رابطة امهات ديسمبر... حيااااااااااااااااكن هوووون !!

هلا فيكي اختي جمانه
أنا كمان تقريبا على نهاية الثالث
و تصدقي أنا اخر دورة لي كانت 28/2/2006 :shy: :shy: ::
وموعد ولادتي بإذن الله في 5/12/ 2006
مثلك بالضبط ولكن هذا هو اول حمل لي:bigsmile: :bigsmile:

ياي ياااااااااي فيه احد رد هههههههههه


هلا ومليون هلا ومرحبا اختي ghada2
شيء جميييييل نتعرف من خلال رابطتنا...

اول شيء الف مبروك على الحمل، والله يتممه لك على خير ان شاء الله..
وامممم مدري شنو اقول بعد..


اختي غادة خبرينا شلون اكتشفت انك حامل؟ وهل انتي متزوجة من زمان ولا فترة بسيطة؟

هلا بنات شلونكم..انا بعد هذا اول حمل لي واخر دورة كانت 22/2 واعتقد اني بداية الرابع وموعد ولادتي عطتني الدكتورة 7/12 بس ثاني زيارة عطتني 5/12.. مثلكم .. الله يقومنا بالسلامة يارب

هلا اختي بنت البحرين
bent el ba7rain

شرفتي ونورتي، خليج متابعة ويانا هااااااااا

شنو اخبار الحمل معاج؟ خلاص تخلصتي من الوحم ولا بعد؟

وشلون تغير تاريخ الولادة؟ سويتي سونار؟
بيييييه اذكر انا في ولدي الاولي، الممرضة كانت شاطرة وااايد وعرفت في السونار انه فيني ولد مع انه كنت توني في الرابع ...

حياج الله الغالية.. شكلي بصير باشا عليكم، كلكم اول مرة هههههههه

هذا شريط الحمل تبعنا.. واللي يبين حسب موعد الولادة مش حسب موعد الدورة..
اختي بنت البحرين اكيد جاك احباط هااااا.. رديتي الشهر الثالث ههههههه

اي وحدة تبي وصلة الشريط تقول وما يصير خاطرها الا طيب :)

وهذا حسب موعد الدورة

امممم يوم واحد فرق.. بس..


اختي بنت البحرين لو حابة اسويلج شريط خاص بتاريخ الدورة؟

اهليييييييييييييييييييييييييييييين :clap:

شخباااااااااااااااركم .. وحشتوني (f)


انا بعد حامل معاكم واخر دورة كانت في 2 \ 3
وموعد الولادة ان شا الله عاطيني كذا موعد هههههههههههههههه بس حسب المستشفى عاطيني 13 \ 12 ومرمووم عطتني 11 \ 12

سويت التراساوند مرتين .. مرة في طلع في الالتراساوند ان توني 4 اسابيع ويوم وموعد ولادتي فيه 14 \ 12
وثاني مرة من اسبوعين تقريبا وطلع ان لي 10 اسابيع ويومين وموعد ولادتي فيه 9 \ 12


وانا بعد هذا الحمل الثاني لي من بعد حسون :shy:


بالنسبة للوحام فأنا للحين اعاني ووزني قاعد ينقص " نقص 9 كيلو " ووايد تعبانه واحس بآلام في بطني وظهري من اسوي اي مجهود ولما رحت المستشفى قالوا الراحة التااااااامة" والدكتورة قالت اجازة عن الجامعة اذا تحتاجين بس انا ما رضيت لان احنا في آخر الكورس وتشطيبالمواد .. واليوم توني اول يوم قاعده عشان المذاكرة للامتحانات النهائية .. ادعوا لي بالتوفيق :sad:

بالنسبة لأعراض الوحام فهي نفس اعراض حملي بولدي تقريبا يعني مو بالضبط .. اعاني من لوعة بدوووووووون ترجيع " رجعت للحين بس مرتين " واللوعة ما عاد ينفع معاها شي مع ان في حملي الاولي كنت استخدم حبوب لوعة وكانت وايد تفيدني بس الحين شكلي صار عندي مناعة منها ولما رحت الصيدلية ابي حبوب غيرها ما رضوا وقالوا ان ما في غيرها ممكن استخدمه (w)
ايضا الدوخة ودوار الراس للحين مستمر وصايرة شاااااااااحبة بشكل كريه :angry: ، وولدي صاير مجنون من حملت للحين ، زايدة شطانته وحركته وكله يضربني على بطني كأنه حاس باللي صاير وان في احد ممكن ياخد جزء من مكانته كونه دلوووع العايلة " عايلتي وعايلة ابوه " :sad:


احنا من قبل بعد كنا مخططين ان نسافر هالصيف وان شا الله اذا الله اراد موعد السفر بيكون في 6 \ 7 وبكون في نهاية الشهر الرابع وان شا الله اقدر اسافر لان اخت زوجي حامل الحين في الخامس وبتسافر شهر 7 بعد بس الدكتورة منعتها لان البيبي وايد صغير ودمها ناقص " موصل 8 " وعطتها مهلة الى تاريخ 11 \6 وكتبت لها على 130 قرص حديد تشربهم الى هالتاريخ واذا ما صار كل شي اوكى ممنوع تسافر والا بيكون في خطر على الحمل ، اما عني انا فأنا متعودة ان دمي على طول ناقص .. بالحمل او بدون حمل ، ولما كنت في المستشفى " السلمانية " من اسبوعين قلت للدكتورة عن السفر فقالت ان اروح المستشفى قبل ما اسافر واسوي تحاليل والتراسوند واذا طلع كل شي اوكى عادي اسافر .. انا كنت خايفة من السفر لان السفر بيكون في طائرة اضافة الى الطيران الداخلي والدكتورة طمنتني وقالت ان ما اقعد لفترات طويلة في الطائرة وان لازم اتحرك .


هي اخباري كلها واول موعد عطوني اياه بيكون في 19 \ 6 بس بعدين اكتشفت ان عندي اخر امتحان في نفس ووقنويوم الموعد وناوية يا اما اقدمه اسبوع او أاخره اسبوع .


وبسسسسس:shy:

هلا وغلا برابطة شهر ديسمبر

الله يكون في العون بصراحة حملتكم كله رايح يكون في الصيف ....

والصيف واااايد متعب .... عكس الشتاء مريح وما تتعب الحامل فيه ....

أنا على نهاية الثامن والحمل متعبني في الصيف ....

الله يتمم لنا على خيررررر ....

سلامي وتحياتي ....

مرحبااا

على فكرة نسيت اقول ان انا من يومين حسيت بحركة خفيفة للبيبي وكانت على هيئة " رفستين ورا بعض " وامس بعد حسيت بحركة للبيبي مع ان تو الناس على هالشي لان انا في حملي بولدي حسيت بالحركة في الشهر الخامس والحين انا توني في الشهر الثالث بس كل شي جايز

وبطني بعد يبرز شوي مع ان جسمي قاعد يضعف واعتقد انها كرشة حمل لان في حملي الاولي ظهرت الكرشة مع بداية حركة البيبي .. والله العالم


في وحدة غيري ابتدت تحس بحركة لجنينها من الحين ؟؟؟


وفي مشكلة بعد اعاني منها وهي كثرة تساقط شعري من فترة .. مع اني اشرب الفولك اسيد " بس مو بانتظام ، اذا تذكرت بس " .. مع ان في حملي الاولي شعري صار وايد احلى وما تساقط بالعكس احسه صار صحي ويلمع وهالحمل شكله بيصلعني :sad:

في بنات جزاهم الله خيرا نصحوني بحبوب فيتامينات اشتريها من الصيدلية وفعلا اشتريتها البارحه بعد ما تأكدت من الصيدلي وقال انها مناسبة بس لما قلت له اني اشرب فولك اسيد قال لي اذا بستخدم هالحبوب اقطع الفولك اسيد لان الحبوب الجديدة تحتوي على فولك اسيد ، لكن زوجي الله يهديه ما كان مقتنع به يوم اشتريه رغم ان ما خلى سؤال ما سأله للصيدلي وطمنه الصيدلي بس البارحه قبل النوم بوم بغيت اشرب حبة ما رضى وقال بيروح اليوم المستشفى وبيعرضه على الدكتورة وبيشوف رايها اول :qaq:


الله كريم

سلاااااااااام
مبروك للحواامل
انا اخر دورة كانت ب 22/3/2006
وموعدي 27/12/2006 أو 28/12/2006
بس بغيت أعرف كيف أعرف اول يوم من كل شهر بليز ساعدونييي
على فكرة ولدي عمره الحين سنتين وشهرين وزايد دلعه وااااايد ومطفرني لانه دلوووووع بيت امي (اول حفيد)




مع السلامة

هلا وغلا برابطة شهر ديسمبر
الله يبارك فيكي أختي جماته و يباركلك في حملك يا رب:bigsmile:
أنا عرفت اني حامل بالصدفه
كنت راحه عمل اشعه رنين مغناطيسي علي المخ و قولت اتأكداني مش حامل لانالحامل المفروض ما يسوونه و قالولي أني حامل و ما عملت الاشعه و كانت احلي فرحه لانه أول حمل لي
و أنا يوم ما عرفت اني حامل كان بقالي سبعه شهور متزوجه
والله يتمم للجميع علي خير يا رب

هلا بنات اشلونكم .....
آنه ماعطيني موعد ولادة بتاريخ 4/12/2006 بإذن الله وآنه الحين في الشهر الرابع

بالنسبة للوحام الحمدالله خف وايييد بس تعبني في أول شهرين
للحين ماحسيت بحركة البيبي ( متشوقة كثير لأنه أول حمل لي) بس إلي امتعبني اهو اني آروح دوام 8 ساعات وبعدين مباشرة عندي دورة لمدة ساعتين لمدة 3 اشهر (الله ايعين)

والله ايعينا على شهر رمضان بنكون في آواخر الحمل

الله اتمم عليكم ان شاء الله

هلا هلا بالمنضمات الجدد الينا سحابة حب ونواري :clap:


حلوووة البحرينية
مشكورة الغالية والله يسهل عليج ولادتج..

اختي سحابة حب،
تاريخ الولادة هو تمام التسعة اشهر حسب حساب الاطباء،

لذلك في تاريخ 27 او 28 من كل شهر تدخلين شهر جديد في حملك..


العزيزة الغالية ماما حسون

يااااااااااااااااااه ما اصدق يتحرك، هذي غازات لا تتخيلين :p

بطفلي الاول حسيت بالحركة نهاية الرابع... وهم الحين ما احس بشء.. بس مجرد النبض..

شنو اسم الدوا اللي اخذتيه عن اللوعة؟ انا استخدم نافدوكسين، واحسه زين، بس اذا ما اكلت تتعب معدتي، واحس بصخونة...



هلا ومرحبا اختي نواري والف الف مبروك على الحمل، الله يتمم لك على خير...
بالنسبة لدوامج اهو فعلا طويل، بس هونيها وتهون ... اهم شيء لا ترهقين روحج في الشغل.. وقد ما تقدرين ارتاحي على ظهرج..
بتولدين قبلي بيوم هاااااااا، ما عليه بنشوف مين اللي يغلب ويولد اول هههههه



**************************************************************

بنات احد سوا سونار، خلونا نشوف الصورة عشان نبدي نخمن اذا ولد او بنت..

سمعت اذا كان على هيئة قرص او دائرة احتمال بنت، واذا على شكل هلال ، الاحتمال الاكبر يكون ولد...

موعدي الياي تاريخ 10/6 ، وان شاء الله بسوي سونار.. وايد متحمسة ما ادري ليش مع انه الحمل الثاني لي... بس انتظار مولود جديد شيء حلو ... الحمدلله على النعمة

خسارة التواقيع موقفة هالمرة حتى عن المشرفات ، كان حطينا تواقيعنا الجديدة :(

هلا بيكم يالعرايس.. الاخت جمانة انا صح في الاسبوع 13 الحين بس انا عبالي ان الاسبوع 13 يعني بداية الرابع..يالله ماعليش الثالث الرابع اهم شي نولد بالسلامة..
بالنسبة للوحام عندي احسه بدأ يقل.. اول ماعرفت كانت وايد تجيني لوعة واحيانا ارجع لما اكل.. الحين خف بس وووايد عصبية واحس بألم في ظهري..المهم الدكتورة عرفت الموعد عن طريق الالتراساوند كنت اسوي من عرفت بحملي وكانت اتابع وياها شكل الجنين كان بالبداية قطعة دم والحين قاعد يكبر شويو شوي ومتلهفة لموعدي سبوع الجاي ابغي اجوفه شلون صار وياريت تقول لي شنو جنس الجنين...

انا لسه عامله سونار من يومين و ما شاء الله شكله سكر أوي
شفت قلبه و هو بينبض وسيادته قاعد بيرفس (شكله متاضيق ان الممرضه بتضغط علي بطني علشان نشوفه:angry: )
:dd: :dd: :dd:
عقبال يا رب ما أحس برفسته دي متشوقه كتير احس بحركته
بس الممرضه بسألها امتي اقدر اعرف بنت ولا ولد قالتلي مش قبل الاسبوع الثامن عشر أو العشرين
وكان هذا هو أول سونار أعمله

مرحبا بامهات المستقبل ..


طول امس وظهري كان مقطعني من الالم، مرة وحدة مادري من شنو السبب،

وطبعاً زوجي السبب جاهز عنده : كله من القعدة قدام النت ! :(

يا حرام يا دوب اشوف عروس وامشي..

ارتحت على ظهري طول امس، بس مافي فايدة ، واللي زاد الالم الغازات الرهيبة ببطني، مادري شنو عنده الامساك وياي هالحمل، معذبني من الحين، الله يعين شنو بسوي لين وصلت المتقدمة..

المهم الليل رحت عند امي وهي ما قصرت دلكت ظهري بكريم العضلات الابيض والحمدلله يوم قعدت الصبح اشوف طاب افتكيت..
وبعد ما خليتها، قلت لها يالله البطن بعد مرخيه :D
قالت ما اقدر ! اخاف يصيد الياهل شيء !
قلت لها يالله عاد ، بس شوي ، من فوق و على الجوانب.. هههههههههه صج متهورة.. بس شسوي ذبحتني الاغازات وبطني مو راضي يمشي الا بالغصب...
وفعلا ايد امي السحرية خلصتني من معاناتي ...
ماا دري اهو من المراخ زين، ولا بس لأنها امي فطبت... والله حالة عرسنا ويبنا يهال وكل شوي امي وامي... هههههههه

الله يحفظها لي ..


بس هاللي ببالي الحين،
ايه قبل لا انسى ادعو لماما حسون بالتوفيق في الامتحانات النهائية للجامعة.. :)

هلا بيكم يا امهات المستقبل...شخباركم ؟؟
بنات شنو الادوية اللي عطوكم وياها من بداية الحمل؟؟؟ انا عطوني فوليك اسد وكالسيوم ودافستون للتثبيت وانا الحين مثل ماتعرفون ببداية الرابع وكنت اخد الادوية من عرفت اني حامل والحين لايعة جبدي منهم وما اقدر اخد اكثر..احد يعرف لمتى بنظل عليهم؟؟؟؟؟؟ظ

خب الدفاستون مو الكل يعطونه،بس حالات معينة هاللي اعرفه..

الفولك اسيد طول الحمل بتاخذينه...

اممم اللي اعرفه انه من بداية الحمل الضروري تاخذين فولك اسد وحتى من قبل الحمل بعد تاخذينه،
وعند الشهر الرابع تاخذين الحديد+ فولك اسد مدموجين في حبة وحدة...
ويعطونج فيتامينات الحمل .. هذي روعة، صح طعمها مر بس تسوي اليشرة والشعر والاظافر وكل شيء جناااااااااااان ...

nawaray
4/12/2005

جمانة
5/12/2006

ghada2
5/12/ 2006

bent el ba7rain
5/12/ 2006

ماما حسون
اخترت اقرب موعد 9/12/2006

سحابة حب
27/12/2006

الله يزيد ويبارك...


********************************************************************


اليوم الجمعة ،موعد لمتنا في بيت عمي، افف شكثر يصير يهال وصراخ وعوار راس.. الله يعيني اليوم ..

بعدين المغرب بروي لكم تفاصيل الاحوال :D