ساعدوووني زوجي يضربني ....كيف أتصرف ؟؟؟
amalolo
31-05-2006
70 رد
6,197 مشاهدة
السلام عليكم ورحمة الله وبركاته
خواتي أنا ما كتبت مشكلتي إلا بعد ماشفت نفسي تمااااااما عاجزه عن اصلاح زوجي وحل مشكلتي
عمري 25 اتخرجت من الجامعه و تقدملي شاب من عايلتنا كان في قمة الوسامه والجمال ويكبرني بست سنوات .. استخرت رب العالمين وتم الزواج ... واتفاجأت ثاني اسبوع من زواجنا انه انسان عصبي وحاااار ويعصب على اتفه الامور وكثير الانتقاد ومايعجببه شي إلا نااااادر ... قلت ماعليه هذا نصيبي ولازم اتحمل ....
دخلنا الشهر الثاني من زواجنا وقام يمد ايده وضربني ههدتته من اول مره اني بوصلها لاهلي إذا تمادى. قالي انا ماحب التهديد واذا تبين اتسيرين مع السلامة بسير اعرس بوحده ثانيه.وانتي الخسرانه !!!. صبرت وعديتها.لاني أحبه...عقبها بفتره عرفت اني حامل ومرت الايام واستوى خلاف بيني وبينه ومره ثانيه قام وضربني ومن عقبها طاح الجنين وكنت في شهري الثالث وخفت اني اقول لاهلي لان السالفه واااااايد بتكبر وقلتلهم طحت على ظهري وعديت الموضوع ...مع اني والله مو مقصره معاه بشي .. واسويله المستحيل عشان أرضيه ... . وبعد ثلاث اشهووور من الاجهاض بعد استوى خلااف جدا تااااااافه وعصب وماقدر يمسك نفسه وصفعني ... قلتله ياولد الحلال انت ليش تتعامل بإيدك ؟؟ قالي انتي زوجتي وانا حر ...... قلتله خلاااااص لين هنيه وبس ماني قاعده عندك دقيقه وحده ....... ...
وانا عند أهلي الحين استوالي شهرين مافكر ايييني أو حتى يتصل أو حتى يطرش مسج يعتذر ...
ومره أطلب الطلاق ومره اتراجع .... أطلب الطلاق لما اتذكر معاملته وياي من ضرب وانتقادات... وأتراجع لما أشوف أهلي وأهله يقنعوني أني أرد وأتحمل زوجي وأصبر عليه ... فعلا ماادري كيف اتصرف ... استخرت وااايد ... لكن أهلي وأمي بالذات اتصييح واتصبرني وتقولي تحمليه يابنتي الدنيا صبر ويمكن يتغير ويلين قلبه عليج ........
شو أسوي ؟؟ أخاف أتطلق وأندم وماتكون لي فرصه ثانيه في الزواج لاني مو صغيره .... وأخاف أتم وياه وتستمر الاهانات والضرب ؟؟؟
خواااااااااتي الله يخلييييييييكم انصحوني ...
اختكم
أمــــــل
r
rدلوعة باباتها
مشرفة سابقة
31-05-2006 | 10:00 PM
السلام علييكم
نصيحتي لج تطلقتي و على طووول ولا تفكرين او تترديين ..
الزواج حبيبتي مو بس اسمج متزوجة ... و النس تشوووف انج متزوجة و مرتطبة لا ... الزواج احترام بين شخصين ... تفاهم ... حب ... تبادل آراء .. عشان يقدرون يربون عيالهم بعدييين من غير لا اشكال ولا هواش ..
ريللج من الحين .. يطق .. يهاوش و يعصب ولا يفتكر ... اختي تقدرين تقولينلي لو استمريتي وياه و يبتوا عيال مافكرتي انه بيطقج جدامهم؟ مافكرتي عيالج عقب اي عقد نفسية بتصيدهم؟
تبين عقب تظلمين عيالج وياج .؟ دامج مو حامل منه الحينن تطلقي منه ... انسان معقد و تفكيره سطحي عايش على زمن القوة مو العقل ... شلون تقدرين تعيشين مع انسان مثله و لا بروحه داس على كرامتج و قال روحي اذا تبين و بعرس على وحده غيرج ؟؟؟ اشتنطرين بعد ؟؟
و يوم رجعتي ولا افتككر .. شلون تبين تعيشين مع واحد مايحس فييج؟ مايبادلج نفس الشعور ؟ ماعنده احساس؟
بتقدرين تتحمين ضربه لج؟ معمالته الجافه؟ حبيتبي .. ربج فوق مايضيع حق احد و الواحد كمن مره بيعيش دنيته عشان يعيش مرتاح .. ماظن تبين حياتج طول عمرهاا تستمر على هل نحو .. انا برايي تطلقيين منه و تردين اعتبارد و توج صغيره فسن انشاللله الف من يتمنونج .. ولا تقعدين معاه ولا دقيقه وحده كله الا انه الريال يستخدم ايده كل شيو وين قاعدين احنا؟ الي يستهزء في المرأة ابهل شكل .. ردي اعتبارج و قوليلي انا مابييييك و ابي تطلقني ... و الله يعين الي بتاخذه من بعدج و انتي دوم ادعي الله يرزقج بالولد الصالح و انا بعد بدعييلج لا تفقدين الامل
الله يعنيج يالغالية وربي يهديه ان شاء الله ويكمل بعقله
بصراحة ما أدري شو أقولج يا قلبي دام وصلت السالفه انه يطيح ضناه
ولده من لحمه ودمه وما رحمه فكيف تتوقعين يرحمج !!!
واضح ان ريلج فيه شيء مب طبيعي خاصة يوم يقولج انتي حرمتي وانا حر
الظاهر عنده صفة حب التملك والسلطة وهذا بحد ذاته مرض نفسي ..
البنت أهم ما عندها كرامتها وقيمتها كانسانة بين الكل واذا شخص مثل هذا ما قدر
يحافظ على كرامتج كزوجة وانسانه نصيحتي لج تطلقي وان شاء الله ربج بيعوضج
باللي أحسن منه يصونج ويعرف مكانتج ويحافظ عليج ..
لا تفكرين بعاطفتج الحين فكري بعقلج وخلي الحب على جنب ..
ممكن كل هالمشاكل صارت رد من الله عزوجل على صلاة الاستخارة
قبل الزواج بان هالانسان مب من نصيبج .. لا تفكرين باللحظة اللي انتي
فيها فكري بالمستقبل وحياتكم كيف بتكون اذا رجعتيله ..
فكري عدل بعقلج واحسبيها صح والقرار اولا وأخيرا بايدج
والله يوفقج يارب ويزيل كل همومج وايسر أمورج .. لا تنسين
تكثرين من الدعاء يالغالية ..
قال رسول الله صلى الله عليه وسلم : ( لا يؤمنُ عبدٌ حتى يؤمن بالقدر خيره وشره
حتى يعلم أن ما أصابه لم يكن ليخطئه وأنّ ما أخطأه لم يكن ليصــيبه )
حبيبتي ان ابغض الحلال عند الله الطلاق لاكن انت
بصراحه الافضل تتطلقي خليك عند اهلك معززه مكرمه
ولاتكوني ذليله لانسان مايحترمك والظل الاعوج ماينعدل
والهدايه من الله ..افتكي منه قبل ليجيك منه ولد ولا بنت
ويحرمك منها ولامايسأل فيهم ..دامك على البر ابعدي عنه مايستاهلك
والله الموفق
السلام عليكم ورحمة الله وبركاته
اختي الغاليه كان الله في عونج بس عندي كلمه بوجهها للاخت دلوعة باباتها الغاليه بدون زعل هذا مب كلام ينقال انتي تزيدين النار حطب
نرجع لج يا امالو
الطلاق احلاه مر واتمنى انج ماتجربينه انتي مشكلتج ان زوجك يضربك اوكي غيرك ازواجهم يهينونهم ويشربون و يهينون اهلهم والله سمعت عن وحده انها كانت رابيه وبعدها في الاربعين
وزوجها قدام عينها دخل زوجة ربيعه البيت و دخلها غرفة نوم زوجته وقضى معاها الليل كللللللللللللله وهو يعرف ان زوجته تدري و لا سوالها اعتبار
تدرين الحرمه شو سوت
والله ما قالت ولاااااااااشي بس بدت تدعي لزوجها بالهدايه والستر ولنفسها ولعيالها ال8 وتمت تدعي ليل نهار وكانت تصلي قيام الليل وتصوم عشان الله يهدي زوجها
تم زوجها على حال العربده لييييييييين الله اعلم شو صار عشان ينقلب حاله و يرجع لربه والله احينه تعرفين انه يوم يستلم راتبه يعطي زوجته اكثر من نص راتبه لها بروحها و الباقي يصرفه على عياله وبيته وصدقيني انا شايفتهم واعرف هالعايله واستغربت يوم شفت تعلق الزوج بزوجته بشكل جنووووووووووووني ولما وايد وايد سالت قالتلي زوجة اخويه عن الموضوع وعرفت ان دعوات الزوجه كانت كلها لصالحها
اختي عليج بالصبر والدعااااااااااء لرب العالمين
ولاتيبين طاري الطلاق
الغاليه الريال مايحب تهددينه بحد لانه يحب يبين لج انه هو الاقوى وان له شخصيه غاليتي لاتخلينه يطلع من ايدج و تتهنى فيه وحده ثانيه لاسمح الله
انتي بديتي معاه المشوار كملي معاه
الغاليه هالايام البنات مامحصلين ريل تتوقعين المطلقه بتحصل بهالبساطه ريل يناسبها؟؟!!
السموحه واتمنى ماتزعلين من صراحتي لان والله قلبي عليج
اتمنى باقرب وقت اسمع منج اخبار حلوه
خلي حد يرجعكم لبعض وابدي معاه صفحه جديده
صبري واللي ربي يكتبه بيصير امكن يندم ويعقل صدقيني
استخيري ربي في موضوع الطلاق
لانة مرة راح يعصب عليكي وراح يمد يدة قدام الناس لانة من النوع اللي مايهمة
ضربج و ذبح جنينج و ما فكر حتى يعتذر و يراضيج و فوق هذا مترددة و أهلج يقنعونج!!!!!
طيب لو رديتي بكرة و هو استمر على حاله اهانات و ضرب جدام عيالج لو الله رزقج
ما بتكون النتيجة عيالج بيطلعون معقدين و مهزوزين و ما راح يحترمونج ؟؟؟
اليوم سقطج بكرة شنو راح يسوي فيج؟ عاهة مستديمة ؟
انا بس اوضح لج و الخيار بايديج
السلام عليكم
مع احترامي للكل ...
بس الحياه الزوجية ومسألة الطلااق ما تنحذ به
لا حول ولا قوة الا بالله شوفي اختيه ذيل الجلب يتم عوي وانتي ما شاء الله عليج دارسه وعندج شهاده والزواج مب كل شي في ها الدنيا حبيبتي استخيري ربج ونصيحتي لج اذا اتحسين انه ما بيتغير لا تردين له عن تيبين عيال منه وعقب بعد يصير الطلاق اطلقي وانتي بعدج علي البر ان صبرت علي طليجي 5 سنوات علي امل انه يتغير بس ماشي فايده ولا تنسين تحتسبين الاجر
هلا إختي و الله ماعرف شو اقول لج بس عنا نفس السالفه في العايله ،،، أقولج الحرمه طلبت الطلاق و القاضي على طوووول طلقاها منه و قال لها انتي على شو صابره ؟؟ جان اتقول له : يمكن يتغير ،، جان يقولها : على شو تصبرين ؟؟ جفتي شي اتغير ؟؟ أصلاً الصبر عليه حراااااام و طلقها منه على طول
فما ادري سوي اللي يناسبج و ريلج وااااااايد حااااار و بوطبيع ما ايوز عن طبعه
و ما نملك غير الدعاء
دمت بحفظ الرحمن
ناديـن
السلام عليكم ...
اسمحلي الغاليه ..
ولدي الله يجزاه خير ضغط على الانتر قبل الا اخلص .. ويوم يت اعدل علق
فقلت احط رد ثاني
السلام عليكم
مع احترامي للكل ...
بس الحياه الزوجية ومسألة الطلااق ما تنحذ بهاذي السهوله
والحياه من بين الزوجين لازم يكون فيها كثير من التنازلات
وصدقيني انتي في الاخير مب خسرانه بالعكس انتي ربحانه
يعني اذا صبرتي على زوجج صدقني بتكبرين فعينه .. وكوني متاكده انه اكثر من اللي
متزوجين تصير لهم مشاكل في بداية حياتهم.. والشاطر اللي يعرف يتخطاها
واذا كان ريلج من النوع اللي ما يقدر فالله سبحانه ما ينسى حد
وانصحج حبيبتي تسمعين حقوق الزوج.. للشيخ بن مسفر بصراحه ...
انا حياتي تغيرت ويا ريلي والسبب كلاام هالشيخ .. الله يوفقه
وقولي لاهلج واهله اللي يالسن يقنعونج تردين له .. خليهم يتفاهمون وياه
ويخلونه هو اللي ياخذج .. لانج انتي ما تقدرين تردين جيه
وشوفي الغاليه بقولج شي ..
ريليج من النوع العصبي .. وهالنوع يريد تعامل خاص .. وعلى فكره التعامل وياهم صعب
ولازم تتحملين
شوفي اذا صار ورجعتي .. وصار خلاف من بينج وبينه ...
حاولي انج تتجنبينه .. ولا ترفعين صوتج عليه ..
واخذي له كوب عصير .. وخليه ليوم او يومين .. يعني فتره لين تهدى اعصابة
وبعدها تكلمي وياه بكل هدوء ولو قالج انج انتي الغلطانه قولي له صح انا الغلطانه
المهم يرضى.... يعني خذية بسعة صدر .. لانه الحياه مثل الحبل .. اذا الريال شد والحرمه شدت
الحبل بينقطع ... فلازم حد يرخي اذا الاخر شد
ارجو اني ما اكون طولت عليج
د
دهن_الــــورد
عروس برونزية
01-06-2006 | 02:30 AM
نصيحه...
لا ترجعيله ...هذا الانسان اسمحيلي حقير ...اي شي ممكن تتحمله الحرمه الا الضرب ...وهو لو من البدايه يحس بالغلط الي يسويه بقولج ما عليه بس هو ما عنده اخلاق ولا ضمير ..يفتكر انج عبده عنده وعادي يهينج في اي وقت ...وصدقيني لو متمسك فيج بيرجع بس شكله هو يسوي هالحركات في باله حد ثاني وهذي وسيلة ضغط عليج...لا ترجعينه واتري عوض رب العالمين ...
لا تقولين بصبر وبيتعدل ...تعرفين ليش لانه عمرج بيروح على امل يمكن ما يتصلح...اعرف وحده تحب واحد من عمرها 18 سنه واليوم عمرها 38 سنه كل يوم يقولها بتزوجج وكل يوم ياجل الزواج...وحصل الطلاق ...شو خذت...ندمانه انها ضيعت عمرها وياه..فلا تضيعين عمرج ..وصلي وادعي انه رب العالمين يعوضج باحسن عنه ...
r
rدلوعة باباتها
مشرفة سابقة
01-06-2006 | 04:28 AM
السلتم علييكم
الاخت 3asoola لا زعل ولا شي حبيبتي و كل واحد له وجهة نظر .. بس ممكن اعرف ايش الكلام الي ماينقال؟ ماتوقع قلت شي غلط ... الي قلته احسه صح ...
و انا ماتفق معاج براي بس كل واحد له وجهة نظر في الاخير ... انتي تشفين انه من الاحسن تهده الامور و انا من جهة ثانية اشووف دام وصلت لضرب و عادة الضرب ... وهم توهم في بداية حياتهم .. مشكلة مبالج يابوا عيال و زادت المسؤولية. شنو راح يسوي فيها؟ يضربها جدام عيالها عادي .. و شنو راح تظنين عيالها موقفهم بيكون
الصبر حلووووو لكن مو كلشي نصبر عليه و في عضوات اهني بعد نصحوا بالطلاق و انا اقولها و مقتنعه الزم ما عند الانسان كرامته و ماظن قلت شي غلط
سبحان الله..
اقرا مشكلتج...كنها مشكلتي...نفس الاحداث نفس التفاصيل...حتى اني حملت واجهظت..بسبب سوء المعامله..وانا معلقه من ثلاث اشهر....
يعني ماعرف شنو انصحج..لاني نفسي حايره هل ارجع او لا...
بس اذا تميتي جيء ساكته ما تتحركين...بتمين جيء..معلقه..هو ولا علا باله
بس انا الي سويته اني رحت المحكمه طلبت الطلاق.....(مو لاني ابي اطلق لا عشان بس يحس...وريال اكثر ما يقهره يلعوزه...هي ركضت المحاكم )
طبعا المحكمه..قبل كل شيء....لازم تنقلج..قسم الصلح الاسري....اذا حسيتي انه ندمان بعده
شاريج..متعلق فيج...حطي شروط..لرجوعج...ووقع على تعهد تنفيذ هذي شروط...وهذا لصالج..
اما اذا شفتي انه بايع وعادي عنده...مااقدر اقولج غير انج استخري مرارا وتكرار..صدقني ماشيء احسن بعد من قيام الليل ودعاء
الله يوفقج لما هو فيه الخير
بس والله حاسه باحساسج لاني اعيش نفس تجربتج:sad:
عندي لج حل ..وان شاء الله ماراح تكونين خسرانه
شوفي اختي انا ما قريت حلول خواتي اللي قبلي مب استخفاف بردودهم لا والله بس بغيت ارد عليج بسرعه لانيضقت من مشكلتج ...وبغيت اقولج ردي ..يمكن تلاقينه مشابه لغيري .بس اسمعيني وافهميني ..
ارجعي له واخذي موانع حمل ..اجلي فكره الحمل لين تشوفين نتيجة حياتج معاه هل بيتغير ولا لا ..
اختي اول شيء ارجعي له ...وحاولي تبتعدين عن المشاكل معاه ..وتشوفين طريقه تمتصين منه غضبه ...ولا تفكرين بالانجاب منه الا لين تخبرينه
اذا لقيتيه تغير او انج عرفتي له ..تقدرين تحملين وتتوكليم على الله ...
واذا شفتي انج ماعاد تقدرين تتحملين اطلبي الطلاق ومن رايي تخلعينه علشان تهينينه ..وكلما يروح يخطب يسالونه ليس خلعتك مرتك الاولانيه...
والله يوفقج اختي
اختي امل
ان اكثر شي ما يحبه ربي الطلاق حاولي معاه
واذا مافي فايده خلاص سوي الي تبيغيه
ويارب يهون عليج امين
اختي امل
قبل لااقولج رايي انا مستغربه من البنات اللي قالوا ارجعي له وشوفي اذا تغير
طيب اشلون ترجعين وهو حتى تلفون ماسوى ولاحتى مسج ...
هل يقصدون انج ترجعين بنفسج ؟؟ والا كيف ؟؟
اذا كان هذا قصدهم فأنا ماانصحج قولي ليش ؟؟
هو الحين مب محترمج ولا معبرج هذا وانتي ماسويتي شي وقاعد يضربج اشلون لو انتي اللي تطلعين من بيته بنفسج وترجعين بنفسج
شي اكيد انه راح يحتقرج لانج ماعندج كرامة ولاعزة نفس
انا متزوجة وصح الزواج يبيله تنازلات بس طبعا مب في الكرامه لان الزوج لو حس ان زوجته ماعندها
كرامة ماراح يحترمها خلج عند اهلج لما هو يرجع لج
واذا رجع اخذي عليه تعهد جدام ابوج وابوه واخوانج واخوانه انه مايمد يده عليج
ليش انتي شمسويه عشان يمدها لو شنو مايمد يده هذا زواج عشرة عمر مب لعبه
واذا ضربج مرة ثانية انا من رايي تطلبين الطلاق حتى لو بس قصدج تخوفينه واذا مايبيج بيطلقج
واذا يبيج بيستعدل هذي نصيحتي لج
بس تحملي ترجعين له بنفسج او تتصلين فيه
الكرامه الكرامه الكرامه
تنازلي عن كل شي الا الكرامة
هذا رايي ولج التحيه
طمنينا عليج حبيبتي
الله يهديه ويسعدج ويسخره لج
انا احترم كل الأراء و أعتقد ان كل وحدة تنصح و قصدها الخير من وجهة نظرها
أولا شيء جدا غريب انج تسيرين لأهلج و هو ما يعبر أبدا
بصراحة
انا رأيي انج تتكلمين معاه في مكان عام
نعم تتصلين فيه و تتكلمين معاه في مكان عام
و تقوليله انج تحبيه
و تبين تعرفين شو إللي يريده علشان تسويه
و انج تبينه سعيد في النهايه
إذا قالج ما أباج يا بنت الناس
سوي إللي ترتاحين له
و استخيري اولا و أخيرا
و إ ذا قالج اي شي ثاني
تناقشوا بهدوؤ
و حسسه انج الطرف الضعيف
إللي لا حول له و لا قوه
و بعدين شوفي شو الله بيهيدج عليه
و لا تنسي تطمنينا
إستخــــــــــــــــــــــــــــــــــــــــــــــــــــــــــــــــــــــيري ... والله يعلم ونحن لا نعلم
وخلي الامور تمشي على الله