الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
خواتي الغاليات
جبت لكم اليوم درس مصور خطوه بخطوه
لقيته في منتدى للـ makeup talk
والبنت ذكرت الشغلات اللي استخدمتها .. و صور العيون خاصه فيها
حبيت اضيفه لكم وازيد عليه صورة كل منتج
و احط الشرح على الصوره نفسها
عشان يكون اوضح و اسهل لكم
يعني بالعربي الطريقه و الصور منقوله
بشوية اضافات و تعديلات من عندي
انا عجبني اللوك وايد و جربته مع العدسات
طلع وايد حلو
لازم تجربونه
تبدين على بشره نظيفه
وتحطين المرطب والفاونديشن والباودر
ارسمي حواجبك
كل وحده وحسب طريقتها في التحضير للميك آب
وصلنا الحين لرسمة العيون
قبل مانسى ،، المنتجات اللي استخدمتها البنت كلها من MAC و الماسكارا من Dior
تعالوا نشوف
على عظمة الحاجب و بنص الجفن المتحرك استخدمت frost pigment
موضح بالصوره مكان الأسهم باللون الأسود
الأسهم باللون الأحمر ،، الكورنر الداخلي و الخارجي للعين
استخدمت الظل fade
بنفس الطريقه الموضحه بالأسهم باللون الأحمر
استخدمت ظل electric eel بفرشاة 224
فوق الظل السابق ،، بس لاحظوا بالصوره انها
مارفعته لفوق وايد ،، عشان يبين شوي الظل السابق
الصوره بتوضح لكم القصد
بعدها استخدمت violet pigment وبنفس الطريقه
شوفوا الطريقه
رجعت للمنطقه اللي حطت عليها الـ frost
وحطت فوقه white gold
بعدها بأستخدام فرشاة الآيلاينر و شوية ماي
استخدمت الـ pigment الفوشيا
و رسمت خط على الجفن العلوي
شوفوا مكان السهم الأسود بالصوره يوضح لكم
بعدها استخدمت للرموش prep and prime lash
آخر شي استخدمت ماسكارا ديور شو باللون الأسود
و للشفايف استخدمت morning glory lip gloss.
و هذي هي النتيجه النهائيه
اللي حابه نفس المنتجات كلهم من Mac بس الماسكارا من ديور
انا ماستخدمت نفس الدرجات بالضبط ،، عندي ألوان قريبه منها
ها شرايكم في الدرس ؟