السلام عليكم ورحمة الله وبركاته
خواتي الكريمات بنات ديرتي الغاليات
تكفون أبي منكم خدمة، أبي أحسن مكان حق تصوير ؟؟
تعاملت مع استديو المستقبل قبل بس ما عجبني وايد..
بإيش تنصحوني؟؟ مع الأسعار..
ولكم جزيل الشكر مقدما
عندج استديو سكوب واايد حلو تصويرهم
أنا صورت في سكوب في خطوبتي
صج عجيب
وايد حلو تصويرهم
تحياتي
هلا اختي
انا صورت في الدانه وكان تصويرهم هم حلووووو
وانا سمعت عن اسكوب كلام مب زيييييييييييين
عشان جذي مارحت صورت عندهم
والله اعلم
بس صج انا سمعت عنه اشياء مب زينه
وانتي حره
شنو سمعتي عن سكوب شهد العسولة؟؟
فيديني والله يأجرج خير
شهد العسولة:
لا تحطين في ذمتج
أنا دايما أصور عندهم
وايد حلو تصويرهم
وخدمتهم ممتازة
وتحياتي
ا
الملقووفة وبس
عروس متألقة
29-05-2006 | 03:27 PM
سكوب حلو بس الفيديو تعيسسسس
عندج صحاري وايد حلو والمستقبببل
أنا عندي صحاري وايد حلو تصويرهم
وأحنا نروح الفرع ألي بشارع البديع
بصراحة تصويرهم حلو....................................
وأختي مصورة عندهم في خطوبتها
صورها روعة
أما عن سكوب أني صورت (ولدي )في عيد ميلادة عندهم بس ما عجبوني الصور
يمكن تصويير العرايس غير
أن شاء الله البنات يفيدونك
بصراحه اختي اذا تبين نصيحتي روحي سكوب انا صورت في خطوبتي عندهم وفي ملجتي رحت صحاري كلش ماعجبني تصوير صحاري يحطون فلتر وايد عشان جذيه يخفون صج العيوب بس حتى المكياج ولون الفستان ما يطلع واضح نفس الاصلي وبالعكس سكوب الفيديو مالهم كلش روعه انا من سنتين كان بداية الفيديو مالهم نفس الصندوق ينفتح وكل دقيقة تتغير الحركه اما صحاري مايعتمدون الا على الاطار في المونتاج وانتي بكيفج يعني