف بس والله انا ما اقدر اتصرف مع اناس صدقوني وايد صعب

يحسسوني انا اول وحده اتزوج واول وحده اتطلق
وغير تاليف قصص عن سبب طلاقي
والله لو سمعتم راسكم بتشيب والله العظيم
بس بعد ما تعبت قلت اي وحده انا بعرف انها تكلمت انا اللي بواجها ومع انه والله يا خواتي انا مو هذا طبعي والله العظيم
ومالي غير اقول انه الله مع الصابرين وحسبي الله ونعم الوكيل

شكرا خواتي علي المشاركه

دلوعتها: شكرا حبيبتي علي النصائح وانا احاول اني اسوي اللي اقدر عليه عشان ميحسون بنقص حنان الاب بس للاسف مع ولدي الصغير مب قادره بس يشوف حد لابس غتره وعقال يتحسبه ابووه ويركض عنده


دهن الورد :الله يسعدج دنيا واخره وعقبالي يارب

victim شكرا حبيبتي


فجر قطر: صدقج يا حبيبتي القران والاستغفار علاج لي اي مرض نفسي


اماراتيه: والله حاسه فيج بس هذا نصيبنا والله يعوضنا


اول اشي البارحه المزاج اشوي كان داوون واليوم الحمدالله احسن, شوه اسوي مزاجيه المهم اول شي طبعا حياتي احسن الحين بعد الطلاق والحمدالله الاهل والجيران يعرفون طباع طليجي ومحد لامني يوم تطلقت بس اللي اقصده انه لم تروحين مكان عام وسئلونج عن الحاله الاجتماعيه هنيه شويه احراج بس يالله نصيب شوه انسوي

الله يعوضك حبيبتي ويعوضنا ويعوض كل المطلقات
والحمد لله على كل حال

شكرا هايدي الله يسمع منج

الله يعوضج اختي الصراحة راحة عن قريب ان شاء الله و يعوض كل خواتنا اللي مروا ب هالتجربة الصعبه ....

ربي يعوضكم عن كل لحظة ضيق مريتوا بها ....

اختكم فيف

شكرا عزيزتي فيف اله يسمع منج ان شاء الله

ربي يرزقكم جميعاً أزواج صالحين ويكلل حياتكم بالخير والسعاده

والطلاق ماهو عار ولا هو أثم .. لكن ربي يهدي العقول الناقصه والمتخلفه اللي تشوف هذي الكلمة من منظار ضيق وياريت يشفونها على الجنسين لااااا فقط علينا يالحريم ربك أرحم

ولكم فائق تقديري وإحترامي
دمتم بخير

كل مشكلة ولها حل
ومشكلة الزواج الفاشل حلها الطلاق

واللي علينا ناخذ من الماضي دروسه ونستقبل بها الحاضر بإبتسامة

(وعسى أن تكرهوا شيئا وهو خيرا لكم)

أنا مثلكم لكن الحمدلله من رديت بيت أهلي حسيت اني انولدت من يديد
وحاليا عمري 28 وما عندي أطفال ومرتاحة
واثقة بإني ماكنت ظالمة بل مظلومة ومن رضى بأمر الله ما خاب أبد

وبخصوص كلام الناس ما يخلص ودام الوحدة واثقة بنفسها لابد تسوي لهم طاف
ترى أول خطوة للفشل هي إرضاء الناس على حساب النفس

وتذكرو واثق الخطوة يمشي ملكا ولله الحمد

موفقات الغاليات والله يعوضكن خير

وللأمام يا اختي الصراحة راحة ترى الحياة حلوة
ولابد ما نوقف عند نقطة .. لأنه لو وقفنا الحياة بتمشي عنا
وما بنشوف عمارنا إلا ونحن مرضى من التفكير والهم

أهنيج على تفاؤلج ما شاء الله وربي يعوضج خير ^_^

الله يعينج

الله يعوض عليكم ويرزقكم

شكرا حبيبتي ازهار

أعرف وحدة مطلقة من سنتين بس ماعندها عيال ومثللك ماندمت بس ماعاشت إنطوائية وتقربت من ربها كثير تدرين شنهو صارلها؟؟؟؟؟؟؟؟؟؟؟؟؟؟؟؟؟؟؟؟توظفت بأكبر شركات في بلدها وعوضها بزوج صالح يسوي الدنياومافيهاومهندس........عيشي حياتك حبيبتي الدنيا فيها أشياء حلوة عيشيها

louts


فديتج عقبالي قولي امين

اختي بصراحه احس قصتج نفس قصتي
انا كنت مطلقة لمدة ثمان سنوات وحياتي الحمدلله كانت جدا هادئة جميلة
الطلاق ارحم مليون مره مع العيش مع زوج ما تودينه ولا يودج

بس الطلاق عمره ما كان عيب اختي الغالية
وشوفي الحياة بمنظور احسن واحلى وربي يعوضج يارب الاخير منه