سؤال ياريت تقولون لي باختصار كيف يتم الدفع وماهي الحواله و شركة الشحن ؟

بنات بليز؟

بنات معقووووله؟؟ نبي مساعده

بنات معقوله ما تعرفون؟

بنات ساعدوني

السلام عليكم
بنات طلبت مساعدتكم في موضوع سابق ولا وحده ردت علي :sad: :sad:
بنات اللي تعرف الاجابه خل تساعدني وجزاها الله خير
تفضلوا هذا الرابط

http://www.3roos.com/forums/showthread.php?t=175301

هلا حبوبة
انا كنت كاتبة لج رد من قبل طوييييييييييييل وفيه التفاصيل

بس مادري الظاهر ما انرسل ..
او انا طلعت من الموقع ونسيت اسويله ارسال ..
الحين باكتب لج المفيد
و
الله يرزقج ان شالله

حبيبتي

الحوالة ان البنت اللي تبي تشتري منج

تروح الصراف او شركات الحوالة والصرافة وتاخذ اسمج ورقمج

وترسل المبلغ الى ديرتج باسمج الثلاثي ورقم الهوية ورقم التلفون عشان يبلغونج بوصول المبلغ


ولما تروحين تستلمين تجيبين بطاقة الهوية مالتج
وتستلمين المبلغ

بس

غيرجيه ..

ممكن الويسترن يونيون بس لدول الخليج اغلي ياخذون 60 رييال تقريبا

عندج نظام الكاش اكسبرس
او موني اكسبرس

هذا عاجل بنفس اللحظة تتحول الفلوس تستلمينها

بس لازم البنت اللي حولت لج الفلوس ترسل لج كود الحوالة او الرقم السري للحوالة اللي بيعطيها الصراف

وتتاكدين تعطينها اسمج الثلاثي مثل ماهو مكتوب بالهوية

وتستلمين على طول

بس

واذا فيه شي ثاني

ولا يهمج

اختج

مشتاقة لقطر

جزاج الله خير اختي الغاليه

هل في طريقه تكون عن طريق الحساب البنكي ؟؟؟
وهل تقدرين تشرحين لي ما هو الموني اكسبريس والكاش اكسبريس بشكل اوسع شوي ما عليج امر

مشكوره حبيبتي ما قصرتي والله

شوفي الحواله تروحين الصراف اي صراف عنكم مثلا الي في السعوديه صراف الراجحي
يعني الحين انتي تبين تطرشين لي بضاعه اروح انا اعطيج اسمي الكامل ورقم جوالي
انتي تروحين الصراف تقولين ابي احول مبلغ بسم فلانه الي هي انا عاد انتي تعطينه المبلغ الي او البضاعه وتدفعين زياده اعتقد30 ريال حق الشحن
وهو راح يعطيج رقم كود خاص هالكود لازم ماتضعينه تروحين تتصلين فيني وتعطيني رقم الكود
واروح انا بعد البريد او الصراف واخذ المبلغ او الاغراض الي انتي طرشتي لي اياه واعطيهم رقم الكود واستلم اغراضي
وتقدرين تطرشين عن طريق البريد الممتاز ( حق البضاعه)
واذا تبين تطرشين فلوس اسرع شي اهو (ويستن يونين) هذي شركه سريعه جدا يعني لو طرشتي فلوس بدقيقتين توصل الفلوس
فهمتي اختي

حبيبتي بالنسبة لتحويل المبالغ:

عن طريق الايداع البنكي: تعطين الزبونه اسمك ورقم حسابك والسوفت كود للبنك (اتصلي البنك سئليهم عنه يتكون من حروف انجليزيه). يفضل تسئلين البنك مع اي بنوك الخليج مثلا يتعاملون،، وعطي زبوناتك اسماء هالبنوك علشان تضمنين المبالغ توصل كامله.
لو كان بنك الزبونه مثلا مايتعامل مع بنكك انتي بيتحول المبلغ من بلدها الى الكويت لبنك وسيط (وهالبنك الوسيط بياخذ عمولته من الحواله وبعدين بيرسلها لحسابك) فبيوصلك المبلغ ناقص..


عن طريق حوالات محلات الصرافة:
نفس الشي تسالين محل الصرافه القريب منج مع اي صرافة بالخليج يتعاملون، بيعطونج اسماء الصرافه بكل بلد،، لما تطلبج زبونه تعطينها اسم الصرافه اللي ببلدها اللي يتعامل مع صرافتكم بالكويت، وتعطينها الاسم ورقم الهاتف واسم الصرافه وفرع اي منطقه.. وبيتحول لك المبلغ ان شاءالله.

عن طريق الويسترن يونيون:
هذي حوالة سريعه حول العالم تقدرين ترسلين لاي بلد بس عمولتهم مرتفعه شوي، انا لما احول مبلغ 70 دينار مثلا ياخذون علي 7 دينار ونص.. ميزتها سريعه توصل المبلغ خلال 5 دقايق لك.
بتعطيج الزبونه رقم الحواله مكون من 10 ارقام ولازم تاخذين وياج بطاقتك الشخصية
تنفع للحالات المستعجله.


عن طريق الانستنت كاش:
هذي روووعه رخيصه نفس مميزات الويسترن يونيون توصل المبلغ لك خلال دقايق..
ياخذون على المرسله عموله دينارين /20 ريال/20 درهم
حتى لو كان المبلغ المرسل 600 دينار
هالطريقه موجوده بالكويت بصرافة البحرين ان صح اسمها او شركة البحرين المالية
تعطين الزبونه اسمك ورقم التلفون واسم الصرافه
لما تحول بتعطيج رقم الحواله مكون من 9 ارقام وشيكي مع الصرافه
بس للاسف هالطريقه موجوده في دول قليله بس..

وعن الشحن مادري بنات الكويت بفيدونك حسب ما اعرفه انه البريد الممتاز عندكم غالي
يمكن 5 دينار لاول نص كيلو... عموما بالاول لازم تعرفين وزن بضاعتك
علشان تقدرين تعطين الزبونه التكلفه كامل..

وبداية موفقه عزيزتي..

بنت قطر
جزاج الله خير على الشرح والتوضيح الواضح ما قصرتي اختي اسلوبج سهل وواضح ما شاءالله

جناين ورد:
ما شاءالله عليج كفيتي ووفيتي عزيزتي جزاج الله خير

والله يا خواتي فرحتوني بهالتوضيحات اللي كنت محتاجه اعرفها مشكوووووووووووورين كلكم على الرد والتوضيح ما قصرتوااااااااااااااااااااااااااا حبيباتي
جزاكم الله خير جميعا واعذرونا تعبناكم معانا