طفلي يطلع ريقه ( السعابيل )

اختي الطفل من العمر الثالث وفوق يبتدي يطلع وايد ريجه ..او مثل ما تقولين السعابيل ..ليش ...لان الاسنان في هالمرحله تبتدي تنزل عشان تظهر..وعلى الشهر الياي بتشوفين انه يحب يحط ايده في حلجه عشان هالشي ...لان حركة الاسنان تعوره شويه ...ممكن تستخدمين جل للاسنان في الصيدليه..عشان يخفف الالم...

اما اذا كان اللعاب من قبل هالشهر اعرضيه على دكتور...

والشي الثالث ...يداتنا وامهاتنا قبل يقولون ما يجوز يبوسون الياهل على شفايفه عشان ما ينزل لعابه ..بس ما ادري هالشي صدق والا لا...لان حد من الامهات من حبها للبيبي تبوسه على شفايفه...وهذا الي عندي وان شاء الله اكون افدتج الغالية..

هلا اختي

اولا الله يخليه لج
ولاتخافين عاااادي

وانا اايد كلام الاخت اللي قبلي بالحرف الواحد وخاصة البوس على لاشفايف ..

[CELL="filter:;"][ALIGN=center]اختي تأكدي ان الطفل غير مصاب بالتهاب اللوز ( البلاعيم ) وذلك من خلال ملاحظتك لتصرفاته وهل هو متضايق بشكل عام او يبكي كثيراً...


واذا كان الطفل طبيعياً .. فربما تكون بداية ظهور الاسنان، او حتى محاولته المناغاة مع من يكلمه..

عالعموم الحالة طبيعية جداً ، و لا تستدعي قلق ان شاء الله[/CELL]

شي طبيعي بالنسبة لطفل في سنه

تسلمون حبيباتي على الردود بالنسبه للبوس على الشفايف انا سامعه هالمعلومه علشان كذا ما اخلي احد يبوسه على شفايفه ويمكن ما صارت غير مرتين ثلاث وهاليومين بالذات صاير يطلع لعابه بكثره ويحاول يضع يده في فمه وبعرضه ان شاء الله على دكتور اخاف يكون عنده التهاب الف شكر لكن

انا كنت اعاني من نفس المشكلة زمان يعني وعن تجربة

اطحني المحلب واعجينة بماء بس وحطي على الراس بس لايتعرض للهواء او مع حنة علىكيفك ويساعد نمو الاسنان بسرعة (نصحت بها الجدة)
لانه وقت طلعوا الاسنان

انا كنت اعاني من نفس المشكلة زمان يعني وعن تجربة

اطحني المحلب واعجينة بماء بس وحطي على الراس بس لايتعرض للهواء او مع حنة علىكيفك ويساعد نمو الاسنان بسرعة (نصحت بها الجدة)
لانه وقت طلعوا الاسنان

اختي ممكن السبب يكون التهاب اللوز
واذا لا فالتسنين هو السبب

بنتي كانت جذي حتى ثيابها تترطب من كثر السعابيل كانه منكت عليها ماي
بس الدكتور قال انه ها الشي طبيعي بالنسبه لعمرها