تعرفوا على طبيعة البنات يا....

تعرفو علي البنات يا شباب...............
هذا الموضوع منقول من فانتازياتطبعاً البنت كأي كائن فضائي يمر بثلاث مراحل .
الطفوله والشباب والتعجيز يعني أرذل العمر اللي يكون ما أحد من الرجال يبغاها فيه لو بتراب الفلوس .

نبدأ أولا بمرحله الطفوله . والتي تبدأ من الولاده وحتى نهايه المرحله المتوسطه ويمكن ندخل فيها المراهقه اللي في الثانويه.

في هالمرحلة تشوف البنت الصغيره مثل القمر مملوحه ووش زينها ما ودك الا إنك تصمخها على وجهها من حلاتها وشقاوتها .
وطبعاً واللي ما أحد يعرفه أن البنات أكثر شقاوه من الاولاد لذلك لا يغرك مظهرها البريء المسالم تراها وحش كاسر يعني لبوه ( اللبوه هي أنثى الاسد )
والبنت في هالسن يعني تقول من 6 الى 12 او 13 سنه تلقها توها ما تدري وين الدنيا فيه كلمه توديها وكلمه تجيبها لكن مش حالك
علىالعموم نبدأ في البنت لما تدخل المرحله المتوسطه طبعا البنت تصل الى البلوغ قبل الرجل لذلك تجدها فاهمه الانوثه بالغلط .
ويا عيني على بنات المتوسطه اللي مو مصدق يروح يشوف تلقى الوحده منهم كبر يدك ممدوده وعلى بالها إنها خلاص صارت فتاه يانعه تصلح لأن تكون زوجه المستقبل وهي توها ما تعرف رجلها اليمنى من الشمال .

وأحسن ما في البنات اللي في المتوسطه البلاهه ومعنى البلاهه الدلاخه تقولون ليش ؟ أنا أعلمكم تلقى الوحده منهم طايحه في دباديب ولد الجيران اللي جنب بيتهم والولد المسكين ما يعرف شيء عن هالحب الطفولي ويحسب أنها ناويه تستدرجه للبيت عشان يضربه أخوها الكبير .

وتلقى البنت ما فيه إلا رسم قلوب واللون الأحمر في الاقلام ماشي سوقه والافلام القديمه حقت فاتن حمامه مع عمر الشريف ما فيه الا تشغيل وأنواع الصياح (البكاء) في أخر الفلم لما يموت البطل .
وما فيه الا يبه ( او بابا اذا كانت متمدنه ) جب لي كرتون مناديل ليش انواع الصياح كل يوم..... لا وتعال شف عند النوم ما فيه الا أحلام ورديه والفارس المغوار جايها على حمار مو حصان أبيض لانها يا عيني توها صغيره ما تقدر تركب على حصان .

لا والضحك كل الضحك أن البنت ترسل الى أحد المجلات في صفحه مشاكل عاطفيه وشوفوا أيش كاتبه :

عزيزتي المحرره أنا فتاه أبلغ من العمر13 سنه واحب إبن خالتي حبا جنونيا ولا أستطيع الابتعاد عنه لحظه واحده ورجاء لا تقولي لي أنني ما زلت صغيره وطفله فأنا عمري 13 سنه كامله وكملتها أمس فماذا افعل حتى يحبني هذا القريب الذي أحبه .
المرسله نوره - الرياض

والله بزران عرفوا يكتبون رسايل أقول روحي خلي أمك تحل لك الواجب يا ماما ..

وأحيانا تكشفها أمها قاعده تحوق في خزانه ملابسها أقصد خزانه الأم وش عندك يا بنت ؟
أبد يايمه أدور علبه الواني مو لاقيتها والله من الغباء .
وتلقى البنت تحلم تصير طبيبه وأنها تعالج المساكين والاطفال وفي الاخير تصير طباخه في بيت زوجها والله أحلام ورديه يا ناس .

كل هذا كوم وتعال دور لما تتخرج البنت من المتوسطه وتبدأ المراهقه الصح عاد خلاص صارت بنت وصارت تتغطى مضبوط مو اي كلام مثل أول .( الحمدلله أن الحجاب واجب )
وتعال شوف البنت اللي كانت كتكوته يوم أنها صغيره كيف تنظر لك يا رجل وين راحت الطفوله والبلاهه والدلاخه الله يرحم حال أول ما أدري الظاهر سلفتها لأختها الصغيره اللي أصغر منها .(اقصد البلاهه)

والمسكين عارفين مين ولد الجيران اللي توه يفهم الغبي ان البنت كانت تحبه وإنها كانت شاريته لكنه بقره ما يفهم وكل همه إنه يلعب مصاقيل في الحاره ومضاربات على السوني بلاي ستيشن .
وتلقاه قاعد يصيح وخايف يكشف حبه الذي كان.

نرجع للبنت في مرحله الثانويه وهي المرحله اللي لازم نعطيها حقها من الأهميه حيث ان البنت يا تطلع منها صح او تطلع منها غلط ( ما ودي أقول كلمه ثانيه).

البنت في مرحله الثانويه خلاص لا احد يتكلم عليها انا بنت كامله البنوته قصدها كاملها الأنوثه لكنها ما تعرف تعبر صح توها ما طلعت على الدنيا صح أو بالكامل .
واللي بايع نفسه يقول إنها مازالت بزر كتكوته يلعب معها مثل الصغار..... تلقها خلاص تبي غرفه بروحها(يعني لوحدها) ليش تقول خصوصيه البنت يا بابا .الله على الخصوصيه .
وتعال شوف لما ترد على التلفون أنواع تنعيم الصوت والكلمات الحلوه واذا صار أخوها اللي متصل قالت وجع وش تبي .
وتعال شوف مذكرتها او note حقها أنواع الشعر والله مو فاهمه كلمه بس هو فيه كلمه حب إذنً لازم تقصه وتلزقه .
والا عاد الصور أول كانت بزر ما أنتبهت للصور .
الان عندها البوم كامل متكامل لصور الفنانين والممثلين طاح حظك قولي أمين .
طبعا لا يسوي أحد منكم ذكي ويروح يدور في درج البنات تراه مدسوس بعنايه فائقه.
وتعال شوف في المدرسه وين الحب والهيام والاعجاب المتبادل بين البنات او لعنصر الرجال .
البنات اللي على الموضه تلقاهم يحبون "جواد" و"نواف التمياط لاعب الهلال" والغالبيه منهم ثقافتهم انجليزيه يحبون عضو فريق back street boys اللي إسمه nick carter هذاك ابو شعر أشقر .
والله من جد متمدنات يا بنات ( حلو السجع )
واللي عاد الى الأن عايشه في الثمانينات تحب خالد عبد الرحمن والطقه إياها .
وتعال شوف الاعجاب اللي بين البنات والله عيب وحده توها فرخ في الاول ثانوي وتحب وحده في ثالث ثانوي موت عيييييييييب
هذا كله كوم ورزه النفس عند المشي كوم ثاني يالله يا أختي أحد قال إنك ناقصه أنوثه .؟؟؟؟؟؟؟؟؟؟؟
وتشوف البنت اذا جت أغنيه فيها "جواد" والمسكينه متورطه امها جنبها وقالت الام غيري يا بنت وجع يأخذك .
تقول البنت لالا يايمه (ماما) أنا انتظر الاخبار وش يقولون فيها عشان نشوف وش صار على تفجير امريكا ...!!! وييييين وش قالوا لك ومن الغباء ما قتل أول ما تخلص أغنيه "جواد" والا الشله إياها تقوم وتقول لامها عندي واجبات تفصيل وخياطه .

طبعاً البنات اللي الى الان متاثرين بالطبخ والموضه القديمه هذي تلقاها ما تطلع من المطبخ من الصباح الى الليل وفي المحصله طبق بيض مقلي وشاهي مسويته أمها من امس وناسيته في الزمزميه (الزمزميه شيء يوضع فيه الشاهي حتى ما يبرد )
والضحيه المساكين اخوانها اللي ما فيه الا المجاملات . كل واحد يقول اووووو والله أحلى أكله ( لاحظوا كلمه أكله ) ذقتها في حياتي والمخفه المسكينه مصدقه وما بقى أحد في المدرسه ما قالت له عن هالكلام .

وطبعا البنات في هالمرحله مثل عيال "القطاوه" ينقسمون الى فئتين لا سابع عشر لهما :

*الأولى العربجيات : ( مسترجلات )

وهذولي تلقاهم جالسات في أخر الفصل وأنواع الحرش في البنات العاقلات المؤدبات ، وما فيه الا كل يوم خطاب لولي أمرها يعني امها للحظور للمدرسه ليش مستدرجه بنت الى منطقه نائيه في المدرسه وسرقت فلوسها تحت تهديد السلاح والسلاح عارفين ايش الفرجار.. والله عرابجه .

وهالفئه يكونون شله واحده واللي تنفصل عنهم مصيرها التشهير والتأليف عنها حتى تقضي نحبها او تنقل من المدرسه .
ومكانهم معروف في أخر الفصل في الزوايا ( الزاوية اليمنى واليسرا )
والأدهي والأمر إنهم فاهمين العربجه بالغلط يعني عشان تصيرين عربجيه في قانون البنات لازم تتقيدين بالمواد القانوينه التاليه :

الماده الاولى :
يمنع منعا باتاً الاستحمام سوى مره واحد في الشهر والتي تضبط متلبسه أنها نظيفه يشهر بها بين الشله أنها أستحمت .
الماده الثانيه :
يمنع منعا باتاً المناداه بالاسماء الحقيقه للبنات ويستعاض عنها بالقاب خفيه وين يا( 007 ) وين على غفله و لا مانع من أم مدحت وأم فتحي وأم شحيبر .
الماده الثالثه :
يجب أن تكون نظرتك حاره بمعنى إن البنت تعطي البنت الثانيه نظره على طول الثانيه تخاف واللي تفشل في هالماده تعطى دوره تدريبه للتعود على هالنظره ( عسى ماشر )
الماده الرابعه :
يجب على البنت أن تكون خشنه ( كنافه والا بقلاوه ) بمعنى أن النعومه لا محل لها بيننا .

وعارفين ايش شعارهم هالبنات الأقلاع بعيون ورديه .
وما الى ذلك من هالخرابيط اللي بين البنات .

نرجع الان الى الفئه الثانيه كانكم ذاكرين الموضوع وما بعد طلعتم .
*الفئه الثانيه :

هم البنات الخكريات .( او المايعات أفضل)
تسألوني كيف خكريات ؟أقولكم ما ادري لأن البنت أصلاً ناعمه فإذا زادت نعومه ماعت وصارت ( أيسكريم ابو ريالين ) مو "باسكن روبنز"
وتلقى الوحده منهم يالله تتكلم المسكينه طيب وش هدفك من الحياه ما ادري .
وهالبنات مساكين لأن الثانيات أنواع الحرش فيهن معجبتهم لهجه الوحده منهم قصدي المايعات ما تنادي أبوها الا dade وما تنادي امها الا mame طيب كيف تنادي اخوها bro واختها sis .والله تمدن عطينا شوي .



وشكر لكم

تعليق علي الموضوع
;) ;) ;) ;) ;)