أرجوووووكم ساعدوني

السلام عليكم ورحمة الله وبركاته

أخواتي أعضاء منتدى عروس ،،،

هذه أول مشاركة لي معاكم مع إني مشتركة من زمان وأقرأ معظم مواضيعكم وردودكم وأستفدت وايد من تجاربكم

أنا عندي مشكلة وايد متعبتني ومضايقتني وأتمنى ألقى عندكم الحل

أنا فتاة عمري 19 سنة ،،، حبيت ولد عمي من أكثر من 7 سنين وإحتفظت بحبي في قلبي لمدة 3 سنين تقريبا بس ما قدرت أتحمل أكثر وعقب ال 3 سنين إتصلت مرة حق إخته وهو رد وتميت أسولف معاه ولمحت له بحبي

وعقبها تمينا دوووم نرمس بالتلفون وصارحته بحبي وهو بعد حبني ووايد مواقف صارت لي حسيت فيها انه صدق يحبني

وإنتظرته وايد ورفضت وايدين علشانه ( قريب 7 رجال ) وإتحملت وايد أشياء والحمد لله قبل 3 شهور عقدنا قراننا وكنت أسعد وحده في هالدنيا كلها

بس ما أعرف شو اللي غيره ،،، صار عصبي لدرجة مو طبيعية ،، يصرخ علي لأتفه الأسباب وما يعاملني كحرمته

يعني ولا مرة رمسنا في مواضيع ساخنة مع إني اتمنى هالشي يصير

ودوم سوالفه معاي عادية عن الدراسة والأهل وهالأشياء ،،، بس يكلمني كل يوم ومرات كذا مرة في اليوم ويزورني في الإسبوع مرة

والحين صار له 5 أيام ما كلمني بالمرة وكل ما أتصل له ما يرد علي وما أعرف هو ليش زعلان مني

سؤالي كيف أخليه يحسسني إني حرمته

وكيف أخليه يتلهف عشان ايي بيتنا ويشوفني

ولما يزعل شو المفروض أسوي ،،، أتصل له كذا مرة حتى لو ما يرد علي ولا أطنشه

عطوني نصايحكم ولا تبخلون علي

والله وايد نفسيتي تعبانه لأنه متغير علي ،،، وطول الوقت أصيييييييييييييييييييييييييييييييييح