حكايتي مع الأفكار

السلام عليكم ورحمة الله وبركاته
اليوم يا بنات بأقول لكم قصتي مع الأفكار و بنفس الوقت أبي أطلب منكم مساعدة.......:o

أنا متزوجة صارلي 9 سنوات. زوجي من النوع العصبي جدا .... جدا .... جدا ............ وبعد جدا عشان الحبايب.
يثور على أتفه الأسباب. وشفتوا اللي يقولون عنه " إذا ما لقى أحد يتهاوش معاه, يتهاوش مع ذبان وجهه"؟ هذا اهو زوجي ( عسى الله يهديه ويصلحه)
المهم 9 سنوات من المعاناة والحمدلله لأن الله مقدر لي هذا الشي
إلى أن جاء ذاك اليوم اللي كنت أتكلم فيه مع زميلتي عن زوجي لأني كنت متضايقة حدددددددي وأنا أثق فيها جدا
فنصحتني جزاها الله ألف خير. وانا هنا أوجه لها شكري ودعواتي الخالصة لها ولأمثالها. جزاك الله خير يا أم عبدالله.
المهم, أم عبدالله نصحتني بالحركات والأفكار الحلوة من قصاصات ورق و رسائل غرامية إلى الليالي الرومانسية اللي ما تنسي مثل اللي انتوا تسووونها_ الله يجزاكم جميعا الجنة بدون استثناء.وطبعا انا كنت عارفة بعض هذي الأشياء بس عمري ما طبقتها لأني كنت أقول انها شغلات تافهه و ما تنفعني أو تغير شيء بحياتي.بس بعد تشجيع أم عبداله ومتابعتها لي أول بأول خاصة الأسبوع الأول, حدث تغيير كبير لزوجي ولله الحمد والمنة. لأن الفضل أولا وأخيرا يعود لله, وأم عبدالله كانت سبب بعثه الله لي لفك همي. وما أنسى هنا فضل الدعاء لأني دائما أدعو لزوجي بالهداية: " اللهم يا مسخر القلوب, سخر لي ولأبنائي قلب من أحوجتنا إليه" و غيره الأدعية الكثيرة شرط تكون نابعة من القلب.
المهم ....... كانت نصائح أم عبدالله في وقت مناسب لأني زوجي كانت وراه سفرة. وعلمتني شنو أسوي خطوة خطوة, لأني بصراحة ما أعرف أبدع أو أبتكر أفكار حتى لو كانت بسيطة.
ومن هنا بدأ التغييرالكبير في أسلوب تعامل زوجي معاي.......................... وهذي حكايتي مع الأفكار اللي أحدثت التغيير في مدة تقارب الشهر ونصف. والله يجعل فيها البركة وتكون دائمة وتفعل مفعولها أكثر وأكثر.
ألحين يمكن تسألون شنو المساعدة المطلوبة؟؟؟؟؟؟؟ :(
طبعا انتوا عارفين إن الأفكار تحتاج إلى أدوات تكون أحيانا غير متوفرة في البيت. يعني يبيلها روحه السوق وميزانية.
الميزانية مو مشكلة عندي ولله الحمد. !!!!!!!!!!! المشكلة إني ما أقدر أروح السوق من غييييييييير سي السيد حتى لو مع خواتي. لازم أهو يوديني ويدخل معاي المحلات ووووووووووووو. فلا تستغربون إذا قلت لكم إني ما أهديته ولا مرة؟؟؟؟؟؟!!!!!!
اشلون أحل المشكلة؟؟؟؟؟ ساعدونيييييييي بليييييييييز