بنات بليز سؤال ضروري - منتديات عروس

m

mmm..mmm

عروس نشيطة

30-05-2006 | 02:10 AM

مرحبا بنات الله يخليكم جاوبوني عندي سؤال حد منكم جرب اطفال الانابيب ونجحت العمليه وحملت من اول مره واذا حملت بتوأم او واحد ؟؟؟؟

ارجوكم خبروني تجاربكم محتاجه شي يرفع معنوياتي وبلأخص ابغي رأيكم عن دكتوره حسنيه قرقاش واذا حد تعامل معاها بأطفال النابيب ؟؟؟

ارجوكم خبروني عن تجاربكم ؟؟

شكرا بنات ..(w)

اللهم لاتذرني فردا وانت خير الوارثين ...اميييييييييييين:sad: :confused:

ر

روعه

عروس مبدعة

30-05-2006 | 02:21 AM

هلا وغلا اختي

انا الصرااحه ماجربتها بس عندي كثير نااس من اهلي سووها وجابوا طفل واحد

والحمدلله يكون الطفل طبيعي

وانا من قطر ..ومااعرف دكتوره حسنيه قرقاش للاسف..

بس اهم شي توكلي على ربج...وصلي صلاة اخر الليل لانه سبحااان الله دعاء اخر الليل مستجاااب

باذن الله..

والله يوفقج ويرزقج بالذريه الصالحه يااااااااااااااارب

وننتظر منج البشااااااره

د

دهن_الــــورد

عروس برونزية

30-05-2006 | 02:24 AM

مرت خالي حملت مرتين بالاطفال الانابييب ...والاطفال الحمد لله طبيعيين...بس هالدكتوره والله فديتج ما سمعت عنها ان شاء الله البنات يفيدونج...

m

mmm..mmm

عروس نشيطة

30-05-2006 | 02:54 AM

مشكورين حبايبي وجزاكم الله الف خير ..

m

mmm..mmm

عروس نشيطة

30-05-2006 | 03:38 AM

شو بنات محد يبا يرد علينا بتجربته ؟؟؟؟

c

candels

عروس مبدعة

30-05-2006 | 05:35 AM

انزين اختي شنو المشكلة عندج عشان قالت لج عن الانابيب ؟؟؟؟

m

mmm..mmm

عروس نشيطة

30-05-2006 | 06:18 AM

مرحبا حبيبتي انا متزوجه من 4 سنين وماحملت لان عندي تكيس ورحم مقلوب وضعف وجربت تلقيح صناعي 5 مرات ومانجح لان زوجي بعد عنده مشاكل وسويت بعد عمليه كي التكيس بلمنظار ولا فادتني فقررت اسوي اطفال انابيب لان مليت وتعبت نفسيا وعندي موعد لبداية الابر تاريخ 5 وانشالله خير ..

m

mmm..mmm

عروس نشيطة

30-05-2006 | 08:08 AM

؟؟؟؟

ح

حلوووة البحرينية

عروس ذهبية

30-05-2006 | 08:16 AM

بصراحة ما عندي فكرة
أن شاء الله البنات يجاوبونك

الله يرزق كل محروم ومحرومة الذرية الصالحة يا رب العالمين

m

mmm..mmm

عروس نشيطة

30-05-2006 | 08:17 AM

شكرا حبيبتي ..

ن

نونو قطر

مشرفة سابقة

30-05-2006 | 08:18 AM

الله يرزقج بالذريه الصالحه اللهم اميـــــــــــــــــــــن

m

mmm..mmm

عروس نشيطة

30-05-2006 | 08:20 AM

مشكوره وجزاج الله خير حبيبتي ..

m

mmm..mmm

عروس نشيطة

01-06-2006 | 12:41 AM

اللهم لاتذرني فردا وانت خير الوارثين ..

ح

حيــ الروح منوره ـاة

عروس رائعة

01-06-2006 | 03:29 AM

الله يرزقج بالذريه الصالحه اللهم اميـــــــــــــــــــــن
والله ياخيتو ماعندي فكره .....**
الله يكون بعونج ....يارب

تحيتي لج

م

مجنونة قطر

مشرفة سابقة

01-06-2006 | 07:05 AM

حبيبتي توكلي على الله وخلي عنج اللي نجحت واللي مانجحت

ضروري تشلين عنج التوتر و خلج ريلاكس لين يوم العمله

لان النفسيه لها دور كبير في النجاح او الفشل لاقدر الله ...

والحمدلله طصارت عمليات اطفال الانابيب من الوسائل اللي تساعد في اسعاد الازواج بعد حرمان ...

توكلي على الله واكثري من الاستغفار ...

وسوي بحث عن اطفال الانابيب وبتلقين كل اللي يسرج انشالله

ف

فرحه عمري

عروس نشيطة

03-06-2006 | 03:17 AM

حبيبتي ادعيلك من كل قلبي ان ما يخيب تعبك و يرزقك بالذريه الصالحه اللي صحتها زينه بالدرجه الأولى و خلى عنك سوالف التوائم و تعبها
انا شخصيا سويت اطفال انابيب شهر 4 اللي فات و رزقني الله بنت و لله الحمد كان كل دعائي فتره الحمل ان تكون صحته زينه ما همني بنت ولا ولد
بعطيك فكره عن العلاج
1- يوم 21 من الدوره راح تاخذين ابره
2- خامس يوم الدوره اللي تجيك بعد الأبره راح تبتدين تاخذين منشطات للمبايض
3- راح تستمرين تراجعين الدكتوره كل يومين أو ثلاثه و تسوين سونار داخلي عشان يتابعون المبايض
" راح تتعبين من الأبر و السونار بس أهم شي نفسيتك ومعنوياتك تكون عاليه و تكونين مؤمنه و عن قناعه ان كل شي بيد الله سبحانه "4- يطلب منك الدكتور تحاليل معينه خلال الدوره و يسوي فحص ايام التبويض ليتأكد من سماكه الرحم وقياسه للترجيع الأجنه
5- الدكتور يحدد يوم العمليه و يطلب منك تكوني صايمه لأنه بنج عام عشان يسحب البويضات
" نصيحه بعد هذه العمليه إذا نسى الدكتور يقولك انك تشربي شوائل بكميه كبيره"
6- بعد كم يوم يطلب منك تراجعي المستشفى عشان يرجع الأجنه بالرحم و قبلها لازم تشربي سوائل و تكون المثانه مليانه و تكونين واعيه من غير بنج ولا في الم
7- بعد اسبوعين او ثلاثه تسوي اختبار الحمل

و عشان اريحك كانو توأم لكن بعد شهرين وقف نمو أحد الأجنه و الثاني صمد و قبل كل شئ هذة إراده رب العالمين ( ولا يكلف الله نفسا إلا وسعها )
وانا انتظرت 7 سنوات قبل العمليه و نصيحه خلي زوجك معاك في كل شي عشان يحس شكثر تعبتي ولازم تكون ميزانيتك كافيه و حطي زياده عليها احتياط عشان ما توقفين العلاج من النص و دعواتي للكل ان الله يرزقهم و ما يتأخرو و يشوفو حالهم تري احنا نكبر ما نصغر و العمر يروح

م

مجنونة قطر

مشرفة سابقة

03-06-2006 | 04:15 PM

فرحة عمري ماقصرت بعد ...

الله يرزقج يارب ..

ا

ام شوووق

عروس مشرقة

03-06-2006 | 04:28 PM

الله يرزق كل محروم ومحرومة الذرية الصالحة يا رب العالمين

a

al_sahad

عروس نشيطة

11-06-2006 | 01:44 AM

السلام عليكم

ماشاء اللة تبارك اللة اللة يبارك فيها وصلحها البنوتة 0

وماقصرتى على التفاصيل العملية بس حبيت أعرف وين سويتى العملية

وكم كلفت 0000000000

a

al_sahad

عروس نشيطة

11-06-2006 | 01:45 AM

السلام عليكم

ماشاء اللة تبارك اللة اللة يبارك فيها وصلحها البنوتة 0

وماقصرتى على التفاصيل العملية بس حبيت أعرف وين سويتى العملية

وكم كلفت 0000000000 (f) (f) (f) :shy: