الجامعة الأمريكية

والله أنا طالبة سنة أولى كلية الهندسة
الدراسة نوعا ما صعبة
يعني يبالها كراف عدل وإنج تشدين حيلج عسب تمشين فيهــا..
عالعموم ربي يوفقج إن شاء الله :)

http://go.3roos.com/o23AQmTjf7S

هذا موقعهم .. شوفيه ..

طبعا كل شيء صعب في البدايه .. ما فيه شيء سهل.. لكن الانسان يتعود ويبذل شوية جهد وبيكون بخير..

الجامعه ما عليها كلام.. يمكن فيها مشكلة الاختلاط .. امم الطلبه ممكن يكونون شوي فري اكثر عن اللزوم .. لكن الدراسه قويه اعتقد ..


الله يوفقج اختي

مرحبا اختي الغالية

انا متخرجة من الجامعة الأمريكية اللي في الشارجة ... بصراحة احسن جامعة على مستوى الإمارات ويمكن على مستوى المنطقة لانها جامعة معترف فيها وقويه وووايد حلوة الدراسة فيها

الدراسة فيها بتكون صعبة في البداية لو متخرجة من مدرسة حكوميه لأن السيستم او النظام غير بس لو متخرجة من خاصة ووايد بتكون اوكي لاني بصراحة اشوف الدراسة فيها متوسطة لاهي صعبة ولا هي سهلة بس طبعا يعتمد على التخصص ونظام دراستج بس اهم شي الغالية انج تنظمين وقتج وتسويلج برنامج حق الدراسة وتحضرين كل الكلاسات ... اصعب كليات في الجامعة هن كليات الهندسة والعمارة حليلهم دوم يكرفون بس مثل ماقلتلج المتابعة المستمرة بتسهل كل شي

اهم شي انج تركزين على الجي بي ايه في البدايه وتاخذيلج كلاسات سهلة من المتطلبات الجامعيه عسان ترفعين ال جي بي ايه لانه وااايد يتأثر اول سنتين وآخر سنتين شو ماسويتي مايتأثر وايد اتمنى انج فهمتيني

بالنسبة للحياة الجامعية والدراسة صح ان الجامعة مختلطة بس انت اللي تسوين كنترول في كل شي وماحد يقدر يتجرا ويسويلج شي لو سويتي حدود وكنترول .. مثلا انت كنت وااايد بعيد بصراحة عن الحياة الجامعية وكنت حاطة حدود في التعامل مع باقي الطلاب والحمدلله الكل يعرفني ويحترمني ... نصيحة الغالية اهم شيانج تختارين الصديقات اللي هن اوكي واستمري معاهن على طول عشان ترتاحين لانج بتشوفين اشكال والوان من البنات وبلاوي ومشاكل وهذي عن تجربة بس طبعا هب معايه من كثر اللي اسمعه واشوفه بعيوني سواء في حرم الجامعة او في السكن ... الحياة الجامعية جدا ممتعة وكنا نتعاون مع بعض والحمدلله كل ربيعاتي كانن اوكي وكنا نطلع مع بعض لدبي طبعا في باص الجامعة ونحضر دروس في المسجد وواايد اشياء ... آآآآآآآآآآآه قلبتي المواجع:sad:

بالنسقبة للسكن ... نصيحة لج كأخت ايلسي في غرفة بروحج لو تقدرين لللأسباب التالية:
1. ماتضمنين اللي بتشاركج في الغرفة من ناحية اخلاقها او تفكيرها ويمكن ماترتاحين وماتقدرين تركزين في دراستج
2. بتكون لج حرية مطلقة وبتتصرفين على طبيعتج
3. ماحد بيتدخل في اسرارج او خصوصياتج او يتطفل عليج

انا كنت في غرفة بروحي (private) الحمدلله لاني شفت وااايد بنات كانن ربع وااايد وخلاف تضاربن وقامن يسبن بعض ويفضحن بعض قدام بنات السكن وفي الحرم الجامعي الله يهديهن ... انا بصراحة كنت وايد مرتاحة وماكنت اختلط ببنات السكن الا في المناسبات وهذا الشي خلاني وايد اركز في دراستيه وخلصت الجامعة بدون اي مشاكل مع اي بنت الحمدلله وتعلمت الطبخ وتعلمت اني اعتمد على عمري كانت تجربة ماتنسى والله ... في غرف شبه خاصة (semi private) بتكون الحجرة لج بروحج بس الله يعزج الحمام والمطبخ مشترك وانا اشوفه هب مريح لانه في الآخر مشاركة

مسات السكن كانن اوكي معايه ووايد يحبني ويحترمني الحمدلله وممكن اوصي عليج لو تيبن:shy:

طبعا تقدرين تطلعين برع السكن والجامعة يوميا بس لازم تردين قبل الساعة 12 المسا وفي باصات يودنج الجمعية 3 مرات في الأسبوع وباص يوديج دبي والسيتي سنتر 3 مرات في او 4 مرات في الأسبوع ماذكر بصراحة ...

بشكل عام الدراسة في الجامعة ماتتفوت من تتخجرين كل حد يباج لاني انا وربيعاتي ماكملنا شهر الا وشتغلنا كلنا الحمدلله ..

اسفة طولت عليج بس لو عندج اي استفسار انا حاضرة الغالية اتمنى اني افدتج والسموووحة الغلا

السلام عليكم ياميمي الصراحة انا حابة اني وااايد اسلج عن الجامع الامريكي ممكن اذا ماعندج كلافة ممكن اطرشيلي رسالة خاصة ونتعرف ع بعض