ولادتي ... اصبحت ذكرى جميلة...!! اقرأوها قصة حلوة!!

سلااااااااام بنات

ما ادري كيف ابتدي قصة ولادتي ...:shy:

أنا بالحمل في الفصل الثالث منه صرت تعبانة شوي و ارتفع الضغط شوي ... و صرت أقيس الضغط في الأسبوع ثلاث مرات...

مرة وحدة زاد و وصل 140/90 !!!
قالت لي الدكتورة لازم ترقدين احسن للمتابعة.... :sad:
رقدت في المستشفى ثلاثة أيام لمتابعة الضغط ... فيها تعرفت على البنات الموجودين .. و اخذت فكرة شوي عن الولادة و هيأت نفسي اني اولد في المستشفى اللي رقدت فيه...
لأني احس اني مرتاحة .. و صارت ألفة بيني و بين المكان... و تعودت على الممرضات الموجودين..!
كان هذا و أني في الشهر الثامن...

بعدين المواعيد الباقية قالت لي الدكتورة لازم اسوي ( تخطيط لدقات البيبي ) كل يوم ... و صرت زبونة المستشفى .. لقياس الضغط و التخطيط:dd:

آنا من نهاية الشهر الثامن مشيت شوي .. لكن مع بداية التاسع قلت لزوجي يمشي معاي ما كان في مجال وياه .. فتميت امشي لحالي كل يوم... لمدة نصف ساعة...
و في الأيام الأخيرة تجهزت لموعد الولادة اللي كانوا عاطيني اياه بالألترا ساوند تاريخ 13/4 لكن طاف الموعد و انتظرت اني اولد في الموعد الثاني بتاريخ 16/4 و مر الموعد .... ( طلع التصوير ما يصدق على طول)!!:gum:
و آنا موعدي بالأسابيع كان 21/4 ...
يوم الخميس 20/4 عندنا عزومة و بقوا يسألوني متى بتولدين ..؟ شكلش بطولين... :mad:
كانت الأيام الأخيرة مشيت فيها مع صديقتي ... الا تقول لي ويش فيش صايرة بطة في المشي جدي ما بتستفيدين منه.... امشي بسرعة بسرعة .... و آنا امشي و احس راس البيبي يتحرك في الحوض و نازل...
في يوم الجمعة 21/4 مشيت بعد معاها و كنت تعبانة شوي ما نمت زين ... و مشيت بسرعة ... مثل قبل و أحسن...و رجعت مع البنات كانوا متجمعين... الا يقولوا متى ولادتك؟؟ قلت لهم المفروض اليوم... الا يقولون لي ( ما يفيد فيك الا الجماع ) لأنه يسهل الولادة... :qaq:
كنت مسوية لي بعد دارسين و ماي غليته و شربت منه قبل ما امشي و بعدها ...!

و انا بالعكس في الشهرين الأخيرين ما صار شي بيني و بين زوجي .. من خوفنا على البيبي ... و آنا بكرية و هو ما عنده فكرة عن انه المعاشرة تسهل الولادة....

ما اطول عليكم ... رديت البيت ... و ما في ألم و لا شيء
و ( آنا ما في بيني و بين زوجي خجل ) ، قلت له حبيبي ... آنا الحين صرت متأكدة انه الجماع يسهل الولادة لأنه البنات ( كلهم متزوجات) و نصحوني به ....و عندهم خبرة ...

بعد (( ..............)) مباشرة من الساعة 12 منتصف الليل يوم الجمعة نفسها جاني ألم غريييييييييييييييييت ! ألم حار حار ما اقدر اوصفه و نزل دم شوي ..... ، استغربت ، قلت يعني ولادة... ؟؟؟:qaq:
صرت اطالع الساعة و أشوف الألم كان يجيني كل خمس دقائق ... قلت غريبة على الأقل تصير في البداية فترة بين الألم و الألم ...........لاااااااااااااااا انا ابتدا الألم كل خمس دقائق ....
بعدها كل ثلاث بحركة سريعة ....
جاني بعدها ألم في الظهر .. و إسهال ( أعزكم الله) .... و زوجي شافني أتألم ... و يبي ينام شوي على ما يزيد الالم ... و بعدين بوديني .... ما خليته ...:angry:

بقيت اصرخ من الألم ... زاد علي و صارت الساعة 2 فجر السبت ... و قلت له يتصل بامي ... قالت توه الألم جاينها من ساعتين خلها... بعده وقت ..! :mad2: انا طفشت ... شربت ماي ورد منقوع بالزعفران مجهزته من زماااان!! و زاد الألم...آآآآآآآآآآآآآآآآآآآآه :cry:

بقيت اتقلب على السرير و أمشي كل شوي للحمام .... و زوجي يهديني ... و الوقت كان يمر و الألم بسرعة غريبة صار يجيني ... في النهاية ... صار الألم كل دقيقة... و ما قدرت اقوم من مكاني و ناديت على زوجي بسرعة قلت له : ما اقدر بعد ودني المستشفى!! :cry: الالم يجيني كل نصف دقيقة ... و كانت الساعة 3 فجرا...!!
أخذنا ماما معانا ... و قامت تقرأ علي سورة ( القدر) و آنا الالم صار ذابحني كل 15 ثانية على بعض الالم ...
وصلنا المستشفى الساعة 3 و نصف

... قالت الممرضة ... تخيلوا كم مفتوح؟؟

6سم و شوي بعد خلال ثلاث ساعات يعني صار لي ينفتح كل ساعة 2 سم (( كل هذا من مفعول .......))!
ما اطول عليكم.... عطوني ابرة مهدئة و بقيت آخد نفس عميق كل شوي و اقول الأدعية

و شوي نمت بعدها ... قعدوني و تقول لي الدكتورة ادفعي ادفعي ... اخذت نفس عميق و حبست النفس و ركزت حتى يكون الدفع تحت.... مرة مرتين ثلاث.... و صار عندي شق للعجان... , و أنا ما احس بألم بس سمعت صوت قص و حسيت به بدون ألم...
الساعة 5 و خمس دقائق يوم 22/4/2006 صباحا كانت ولادتي ...:bigsmile: حسيت شي انزلق من بطني و مباشرة رااااااااااااااااااااح الألم :eek2:
شفت البيبي و الحبل السري .. و طلبت اشوفه و كانت فرحتي لا توصف ... !!

استغرقت ولادتي بين الألم و الولادة خمس ساعات و لله الحمد .... من الساعة 12 الى 5 الصبح.! غريبة! نظفوا البيبي و خلصوا الخياط بعد ساعتين صارت لي خياطة تجميلية داخلية الغرز ما تبان ....

و شفت زوجي و امي بعدها ... فديتهم بس يدعون لي وقت ولادتي ...
لكن احلى لحظة لما اخذت ( محمد ) و خليته جنبي كان مثل العصفور الصغير فاتح شفتيه ...

صدق يا بنات كل هذا الألم و لا شيء قدام هاللحظة اللي تشوفين البيبي بحضنك و تخليه على صدرك:confused: احساس الأمومة لا يعوض بأي شيء...
الله يرزق الجميع ان شاء الله..

شنو رايكم؟ مو غريبة القصة؟؟:shy: