ممكن مساعدة

في الركن مواضيع كثيره تنفعك

بس ولا يهمك

اضبط لك رد مرتب و ارجع لك

وعليكم السلام ورحمة الله وبركاته

يا هلا فيج معانا ،، وان شاء الله يدوم التواصل بينا

اي سؤال او شي في بالج لا تترددين وكلنا هنا عشان نساعد بعض

ويارب نشوفك خبيرة مكياج قد الدنيا

وصلنا لأسئلتك ..

انتي ذكرتي ان بشرتك دهنيه

حلو ..

معناته كل منتج تشترينه لازم تراعين انه مخصص لنوعية بشرتك ..

نشوف شتسوين عشان يكون الميك آب مضبوط

قبل الميك آب غسلي وجهك بغسول مناسب للبشره الدهنيه ونظفيها زين

اقبضي المسام اما بأستخدام التونر او ماء الورد ..

بعدها استخدمي كريم مرطب خفيف

لا تقولين البشره الدهنيه ما تحتاج

لا بالعكس ،، المكياج بيكون اضبط و احلى ..

اللي عليك تختارين مرطب مناسب لبشرتك و يعادل افراز الدهون

تتركينه على البشره تمتصه

وبعدها نبدي مكياج

استخدمي shine control

اللي يمنع اللمعه على البشره الدهنيه ،، ويبين الأساس اثبت و احلى

شوفي الـ t mat عند شانيل


او اللي عند كانيبو او سماش بوكس ..

بعدها استخدمي الفاونديشن ..

جربي فاونديشن دبل وير من Estee Lauder

يبقى ثابت لساعات طويله ،، ما يوسخ الملابس
خالي من الدهون
وتغطيته رهيبه


بعدها استخدمي اللوس باودر " البودره الحره " تعطي لوك طبيعي و تمتص الدهون الزائده ..

واذا تحبين تغطيه اكبر ،، استخدمي بدالها الكومباكت باودر ..

جربي جيرلان الذهبيه ،، او ستديو فيكس من ماك ..

ان شاء الله اكون افدتك

marshmallows بارك الله فيك على المعلومات القيمة وسامحيني تعبتك معاي
ممكن سؤال صغنطوط فاونديشن يعني كريم الاساس وايش هدا الكومباكت بودر ؟
شكراً لك اختي الكريمة

هلا عزيزتي وبصراحة اختنا Marshmallows كفت ووفت وماعندي شي اضيفة على كلامهاااااااااا .

maha mohdبارك الله فيك
بس يا خواتي ماقولتولي شي على الكونسلر

هلا حبيبتي

الفاونديشن هو الأساس

وللبشره الدهنيه السائل افضل من الكريمي

الكومباكت باودر ،، هو البودره المضغوطه

وهذي بودرة جيرلان الذهبيه اللي اقصدها


السموحه نسيت الكونسيلر

راجعه لك

الحين مشكلة الهالات السوداء

الاهم من تغطيتها انك تحاولين تعالجينها ..

نشوف شلون اخفائها بالكونسيلر

الكونسيلر فيه منه كريمي و هو الأقوى

فيه السائل وهو خفيف وغالباً يعطي اضاءه حلوه ..

بقولك الانواع الحلوه منه

كونسيلر كنايبو مع فرشاته حلو وتغطيته لا بأس بها ،، توزيعه سهل ..

و نفس طريقة كونسيلر ايف سان لوران

بس ايف سان لوران حلو بأنه يعطي اضاءه حلوه لتحت العين و ممكن تستخدمينه على عظمة الحاجب



و اقوى كونسيلر الباليت من ميك آب فور ايفر ،، اللي فيه درجات مختلفه

هذا تستخدمينه للمناسبات و للتغطيه القويه خصوصاً لو الهالات عندك واضحه

توزعينه بطريقة الطبطبه ،، تبدين من اغمق لون اللي يكون مثل لون الهالات

وتحطين فوق الدرجه الافتح وبنفس الطريقه لين توصلين لأفتح درجه

يعني تحطين طبقات خفيفه من كل درجه ،، من الدرجه الغامقه الى الفاتحه عشان توصلين للنتيجه المطلوبه

معلومه مهمه : الهالات لو حاولتي تخفينها بأن تحطين على طول لون فاتح بتعطيك لون بنفسجي او رمادي .. عشان جذي لازم تبدين تفتحين درجه درجه

marshmallows بارك الله فيك وسامحيني تعبتك معاي
جزاك الله خيرا وجعله الله في موازين حسناتك :up:

ماشاء الله عليكي اختي Marshmallows
كفيتي ووفيتي

وانا كنت باقولك اختي ocean dreams عن كريم اساس عند فور ايفر يكون للبشره الدهنيه
Mat Velvet Oil Free Foundation


والبودره السايبه مهمه اخر شئ عشان تمتص الدون في البشره



اما الكونسيلر انا ارتحت على كونسيلر فور افر الي فيه عدة الوان


وكمان عندهم Full Cover حلو للسهرات يعطي تغطيه شامله حتى للهالات



وهذا منتج جديد من فور افر حلو للبشره الدهنيه
Stop Shining +, Matifying Gel


وهذا الكومباكت باودر Compact Powder

الو شي اشكر البنات كلهم على الردود من بعد اذنج يا صاحبة الموضوع...لنه ما شاء الله ردودهم واايد مفيده...ونصيحتي ..اولا ..اهتمي بنظافة بشرتج لانها دهنية...اهتمي بغذائج ونظافتها ..استخدمي ماسكات طبيعية ..للويه ..من الخيار والبابايا...وبعدين حاولي تعالجين الهالات السودااء ان كان بالعلاج من الدكتور او النوم واراحة العين من السهر ..وبعدها استخدمي اي كريمات اساس وكونسيلات ترتاحيلها ..والبنات ما قصروا عطووج كل شي مفيد..

كريم الاساس : ماكس فاكتور

وبودرة للوجة : ديور او مكياجي

كونسيلر : فور ايفر

حلووو

والله انا استفدت كنت محتاجة معلومات عن دبل واير من استي لدور

مشكورات ما قصرتووا