عندي سؤال عن المشي.. منو بيجاوبني؟؟؟!!

اختي اول يوم ابدي بنص ساعه ...في اليوم وهذا ممكن تسوينه بروحج في البيت..وعقبها ساعه ..واليوم الواحد لازم تمشين مب اقل من ساعتين...عشان تستفيدين...ويقولون اول اسبوعين...ما تحرقين شي بس من بعد الاسبوعين يبدى الجسم يحرق وبسرعه ..وهذا الي اعرفه وامشي عليه.وصار لي ..

شو في الغا ليه انا امشي و اسو ي ر جيم

الغا ليه مب صحيح انه الو احد لاز م يمشي سا عتين الغا ليه الدكتور خبر ني يكفي 45

دقيقه بس ايكو ن مشي سر يع و تحر يك الجسم كله


اما التر هلات انا نز ل وزني و ايد بس مع المشي احس انه ايشد الجسم كله

و الحين الجو في الامار ات ما شا ءالله من الر طو به و الحر شو كل شي بيحتر ق فينا

هههههههههههههه
لا بس بجد و ايد احس عسب اتذو ب الدهو ن با لجسم

عن نفسي احس و ايد استفدت من المشي
و بصر احه ما احب اسو ير يا ضه ثا نيه

و انشا ءالله قدرت افيدج

انا سألت بعد ..بس قالت لي الاسبوع الاول تمشين 15 دقيقه والاسبوع الثاني تمشين 20 دقيقه وتزيدين سرعة المشي..والاسبوع الثالث تصير نص ساعهواذا بعدين بتزيدين لل45دقيقه مو مشكله

بس الطريقه هذي علشان عضلات جسمك ماتعورك ..لما تكونين اول مره بتمشين راح تتعبين جسمك على طول وراح تملين انتي بعد لأنك مابتتحملين الالم

انا الحين اسوي ريجيم وامشي باليوم نص ساعه..وكنت امشي 20 دقيقه..وانط على الحبل بعد..احسه يحرق الدهون من قلب

وموفقه للي تبين توصلين له انشاءالله

شكلي بشتر ي حبل و بنط


يا لله اخا ف ز لز ال يظر ب اذا نطيت ههههههههههههههه

يبله البيت تثبيت


بس بجد بجر ب الحبل

أنا جربت الحبل .. ممتع .. خاصه إذا كانوا الجهال عندج ... هههههههه

أما بالنسبه لأختي الطيف ... أنا أضم صووتي لدانه .. المشي لازم يكوون بالتدريج ..

مو بالقوه من أول مره ..

ماشاء الله البنات ماقصروا

نسمة عبير
لووووووووووووووووووول ياحبيلك والله فقعتيني من الضحك
واحنا ثبتنا البيت من قبلك لوووووووووول

فعلاً البنات ما قصرو
المشي فعلاً مفيد ويشد الجسم وينسقه
بس مثل ما قالو البنات بتدريج
ونط الحب وتمارين شد البطن
الوحد لازم يتعب على نفسه عشان يجوف نتيجه
ويبتعد عن الكسل

المشى حلو والله ..

يساعد على تخصير الجسم واشده بس لازم المشي اكون سريع

واقل شي تمشين نص ساعة ..

اختي المشي بقولج الطريقه اللي قاللي اياها الطبيب و بعد مدربة الرياضه الشخصيه اللي كنت اسيرلها...
لما تمشين, ابدي شوي شوي و زيدي السرعه... اول فتره 10 دقايق, و مع التعود بترفعين لغاية 45 دقيقه و هي الفتره الكافيه اللي يبدا فيها الجسم يحرق.. و هال45 دقيقه يظل تأثيرها اكثر من ساعتين تحرق الدهون في الجسم... بس اول 30 دقيقه شو ما صار, يعتبر انج تسويين تسخين للجسم و تهيئينه يدخل مرحلة الحرق...

اما من ناحية الشد... بعد ما تكملين اول اسبوعين او شهر من المشي المنتظم المتواصل بتحسين بالتغييرات.. عن نفسي بين التأثير من اول اسبوعين.. و بعدين قلت احسن ما اقعد كل يوم احسب.. تميت امشي كل يوم بس ما اركز شو تغير و شو ما تغير... بعد يمكن شهر او اكثر بشوي.. لاحظت انه ثيابي و بالذات البناطلين صارت هبلا شوي.. سرت اشوف في المنظره, لقيت انه ريلي صددددق انشدت و بالذات الترهلات الداخليه اللي صعب تتعاملين وياها.. اما الجوانب صغرت وايد و بدل ما تكون روحها اشكال و نطات, لقيت انها صارت شبه مصقوله و دائريه (الجوانب مش الخلفيه)... اما الخلفيه وااايد اتحسنت و انشدت مقارنة بقبل.... و في النهايه صرت البس قياس 14 بدل ما كنت البس 18 و 20 في اقل من 7-8 شهور مع اني مب واايد ملتزمه بالرجيم ...


و إذا عندج اي استفسار انا حاضره :)

مشكوووورين الصراحة كفيتوا ووفيتوا خواتي..

يعطيكم الف عافية ..

انا بديت قبل لمدة شهرين وحسيت في فرق ووقفت لمدة شهر لظروف صحية .. بس رجعت للمشي من اول ويديد ..

بس هل المشي على الجهاز يحرق الدهون اسرع من المشي في الحوي؟؟

لاني احس وايد اتعب على الجهاز لكن كنت امشي كذا مرة على الكورنيش لمدة ساعة تقريبا وما احس باي تعب ولا مجهود ..

بنات حبيت اسألكم

هل المشي على جهاز الرياضه مفيد مثل المشي بالشارع مثلا

لاني ما اقدر امشي بالشارع ...

الغالية البنات ما قصروا وصح المشي بالتدريج أحسن بوايد من مرة وحدة
وبالنسبة لسؤالج الأخير فالمشي عالطبيعة احسن بوايد من المشي عالجهاز
بس بعد المشي عالجهاز له فوايده في حال ما قدرتي تطلعين ...

المشي عالطبيعة يخليج أكثر حيوية ويلهيج عن التعب وتتنفسين الهوا النقي
باستمرار وما يسبب أي مشاكل في المفاصل وخطواتج تكون أكبر وتحسين
بحرية الحركة..

لكن المشي عالجهاز يسبب التهابات وأحيانا خشونة في المفاصل خاصة اللي
ما يعرفون يستخدمونه بالطريقة الصحيحة .. بالاضافة انه يكون في مكان مغلق
ويخليج تملين بسرعه وتتنفسين نفس الهواء المضغوط في الغرفة وهذا ممكن
يأثر على الجهاز التنفسي خاصة لا سمح الله لو وحدة عندها مشكلة من هالناحية
غير انه يحد من حركتج ...

انا امشي عالجهاز بس افتح الشبابيك كلها ويكون بالعصر مع ان عندي سطح وحوش بس ماحب احس انها تملل السير اقدر اتابع تلفزيون او اتكلم مع احد بدون ماطفش هذا موقفي وعن المدة توني بادية مالي اسبوع ونص بس اول ماحسيت يديني من فوق انشدت وفخوذي من ورا كمان والله احسها مشدودة بس الكريشة هذي مستمرة بالحرب عليها وان شاء الله انتصر صراحة موضوعكم حمسني كثير

المشي ع الجهاز اللي افضله فيه شيين... تمشين براحتج متى ما تبين و حسب السرعه اللي تبينها.. تبين مشي او جري, كيفج... و الشي الثاني اللي احبه, انج اذا حطيتي سرعه معينه, تقدرين تجبرين عمرج عليها, اما المشي العادي, اذا تعبتي او مليتي ممكن تخففين و ما تلقين نفس الإستفاده... بس في النهايه, كل شخص له اللي يريحه غير عن الثانين :)

المشي المشي المشي المشي ..... بصراحه مافيه اي رياضه تعادل المشي غير السباحه من تجربتي الخاصه المشي نعمه عظيمه بصراحه انا كنت ومازلت احب الرياضه بانواعها وكنت زمان قبل الزواج من المداومين على الرياضه ( اوربك ، سترتشنق ، يوقا برضه ) في الاسبوع ثلاث مرات غير الرقص اللي اعتبره رياضه مسليه عشان ينحت الخصر والارداف بعدين انشغلت بالزواج واول طفل وماعاد مارست الرياضه بشكل مستمر انما بشكل متقطع يعني في الشهر مره يمكن او احيانا في الاسبوعين مره او مرتين بس حطيت قدامي المشي قلت خليني اجرب المشي لانه عمري ماجربته وجربت امشي بالتدريج لما وصلت الساعه كامله مشي ماكملت اسبوعين الا وجسمي ذايب مع اني ماني سمينه وتخيلوا والله بدوووون مبالغه انه افضل من جميع الرياضات اللي كنت اسويها الرياضه اللي كنت اسويها عشان تبين نتائجها لازم تستمرين عليها من 5 الى 6 شهور اما المشي من اول اسبوعين بتلاحظين الفرق الشاسع خاصه لو قدرتي تمشين اكثر من 45 في اليوم وبشكل يومي او يوم ايه ويوم لا بس بصراحه انصح الجميع بالمشي السريع التدريجي عشان ماتتعبوووون وتملوووون راح تفرك القياسات معاك من اول اسبوعين والله وشلون اذا كملتي شهر او شهرين وبعدها اذا وصلتي للوزن اللي تبين تعملين التمارين الاوربك والسترتشنق عشان تنشد كامل مناطق جسمك تمام التمام واتمنى اني افدتكم وحفزتكم للمشي وقولو ماقالته ساندار

انا مع الاخت الطيف العابر عندي جهاز للمشي

لكن احس المشي في الكورنيش وايد احسن واتشجع اكثر

كم المدة اللي لازم امشيها عشان احرق الدهون اللي في الجسم؟؟
تقريباً ساعة..بس ممكن تجزئينها..نص ساعة في النهار و نص ساعة في الليل.و يكون مشي سريع..بس لازم المعدة تكون خالية أو بعد الأكل ب 3 ساعات..و ما تاكلين عاى طول بعد المشي..يعني اصبري ساعة..

وشو اللي يساعد في ازاله الترهلات اللي تظهر بعد المتن؟؟ هل المشي يشيلها؟؟
الجري يشد الجسم و العضلات و المشي يذوب الشحوم