تسلمين يا قلبي على كلامج الحلو :) ,
أنا مثلج بشرتي فاتحة وتميل إلى الدهنية ,, وراح أقولج أنا شنو أستخدم ,
بالنسبة لكريم الأساس ,
عندج جيرلان إذا تبين تغطية حلوة ,
وإذا تبين تغطية خفيفة , عندج كلينك أو كانيبو السائل ,
إذا بشرتج تعاني من مسامات مفتوحة فأنصح بـ كلينك الكريم التيوب , هذا كريم وبنفس الوقت
علاج للمسامات ,,
وعندج ميبيلين الدريم موس هذا حلو للإستخدام اليومي ,,
بالنسبة للبودرة ,
عندج بودرة ديفينورا من جيرلان هذه تعتبر من أحلى البودرات اللي جربتها وبدون مبالغة ,
تعطي مظهر مخملي للوجه ,
أو عندج بودرة كانيبو توتال فنش ,
أو عندج بودرة كومباكت فاونديشن من فور إيفر , هذه حلوة وينصح فيها بسام فتوح ,
وبالأخص رقم 107 و108 و109 ,
هذه البودرة مو بودرة عادية , لا عبارة عن كريم + بودرة ولذلك تغطيتها حلوة حيل ,
وإذا تبين لوس باودر فعندج ميك أب فور إيفر ,
بالنسبة للعيون الحساسة , ترى أنا مثلج عيني حساسة وأحياناً تدمع وأنا أحط الكحل
أو الشادو , ولذلك نصيحتي لج إن أغراضج محد يستخدمها غيرج خصوصاً أدوات العين ,
وفرش الشادو أتمنى تنظفينها قبل لا تستخدمينها على العين ,
ألحين أثولك باللي قالت لج عليه مارشمللوز الله يعطيها العافية , بكحل ريفلون أو ماك أو
جيفنشي للعين , هذيلا أحلى الماركات بالقلم الأسود ,
وإذا تبين كحل كريمي فأنصحج وبقوة بكحل ماك , وهذه صورته :
وفيه منه ألوان , وممكن تتعرفين عليه عن طريق هالرابط :
http://www.3roos.com/forums/showthread.php?t=174376
بالنسبة للشادووو فأنصحج بشادوهات ميك أب فور إيفر ,, ماك ,, ديور ,, كريولان ,,
بالنسبة للماسكرا ,
فعندج مثل ما قالت أختنا مارشمللوز إيف سان لوران أو عندج استي لودر , أو بورجواه الجديدة ,
أو ديور شو ,
وأفضّل إن يكون عندج كذا ماسكرا , يعني وحدة تكثف والثانية تطول ,
بالنسبة للبلاشرات , عندج عدة ماركات بلاشراتهم حلوة ,
مثل ماك , ديور , جيرلان , بورجواه , لوريال , ميبلين , وريفلون ,
لوريال وميبلين وريفلون وبورجواه أسعارهم رخيصة وحلوة ,
بالنسبة للأرواج , فأنصحج تاخذين الألوان الأساسية ماركة جيدة
مثل جيرلان وماك هذيلا من أحلى الماركات في الأرواج ,
وباقي الألوان عادي لو تاخذين رخيص ,
يالنسبة للمحددات لا تاخذين ماركات غالية , إخذي ماركات عادية ,
مثل ماكس فاكتر , ريميل ,, لوريال ,, بورجواه , أو حتى من عند الهنود ,,
هذا اللي أتذكره ألحين , واعذريني جان نسيت شي ,
وإذا بغيتي أي شي قولي لي وإن شاء الله ما راح أقصر :) ,