بنات ، احس شيء يبي يزنطني !!

السلام عليكم

اكيد بعضكم ضحك والبعض الثاني استغرب من كلمة يزنطني :D


بس الواقع يا بنات، اني من حملت وتوحمت احس دائماً ان هناك شيء طابق على رقبتي، كأن واحد ماسك رقبتي بيدينه ويبي يفغصني!

تصدقون ما اطيييق مرررة اي شيء يلمس رقبتي حتى الشيلة و اللحاف وساعات اقعد من النوم اشوف اثار اصابعي واظافري على حنجرتي من قدام..
يا عالم اخاف اقعد من نومي وانا منتحرة !!

مادري شنو هالاحساس، مو غثيان ولا لوعة..
تصدقون حتى النوم حارمني منه...

مرة سمعت مرت عمي واهي مريضة بالضغط اهي مرة عودة، تقول اذا يرتفع علي الضغط دائماً احس جنه احد بيفغصني..
معقولة يكون عندي الضغط؟ انزين انا ما اعاني منه موول ولا امي ولا احد في عايلتنا، وفوق هذا انا فحصته اخر مرة في عيادة الحمل وقالوا لي طبيعي..


من شنو تتوقعون يا بنات ؟ وهل احد مر بمثل حالتي؟
احس اني مكتئبة منه :(