عطوني حل مع بنتي

اخيت اول شي يوم بتسبحينها حطيها في حوض صغير للماي بس يكون مستوى الماي قليل..يعني ما تترسينه ماي تلقينه في محلات الاطفال ..وحطيلها فيه العاب الماي ..وخليها تلعب ..واكيد بتصيح يوم تغسلين شعرها وهذا حال اكثر الاطفال..والمشايه مهمه اختي للطفل لانه صدقيني بتتعبين ليما تمشي اذا خليتها بدون مشايه..بس تحملي عليها وراقبيها عدل ..او اشتريلها الاسوار البلاستيكيه وخليها تدور داخل هالاسوار ..بس صدقنين مهمه هالمشايه للمشي ..انا بنتي ماحطيتها ولا مشت لين سنه وشهرين..ومن حطيتها ماشاء الله تبارك الرحمن مشت وبسرعه..وربي يحفظها لج ان شاء الله..

هلا
العاليه جربي ييبيلها الحوض الي نسبح فيه اليهال و حطيلها فيه العاب
يمكن يعيبها
و عن المشي انتي حاولي تمشينها ولا خليها تتيود ف اي شي و تمشي


هذا الي اعرفه
حاولت افيد

حبيبتي الحال من بعضه .. حال بنت نفس ولدي ...

قبل يتخبل عالماي .. من يوم ما دخل الشامبوا في عيونه وهو يخاف ويصيح ...

بس تبين الحل ..

انا شريت حق ولدي حوض من تويز ار اس صغير وترسته ماي والعاب .. ليما تعود .. وخاصتا الحين الجو حار ومنعش الود ودج انتي تسبحين فيه ..

وبالنسبه للمشاية والله ان توه ولدي منجلب فيها بس اريح ... مع العلم اني يوم احطه فيها ما اخليه روحه ... واختي ليش ما تاخذيلها الشبك .. تتعود على انها تتعلق وتوقف ... وتتحرك فيه ..

انا صح ان ولدي بعده ما يمشي بس يتعلق فالكراسي ويدور ويهد يعني يحاول ...

خليها 24 ساعه تحبي على الارض .. لو تعلقت لا تنزلينها خليها لانها تحاول ...

بجعة من وين شارتله المشبك؟؟ لا تقولين من بيبي شوب صراحتا وايد مبالغين في الاسعار

وعن المشي فيه بعضهم يكملون سنه وشهر وهم بعدهم مامشوا هالشيء يختلف من طفل لاخر

حبيبتي الشبكه هاي كل مكان يبيعونها ....

حتى في الجمعيات ...

محلات الاطفال ...

والصراحه انا ماخذتنه من بيبي شوب ...

بس على فكره هاي وايد بتنفعج حتى من عقب ما تمشي البنت .. اذا بغيتي تخلصين شغلج ولا تسبحين حطيها فيها وخلصي شغلج ..