السلام عليكم يابنات
حبيت ابشركم اني ولدت وجبت ولد مثل القمر
قصه ولادتي عجيبه غريبه
الله يسلمكم موعدي كان في تاريخ 21/3/2006 انا تأخرت عن موعدي اسبوع كامل
وولدت 27/3/2006
بلش فيني الطلق تاريخ 25/3/2006 لكن انا طبعا خبر خير لاني بكريه
وافتكرت ان هالالم من ضمن الام الحمل والشهر التاسع بالذات
امي لاحظت اني اتالم بس ساكته وماقالت لي .... وقامت هي تحسب الوقت لي بين
كل طلقه والثانيه وانا مادري
بعدين قالت لي ترى فيج طلق تبين تروحين المستشفى ؟؟
قلت لها لا بنطر لين يزيد الالم .... هالحجي كان الساعه 8 بالليل بتاريخ 25/3
تصبرت لين ثاني يوم الصبح الساعه 9 الصبح وطبعا زاد الالم بس الحمدلله كنت قادره استحمل
تصبرت لين الساعه 11 الصبح تاريخ 26/3/2006 وقمت تسبحت وبدلت وزهبت اغراضي وكلمت زوجي عشان
يوديني المستشفى مع امي... وصلت المستشفى الساعه 2
سووا لي فحص داخلي صرخت صرخه خليت الدكتوره تتحسف انها فحصتني :):):)
المهم قالوا لي 4سم ...انا استانست قلت بقلبي بالكثير 8 او 9 بالليل انا والده
ودوني الولاده .. وهناك نزل علي الماي وزاد الطلق فيني ...لين 8 بالليل .... برد الطلق
وماعاد فيني الم !! حطوا طلق صناعي...وكلما يجون يقيسون اكون للحين 4 سم !!!
استمر هالشي لين الساعه 11 بالليل ... وانا للحين 4 سم !!! طبعا الدكاتره (ترا للي)
مايدرون ليش انا ما أتوسع ... لان حضراتهم بس مركبين علي جهاز نبض البيبي وجهاز الطلق
ما سووا لي سونار كلش عشان يعرفون السبب ومخليني اتالم جذي عالفاضي :angry:
الساعه 11 جت الدكتوره وقالت حق الممرضه زيدي لها الطلق الصناعي لين اعلى درجه !!
اهمه زادوا الطلق .... انا بديت اهلوس من الالم.... لين 3 ونص الفجر اللي هو تاريخ 27/3/2006
جت الدكتوره وفحصتني ...للحين 4 سم !!!
قالت خلاص قيصريه .... انا تخرعت ... بس كنت ابي اولد وافتك لاني والله حسيت بيأس
موطبيعي لدرجة اني كنت متأكده اني بموت :sad:
طقوني ابرة التخدير اللي بالظهر ... ماجابت نتيجه معاي ... يمكن طقوني 8 او 9 ابر
وانا من اليأس اللي فيني ابكي بدون صوت ... دموع تنزل من عيوني لين صدري والدكتور
والدكتوره يجون يمي يمسكون ايدي ويقولون لا تبجين .... انتي مافيج الا العافيه وراح تخلصين
وانا اقول ان شاءالله.... المهم لما شافوا ان الابر ما أثرت ... طقوني بنج كامل وولدوني قيصري
وجبت حبيبي نور عيني
ولما سووا لي العمليه عرفوا ليش انا ما كنت اتوسع !!
من لفة البيبي في بطني وهو يحاول يدز نفسه عشان يطلع
التف على جسمه الحبل السري !! قولوا الحمد لله مالتف على رقبته
طبعا تعب البيبي في بطني ...وبرد طلقي
والله هالدكاتره اي شي :angry: :angry: :angry:
طبعا انا ما شفت ولدي حبيبي الا عقب 6 ساعات من العمليه عقب ما صحصحت من البنج
انا حطيت عنوان الموضوع اني جربت الولاده بس كأني ما جربتها لان ماشفت البيبي يطلع مني
ولا حطوه على صدري زي باقي الناس , لاني كنت متخدره ، مع اني جربت كل شي
الطلق الطبيعي والصناعي وابرة الظهر والبنج والقيصري لكن الحمد لله على نعمته
اهم شي اني بخير وولدي بخير
الله يهون عليكم يالحوامل ... ويرزق خواتي اللي يبغون الحمل
آمييييييييييييييييين يارب العالميييييييييييييييين
شكرا لكم
ولدت وجربت الولاده ... بس كأني ماجربتها
h
31-05-2006 | 12:15 PM
s
31-05-2006 | 12:19 PM
مبروك ما ياج اختي ...
و معليه ... كل شي يصير لحكمه من الله
الحمدلله انهم ماتفلسفوا ... وايد اشياء تصير من تفلسيف الدكاتره
المهم الحمدلله على سلامتج و سلامة البيبي
:)
و معليه ... كل شي يصير لحكمه من الله
الحمدلله انهم ماتفلسفوا ... وايد اشياء تصير من تفلسيف الدكاتره
المهم الحمدلله على سلامتج و سلامة البيبي
:)
ع
31-05-2006 | 12:21 PM
الحمد الله على سلامتج نشف ريجي وانا اقراء الموضوع
انا ولله الحمد عندي ثنين وكلهم طبيعي والشعور ترى حلو يوم يطلع البيبي ويعطونج اياااه
يااااه خاطري اييب الثالث يا الله ادعولي
انا ولله الحمد عندي ثنين وكلهم طبيعي والشعور ترى حلو يوم يطلع البيبي ويعطونج اياااه
يااااه خاطري اييب الثالث يا الله ادعولي
ل
31-05-2006 | 12:25 PM
الحمد الله على سلامتج وسلامة البيبي الله يطرح لبركة فية أنشاء الله........................
h
31-05-2006 | 12:26 PM
serenity:
مبروك ما ياج اختي ...
و معليه ... كل شي يصير لحكمه من الله
الحمدلله انهم ماتفلسفوا ... وايد اشياء تصير من تفلسيف الدكاتره
المهم الحمدلله على سلامتج و سلامة البيبي
:)
الله يبارك فيك اختي
الله يسلمج ان شاء الله
المشكله التفلسف عالفاضي
شاطرين بس يشققوننا من الفحص الداخلي
والله ياختي جتني وحده دكتوره متيييييييييييييييييينه وايدها ايد رجل
لما فحصتني انا افتكرت ان خلاص .... ولدت ... من كثر ما ايدها متينه
ولما جبت ولدي ...قلت حق امي والله انه راس ولدي اصغر من قبضة ايدها !!:sad:
ذبحتني هالدكتوره... بس انا بردت خاطري .. هاوشتها وطردتها خخخخخخخخخخخخ:ok:
h
31-05-2006 | 12:27 PM
عاليه دبي:
الحمد الله على سلامتج نشف ريجي وانا اقراء الموضوع
انا ولله الحمد عندي ثنين وكلهم طبيعي والشعور ترى حلو يوم يطلع البيبي ويعطونج اياااه
يااااه خاطري اييب الثالث يا الله ادعولي
الله يسلمج فديتج
ادعي لي احمل بالثاني واجرب الولاده لطبيعيه
مشكوره حبيبتي
h
31-05-2006 | 12:28 PM
لب لفواد:
الحمد الله على سلامتج وسلامة البيبي الله يطرح لبركة فية أنشاء الله........................
الله يسلمج حبيبتي
مشكوره عالمرور الرائع:shy:
ح
31-05-2006 | 12:28 PM
الف الف الف الف الف مبرووووووووووووووك على سلامة
ويتربى في عزكم أن شاء الله
وعقبالنا يوم ما نقول قصص ولادتنا ....
ويتربى في عزكم أن شاء الله
وعقبالنا يوم ما نقول قصص ولادتنا ....
ا
31-05-2006 | 12:30 PM
الف الف مبرووووووووووك يالغاليه..
الحمدالله ع السلامه..
ويتربى ف عزكم ان شاءالله..
الحمدالله ع السلامه..
ويتربى ف عزكم ان شاءالله..
h
31-05-2006 | 12:32 PM
العهد وحلوه البحرينيه
الله يبارك فيكم ويعطيكم مافي قلوبكم
اشكركم على ردودكم :)
الله يبارك فيكم ويعطيكم مافي قلوبكم
اشكركم على ردودكم :)
ا
31-05-2006 | 02:06 PM
الحمد الله على سلامتج وسلامة البيبي الله يطرح لبركة فية أنشاء الله........................
ف
31-05-2006 | 02:39 PM
ألف الحمدلله على سلامتك يا الغالية
يتربى بعزكم النونو
يتربى بعزكم النونو
ع
31-05-2006 | 05:48 PM
الحمد لله على سلامتك وسلامة البيبي
ويتربى في عزكم ان شاء الله
ويتربى في عزكم ان شاء الله
أ
31-05-2006 | 06:17 PM
الحمد الله ع سلامتك
والف مبرووووك ع ماجاك
والف مبرووووك ع ماجاك
ن
31-05-2006 | 06:39 PM
بارك الله لكى فى الموهوب وشكرتى الواهب وبلغ اشده ورزقتى بره صحيح الولاده متعبه لكنها ممتعه انا ودى احمل تانى واولد لكن بصراحه مافينى اربى ولدى عمره 5 شهور مطلع عينى فى النوم
ش
31-05-2006 | 09:34 PM
مبروك اختي ... والله وانا اقراه موضوعج عيوني دمعت ما اعرف ليش ... المهم ادعيلي الله يسهل على ولادتي ... لاني خايفه وايد ولا عارفه كيف الولاده اصلا ... الله كريم
ا
31-05-2006 | 09:47 PM
الحمد لله على سلامتكم..
و اشكري ربك ان الولد ما ضاع منك من تجارب الدكاترة!!
الحمد لله!
و اشكري ربك ان الولد ما ضاع منك من تجارب الدكاترة!!
الحمد لله!
م
01-06-2006 | 03:00 AM
ألف الحمد لله على السلامة ...ومبروك ماجاك ..
الأهم انك وياه بخير وصحة والباقي يهون ...وأن شاء الله الحملة الثانيه طبيعي .
الأهم انك وياه بخير وصحة والباقي يهون ...وأن شاء الله الحملة الثانيه طبيعي .
أ
01-06-2006 | 07:50 PM
الحمد لله على سلامتك اختي
من العنوان فكرت انك ولدتي بسهولة
يلا ان شاء الله الولادة الجاي بتكون سهلة .
من العنوان فكرت انك ولدتي بسهولة
يلا ان شاء الله الولادة الجاي بتكون سهلة .
أ
01-06-2006 | 11:05 PM
مبروك والله يخليه لكم
الا بسألج انتي ولدتي في قطر والا الكويت؟؟؟
الا بسألج انتي ولدتي في قطر والا الكويت؟؟؟