أحس ان زوجي يخوني

شخبــــــــــــــــــــــــــــــــــــــــــــــــــــــــاركم بنات؟؟!!

بنات من فترة لاحظت ان زوجي متغير علي (( زوجي عنده شقة غير بيتنا نروحها لما نحس بالملل والشقة فيها صوري وملابسي وأغراضي)) من فترة رحت هالشقة صوري ما لقيتها ولا اغراضي (( كلها كم غرض)) عقب طلعت رقم تلفون بسم الهندي بعدين كنت ادق على ريلي واسكت عقب خليت وحدة من ربيعاتي الفليبنيات يكلمنه وكان يقولها انا عندي بنيه احبها وهي زوجتي انا عاد فرحت تحريت انه يتكلم عني .. بعدين مرة كنت عنده بالصبح في هالشقة عقب رحت دوامي الساعة 11 ربيعتي الفلبينية تقول احس ان زوجك يلعب عليك بعدين هي اتصلت عليه عقب هو رد عليها بس كانت معاه بنية والبنت تقول انهم يحبون بعض وبيزوجون عقب شهر انا هنيه انهرت زوجي اللي ضحيت باهلي عشانه يسوي فيني جيه .. عقب عرفت ان هالبنت تروح وتسافر لبلادها ولما تكون هنيه يشوفها بالشقة.. ما ادري شسوي فيه .. اطلب الطلاق مع اني احبه موت وحتى لو اتطلقت وين اروح انا اصلا شاردة من بيت اهلي ما اريد ارجع للجحيم مرة ثانية ..او اقوله اني كشفتك وخيلينا نعيش كالاخوان يعني ما تلمسني ولا المسك او شو اسوي احسه صدق يحب البنت وناوي يتزوجها وانه عرفها بعدي .. وتقريبا الفترة اللي كنت فيها مريضة بالمستشفى .. ليش جيه الرياييل؟؟؟ ما ادري شسوي فيه .. ربيعتي تقول هديه والف من يتمناج .. بس انا بعدني احبه وهو بعد يحبني بس ليش ما قالي انه يبي يتزوج والله كنت بسامحه .. بنات شو اسوي فيه اطلب الطلاق او اتم مخدوعة وانسى السالفة.. والله ما اعرف كيف اتعامل مع هالريال الكذاب.. ادري انكم بتقولون هذا دواج لأنج بعتي اهلج عشانه وتزوجتيه غصبا" عنهم بس انا اقولكم حتى لو عاد الزمن نفسه بعيد هالغلطة.. ارجوكم افيدوني