مرحبا خواتي
يايتكم اليوم وكلي أمل أشوف حل حق هالمشكله اللي أحسها من طلعت واهي مدمره البنات
لا اله الا الله احنا 7 خوات خواتي أكبر مني 2 متزوجين وانا تزوجت من جم شهر وعندي 3 خوات أصغر مني وحده 20 سنه ووحده 19 سنه ووحده 15 سنه بالمعنى
مرااااااااهقات
طبعا لما خواتي الكبار تزوجوا صرت انا أقرب وحده حق اللي أصغر مني والله أمي وأبوي ماكانوا يدرون عنهم لان انا كنت شايله همهم أطلعهم وين مايبون مطاعم وأماكن حلوة وعلى البحر نتمشى
واذا مرضوا انا أوديهم المستشفى يعني خلاصة الكلام على قولة اختي اللي أصغر مني
انتي أمنا وأبونا وكل شي
واذا بغوا يتكلمون معاي أسمعهم
ولما تزوجت على طول ييت أمريكا مع ريلي
وكل يوم أكلم أمي بالنت
شوي وتبجي
تقول مادري شفيها اختج أسألها أي وحده
اللي عمرها 19 سنه ( قبل الاخيره)
هذه فاشله شوي بدراستها يعني بالدز تنجح لان المدرسات ملوا منها ينجحونها علشان لا يشوفون رقعة ويها
طبعا قبل سفري كنت ألاحظ عليها انها تحب وحده من صديقاتها بس ماكنت حاطه هالشي في بالي
قلت صداقه
وبعدين قامت تقولي أبي أروح نادي وأبي أروح حق رفيجتي
ماكنت أوديها لاني شكيت بالموضوع
يعني لما تطلب اني أوديها تقوم تبجي وشوي وتختنق من البجي
كنت أطنشها لمصلحتها لاني خايفه عليها من هالرفيجات
بس أمي واهي تكلمني منصدمه
تقول هذه ماكانت جذي الحين صايره تزف أمي وتقولها غصبا عليج أروح النادي
وتقول من فتحنا النت علشان نكلمج
واهي تعالي شوفي المسنجر كله بنات ولما تشوفني أكلمج تكتب لهم
ص ع ص
يعني أمي موجوده وصاكه علي
اختي اللي أكبر مني ييت كلمتها تقولها انتي شفيج صايره بويه ليش تصرفاتج جذي
تقعد تبجي تقول انا مو جذي
وفجأة اختي اللي عمرها 20 قالتلي هذه مصادقه وحده قاصه شعرها بوي
واذا أمي ما ودتها تقلب الدنيا وامي مسكينه لا حول ولا قوه تقعد تشوفها تبي تموت من البجي بس تقول مضطره أطنشها ساعات وساعات أوديها من كثر ما تصرخ علي
مادري شفيها وأبوي لو قلنا له راح يذبحها بس ساكتين
المهم الحين اكلمها بالنت تقول انا مافيني شي أقولها انتي ماكنتي جذي شصارلج
تقول انا مافيني شي وتقوم تتكلم بسرعه بسرعه علشان لانقاطعها
يعني انا بعمري وحياتي ماشفت هالشي من اختي
لما كنا نطلع كانت مؤدبه وانا عموما ماكنت أخليهم يسوون شي
بس مره وحده قلبت
طبعا انا لما سافرت كنت شاريه ملابس وايد غير ملابسي اليديده اللي مالبستهم الا جم مره أمي تقول المشكله أشوفها تعتني بنفسها وماتاكل شي دسم وتلبس ملابسج اللي تركتيهم تقول يعني تتكشخ بس مادري شفيها
أختي اللي عمرها 20 تقول تستانس على البنات اللي يحبون بعض
شفتوا لما نقول وحده وفقت راسين بالحلال
هذه اختي تسوي جذي بس على البنات:dd:
والله صرت أضحك بدون ما أدري من الصدمه
أبي منكم شي واحد تقولون لي شنسوي معاها
أبي قصص أقدر أدزها على ايميلها يمكن تقرا وتخاف
اهي تخاف اذا سمعت عن يوم القيامه وقصص وعبر
أبي قصص مرت عليكم أبيها تخاف من هالتصرف اللي تسويه
ناطره ردكم يالغاليات أتمنى كل وحده تدش ترد علي وتقول شلون نتصرف معاها الله يخليكم
اختي والبويه بليز أبي حل؟؟؟
غ
05-04-2006 | 12:44 AM
ا
05-04-2006 | 12:52 AM
أنا اقول لازم تجلسون وياها وتنصحونها ان هذا الي قاعدة تسويه غلط بغلط بس اشوي اشوي
والله يهديها انشااااااااء الله
والله يهديها انشااااااااء الله
ا
05-04-2006 | 12:53 AM
السلام عليكم ورحمه الله وبركاته,,
هالسالفة منتشرة عندنا في الخليج بشكل فظييع وعندنا في البحرين بشكل غير طبيعي في المدارس ,,
اختي ياريت لو تقعدين انتي معاها وتكلمينها وتسألينها عن رفيجاتها وتبينين لها ان هالشي حرام مافيها شي لو حبيتي رفيجتج لكن الحب اللي احنا كلنا نعرفه يعني تحبينها مثل اختج مو حبيبتج ,, حاولي لو تخلينها تروح مجالس ذكر او تدرس قرآن وخواتج كلهم يروحون معاها مو اهيا بس بروحها عشان ما تحس ان انتو ضاغطين عليها ,, ولا تمنعونها من رفيجتها مرة وحده لا بالتدرج عشان ما تعاند وحصوصا هالسن يحبون العناد ,,
هذي اللي في بالي واذا تذكرت شي راح ارجع لج :)
والله يهديها يارب ,, كله طلبي وادعي لها في صلاتج ,,
هالسالفة منتشرة عندنا في الخليج بشكل فظييع وعندنا في البحرين بشكل غير طبيعي في المدارس ,,
اختي ياريت لو تقعدين انتي معاها وتكلمينها وتسألينها عن رفيجاتها وتبينين لها ان هالشي حرام مافيها شي لو حبيتي رفيجتج لكن الحب اللي احنا كلنا نعرفه يعني تحبينها مثل اختج مو حبيبتج ,, حاولي لو تخلينها تروح مجالس ذكر او تدرس قرآن وخواتج كلهم يروحون معاها مو اهيا بس بروحها عشان ما تحس ان انتو ضاغطين عليها ,, ولا تمنعونها من رفيجتها مرة وحده لا بالتدرج عشان ما تعاند وحصوصا هالسن يحبون العناد ,,
هذي اللي في بالي واذا تذكرت شي راح ارجع لج :)
والله يهديها يارب ,, كله طلبي وادعي لها في صلاتج ,,
غ
05-04-2006 | 01:31 AM
الغلا حمد
مشكوره ياقلبي على ردج
ام لولوة
انا هذا اللي مينني ان منتشره بالمدارس يعني ماتقدرين تفتكين من هالسالفه
انا مشكلتي الحين مو بالكويت جان قعدت وكلمتها
للعلم ترى احنا مو مقصرين معاها بشي بس صايره موطبيعيه
المشكله بعد عمري امي تقول قامت تزفني تقول تيي تصرخ بويهي
تقول اذا طلعوا تقعد تشوف أي بنت قاصه شعرها بوي ولا بسه لبس تتشبه في بالرياييل
تقعد تطالعها وتقول الله وناسه بويه
الله يستر على بناتنا من هالمسترجلات اللي بيدمرون عيشتنا
مشكوره ياقلبي على ردج
ام لولوة
انا هذا اللي مينني ان منتشره بالمدارس يعني ماتقدرين تفتكين من هالسالفه
انا مشكلتي الحين مو بالكويت جان قعدت وكلمتها
للعلم ترى احنا مو مقصرين معاها بشي بس صايره موطبيعيه
المشكله بعد عمري امي تقول قامت تزفني تقول تيي تصرخ بويهي
تقول اذا طلعوا تقعد تشوف أي بنت قاصه شعرها بوي ولا بسه لبس تتشبه في بالرياييل
تقعد تطالعها وتقول الله وناسه بويه
الله يستر على بناتنا من هالمسترجلات اللي بيدمرون عيشتنا
د
05-04-2006 | 01:46 AM
اول شي السلام عليكم ورحمة الله وبركاته...اختي هالكلام كلامي وكلام دكتوره نفسيه سمعتها ..هالشي لازم يصير في سن المراهقه..يعني احب بنيه والا معلمه .انا كنت احب المعلمه..بس مب شاذه ..احبها حب عادي احترما ودايما ابا اشوفها يعني فتره مراهقه وانتهت...هالشي ما عليه خلاف ..حبيبتي لا تفكرين انه اختج شاذه والعياذ بالله..انا عن نفسي عشت ويا البويات ..البويات بنات يحبون يلفتون الانتباه لكن مب لدرجة الشذوذ..لانها تكبر وتتزوج واتييب عيال ..بس حبا للفت الانتباه تسوي جي ..يعني لو اختج رابعت هالبنات منبهره فيهم..يعني هم يسوون شي محد يقدر يسويه ..وكل حد يتكلم فيه فلا تخافين عليها دام انج واثقه في اخلاقها..يعني الحمد لله احنا في الخليج ما عندنا الشذوذ الشذوذ الي عند الغرب ..خذوا فكره بسيطه عن شذوذهم بتعرفون انا الي عندنا نحن لفت الانتباه فقط لا غير..لا شذوذ ولا خرابيط..انا اعرف مذيعه مواطنه كانت بويه ..وكل حد يعرفها ..لكن الحينه مذيعه وبالشيله والعباه وتزوجت..يعني شاذه ..لا...حبوبه وممكن تتاكدين من كلامه وناقشي هالشي ويا التربويين عندنا في الخليج..والدكاتره المختصين..
والشي الثاني ..عطي اختج الثقه الكامله وخلج اختها وصديقتها وبتعرفين كل شي ..يعني بتوجهينها بطريقه صح لو كانت بتى تغلط
والشي الثاني ..عطي اختج الثقه الكامله وخلج اختها وصديقتها وبتعرفين كل شي ..يعني بتوجهينها بطريقه صح لو كانت بتى تغلط
^
05-04-2006 | 05:45 PM
اختي لعرضي مشكلتها على الدكتورة فوزيه الدريع
عندكم بالكويت مشاءالله عليها
والله يهدي اختج انشاءالله
عندكم بالكويت مشاءالله عليها
والله يهدي اختج انشاءالله
أ
05-04-2006 | 06:47 PM
السلام عليكم
أمبييييه لحقي على اختج
انا مابي اخوفج بس ترا اعرف وحدة من رفيجاتي كانت خوووووووش وحدة تهبل كنت اعزها واااااايد
بس صارت مشاكل بالبيت و امها و ابوها نفصلوا قلبت البنت و صارت كلا تروح شاطىء معين بالكويت مابي اذكر اسمه مشهور ان تجمع البويات و اهيا يعني 24 ساعه هناك
عاد انا مره طحت عليها و لا الاخت قاطة الحجاب و قاصه شعرها قصيييييييييييييييييير جنها صبي و لابسه لبس رياييل عاد انا طقتني البوهه و انصدمت حيييييييييل صكت فيني الدنيا
و بس البنت صارت بويه استغفر الله
و توني من جم شهر شفتها مرة ثانيه الا اهيا بنفس الحاله الله يهديها
فا انتي تلاحقي على اختج ياااااارب الله يهديها و تيووز عن هالسوالف
بس ترا اهم اهم اهم شي انها تبتعد عن صديقات السوء
و انكم تتقربون لها اكثر و تعوضونها عن صديقات السوء و انتو ماشالله مبين انكم مهتمين فيها فلا تهملونها حرام مسكينه اهيا محتاجة مساعدة
و ترا دروس الدين وااااااايد تساعد يعني لو تلقون مجموعة بنات محترمات يسوون درس دين حلو و شيق ترا ينفع وايد
و على فكرة اذا كلش كلش ممكن اهيا و امج يروحون مركز اجتماعي مادري شسمه بس يساعدون و مكان يمدحونه وايد و فيه دكاترة نفسيين ممتازين...احنا مره ودينا اختي لمن كانت مراهقه لان كانت محتاجه مساعدة و الحمدلله الحين اختي وايد زينة
و عسى الله يهديها و يستر عليها و علينا و جميع بنات المسلمين
أمبييييه لحقي على اختج
انا مابي اخوفج بس ترا اعرف وحدة من رفيجاتي كانت خوووووووش وحدة تهبل كنت اعزها واااااايد
بس صارت مشاكل بالبيت و امها و ابوها نفصلوا قلبت البنت و صارت كلا تروح شاطىء معين بالكويت مابي اذكر اسمه مشهور ان تجمع البويات و اهيا يعني 24 ساعه هناك
عاد انا مره طحت عليها و لا الاخت قاطة الحجاب و قاصه شعرها قصيييييييييييييييييير جنها صبي و لابسه لبس رياييل عاد انا طقتني البوهه و انصدمت حيييييييييل صكت فيني الدنيا
و بس البنت صارت بويه استغفر الله
و توني من جم شهر شفتها مرة ثانيه الا اهيا بنفس الحاله الله يهديها
فا انتي تلاحقي على اختج ياااااارب الله يهديها و تيووز عن هالسوالف
بس ترا اهم اهم اهم شي انها تبتعد عن صديقات السوء
و انكم تتقربون لها اكثر و تعوضونها عن صديقات السوء و انتو ماشالله مبين انكم مهتمين فيها فلا تهملونها حرام مسكينه اهيا محتاجة مساعدة
و ترا دروس الدين وااااااايد تساعد يعني لو تلقون مجموعة بنات محترمات يسوون درس دين حلو و شيق ترا ينفع وايد
و على فكرة اذا كلش كلش ممكن اهيا و امج يروحون مركز اجتماعي مادري شسمه بس يساعدون و مكان يمدحونه وايد و فيه دكاترة نفسيين ممتازين...احنا مره ودينا اختي لمن كانت مراهقه لان كانت محتاجه مساعدة و الحمدلله الحين اختي وايد زينة
و عسى الله يهديها و يستر عليها و علينا و جميع بنات المسلمين
ا
05-04-2006 | 06:55 PM
ودوها ويا خواتج الاكبر والاصغر مركز دينيه محاضرات ما شي بيوقفها غير الالتزام بالامور الدينيه
صدقينى وعقبها ما بتخافون عليها مووووووووووووووووووووووووووووووول
وبس
وطمنينى عليها
صدقينى وعقبها ما بتخافون عليها مووووووووووووووووووووووووووووووول
وبس
وطمنينى عليها
ا
05-04-2006 | 10:45 PM
[grade="00008B FF6347 008000 4B0082"]انا اؤيد سالفه فوزيه الدريع ..... اكيد بتحصلون عندها الحل ؟؟[/grade]
n
05-04-2006 | 11:01 PM
اختي لازم ما تسكتون دخلوها تحفيظ قران ودوها محاضرات امنعوها منع نهائي انها تطلع ولا تروح النادي الا وياها امج اذا تبي النادي خلي اهلج كلهم يروحون وياها واذا ما نفع شي خبروا ابوج عليها
&
05-04-2006 | 11:05 PM
[grade="00BFFF 4169E1 0000FF"]
حبيبتي أقولج موقع وايد حلو اسمه {صيد الفوائد}
فيه قصص كثيره وواقعيه وقصص عن يوم القيامه وعن عذاب القبر
...الخ حبيبتي اتمنى انج تستفيدين مني ومن الموقع وتصيدين الفوائد
تحياتي {احـــ بنت ــلى}[/grade]
حبيبتي أقولج موقع وايد حلو اسمه {صيد الفوائد}
فيه قصص كثيره وواقعيه وقصص عن يوم القيامه وعن عذاب القبر
...الخ حبيبتي اتمنى انج تستفيدين مني ومن الموقع وتصيدين الفوائد
تحياتي {احـــ بنت ــلى}[/grade]
غ
06-04-2006 | 01:56 AM
دهن_الــــورد
انا معاج في كل كلمه قلتيها انا يوم كنت مراهقه كنت أموت بمدرساتي بس مو لدرجة الشذوذ بس اهي مادري شصار فيها مره وحده بس هذه البنت اللي مصادقتها خذت عقلها لدرجه اختي قامت تصرخ على أمي واهي ماكانت جذي
^^روز^^ & MOON LIGHT
انا فكرت أمس بهالشغله وقلت حق أمي انشالله بنحاول نوديها حق فوزيه دريع
أحلى ملح
شفتي هالشاطئ اللي تتكلمين عنه والله مره قعدت تبجي جنه أحد ميت عندها وقالت وديني وقلتلها انا ولا عمري رفضت لكم طلب أوديكم أي مكان بس هالمكان لألألألألأ
لاني عارفه الاغلبيه اللي فيه منو
الحلوه نعناعة & noora qatar
ترى على فكره كانت تروح مع أمي وكانت أختي هذه بالذات دينه لدرجه ماتتصورينها وكانت مطيعه حق أمي بس الحين قامت تتمادى وتصرخ على أمي أمي تقول والله زين ماتمد ايدها علي
&&أحـــ بنت ــلى&&
مشكوره ياقلبي على الموقع بحاول أطلع القصص اللي فيه عل وعسى تستفيد
انا معاج في كل كلمه قلتيها انا يوم كنت مراهقه كنت أموت بمدرساتي بس مو لدرجة الشذوذ بس اهي مادري شصار فيها مره وحده بس هذه البنت اللي مصادقتها خذت عقلها لدرجه اختي قامت تصرخ على أمي واهي ماكانت جذي
^^روز^^ & MOON LIGHT
انا فكرت أمس بهالشغله وقلت حق أمي انشالله بنحاول نوديها حق فوزيه دريع
أحلى ملح
شفتي هالشاطئ اللي تتكلمين عنه والله مره قعدت تبجي جنه أحد ميت عندها وقالت وديني وقلتلها انا ولا عمري رفضت لكم طلب أوديكم أي مكان بس هالمكان لألألألألأ
لاني عارفه الاغلبيه اللي فيه منو
الحلوه نعناعة & noora qatar
ترى على فكره كانت تروح مع أمي وكانت أختي هذه بالذات دينه لدرجه ماتتصورينها وكانت مطيعه حق أمي بس الحين قامت تتمادى وتصرخ على أمي أمي تقول والله زين ماتمد ايدها علي
&&أحـــ بنت ــلى&&
مشكوره ياقلبي على الموقع بحاول أطلع القصص اللي فيه عل وعسى تستفيد
ح
06-04-2006 | 02:15 AM
ما بزيد على كلام خواتي
الله يهديها يا رب وترجع مثل ما كانت قبل ويستر عليها من رفيقات السوء
ما عندي غير دعوة صادقه وخالصه اضيفها لكلام خواتي :)
الله يهديها يا رب وترجع مثل ما كانت قبل ويستر عليها من رفيقات السوء
ما عندي غير دعوة صادقه وخالصه اضيفها لكلام خواتي :)
أ
06-04-2006 | 02:59 AM
مادري شقولج حبيبتي بس الله يهديه.....مراهقه لازم حد يقعد معها ويكلمه...حرام البنت تضيع
غ
06-04-2006 | 03:49 AM
والله والله اني دايما أدعي لخواتي بالستر وانشالله مايطيحون بالغلط أو أحد يجرهم لطريج الغلط
وخصوصا اختي هذه
يعني بيني وبينكم انا ما أنكر حتى اللي عمرها 20 تأثرت مو بس اهي احت قصة شعرها بوي
وكل ما طال شوي تروح حق أمي تقولها وديني بقص شعري لان تدري لو يتني راح أرفض أوديها
وقعدت في يوم من الايام وقلت لها حلاة البنت بشعرها ورقتها وأناقتها لا تخلين البنات ينظرون لج نظره انج انتي شاذه
من يومها اسمعت كلامي بس البنات بالمدرسه تعودوا يقولون لها انتي بويه ومسكتها وزفيتها
قلتلها لما أي وحده تقولج جذي زفيها لاتعطينها مجال
شوي هذه تسمع كلامي بس الثانيه آآآآآآآآآآآآآآه منها
طبعا تستغربون أقول اللي عمرها 20 بالمدرسه ترى هالثلاث اللي آخر شي مادري شفيهم عكسنا كلنا مايحبون الدراسه خير شر يعني المفروض الحين متخرجين بس شقول على صديقاتهم اللي بالمدرسه ربي يهدي هالبنات
وخصوصا اختي هذه
يعني بيني وبينكم انا ما أنكر حتى اللي عمرها 20 تأثرت مو بس اهي احت قصة شعرها بوي
وكل ما طال شوي تروح حق أمي تقولها وديني بقص شعري لان تدري لو يتني راح أرفض أوديها
وقعدت في يوم من الايام وقلت لها حلاة البنت بشعرها ورقتها وأناقتها لا تخلين البنات ينظرون لج نظره انج انتي شاذه
من يومها اسمعت كلامي بس البنات بالمدرسه تعودوا يقولون لها انتي بويه ومسكتها وزفيتها
قلتلها لما أي وحده تقولج جذي زفيها لاتعطينها مجال
شوي هذه تسمع كلامي بس الثانيه آآآآآآآآآآآآآآه منها
طبعا تستغربون أقول اللي عمرها 20 بالمدرسه ترى هالثلاث اللي آخر شي مادري شفيهم عكسنا كلنا مايحبون الدراسه خير شر يعني المفروض الحين متخرجين بس شقول على صديقاتهم اللي بالمدرسه ربي يهدي هالبنات
ا
06-04-2006 | 05:26 AM
اختي غادة اليم...اذا تبي نصيحتي بالنسبة لاختك لابد لها من توجية وانتباه وتدارك....كيف بيكون
اول شي لازم احد كبير يتقرب منها لانها هيا تحتاج لتوجية خاصة انها مراهقة ومادام انتي مسافرة مع زوجك اتكلمي مع وحدة من اخواتك الكبار تحاول تتكلم معاها بس مهم جدا يكون بهدوء .....
ولازم كمان يتم زرع الخوف من الله ومن عاقبة هذا الطريق في نفسها.....
اتفاهمي مع وحدة من اخواتك تجلس معها وتتكلم معاها بس تسوي نفسها ماتدري عن شي وتقولها عارفة اليوم سمعت من صديقتي او جارتي قصص عجيبةعن العلاقات المنتشرة بين البنات طبعا اكيد هي تبغى تسمع وتقولها كم قصص
راح اقوللك وحدة منها للاسف كانت نهايتها مأساوية والثانية تدراكت نفسها
القصة الاولى وهي كلها حقيقية
وحدة راحت حفلة وكانت موجودة في الحفل وحده بس تطالعها حاولت تتقرب منها وتتعرف عليها عموما اتعرفت عليها واخدت تستدرج بالكلام المعسول اللين وصلت لها وفي البداية اعطتها الامانة اللين خلت الثانية ماتقدر تستغنى عنها وسارت زي الخاتم في اصباعها ...وبعدها دخلت في عالم الرجال اللين سارت من واحد لواحد وللاسف انتهت وفكرت بالانتحار...وتقول سرت زي القمامة اكرمك الله من واحد لواحد...وللاسف هي بنت اسرة وغاية في الجمال انا شفتها وقولت خسارة ضيعت نفسها...
والقصة الثانية لوحدة اتعرفت عليها بالجامعة ولمن عرفت الاولى ناوييها بعدت عنها وضلت هذيك وراها اللين جابتها بالعمل والعياذ بالله وهدي انا اعرفها شخصيا....واخدت منها كل شي تبيها بس هدي كانت انسانة فيها نزعة وخوف من الله استعانت بالله عليها لانها كانت تعبانة ومو راضي عن هذا الطريق وفضلت تدعي الله يخرجها من حياتها ويصرفها ويشغلها في نفسها وبالفعل استجاب الله لها وانصرفت من نفسها وانشغلت عنها للابد...
لكم دور اختي لتوعيه اختكم وتذكيرها باسلوب بانه درب اسود والانغماس فيه مدمر عشان كدا لحقوها مادام توكم بداية الطريق ولا بد من زرع الايمان في قلبها ...وعدم تركها لوحدها ومحاوله بعدها عن الصديقات اللي مثل هذا النوع....وتذكير دائم بانه عقابه قوي من الله وزرع خوف الله في نفسها ولابد ان تدوام على الصلاة ومراقبتها في الخروج ....وعدم تركها تخرج لوحدة ....بس كله بالحكمة والعقل وان شاء الله ربي يهدي اختك مادام انتم ورائها وراح تتغير ان شاء الله...
اول شي لازم احد كبير يتقرب منها لانها هيا تحتاج لتوجية خاصة انها مراهقة ومادام انتي مسافرة مع زوجك اتكلمي مع وحدة من اخواتك الكبار تحاول تتكلم معاها بس مهم جدا يكون بهدوء .....
ولازم كمان يتم زرع الخوف من الله ومن عاقبة هذا الطريق في نفسها.....
اتفاهمي مع وحدة من اخواتك تجلس معها وتتكلم معاها بس تسوي نفسها ماتدري عن شي وتقولها عارفة اليوم سمعت من صديقتي او جارتي قصص عجيبةعن العلاقات المنتشرة بين البنات طبعا اكيد هي تبغى تسمع وتقولها كم قصص
راح اقوللك وحدة منها للاسف كانت نهايتها مأساوية والثانية تدراكت نفسها
القصة الاولى وهي كلها حقيقية
وحدة راحت حفلة وكانت موجودة في الحفل وحده بس تطالعها حاولت تتقرب منها وتتعرف عليها عموما اتعرفت عليها واخدت تستدرج بالكلام المعسول اللين وصلت لها وفي البداية اعطتها الامانة اللين خلت الثانية ماتقدر تستغنى عنها وسارت زي الخاتم في اصباعها ...وبعدها دخلت في عالم الرجال اللين سارت من واحد لواحد وللاسف انتهت وفكرت بالانتحار...وتقول سرت زي القمامة اكرمك الله من واحد لواحد...وللاسف هي بنت اسرة وغاية في الجمال انا شفتها وقولت خسارة ضيعت نفسها...
والقصة الثانية لوحدة اتعرفت عليها بالجامعة ولمن عرفت الاولى ناوييها بعدت عنها وضلت هذيك وراها اللين جابتها بالعمل والعياذ بالله وهدي انا اعرفها شخصيا....واخدت منها كل شي تبيها بس هدي كانت انسانة فيها نزعة وخوف من الله استعانت بالله عليها لانها كانت تعبانة ومو راضي عن هذا الطريق وفضلت تدعي الله يخرجها من حياتها ويصرفها ويشغلها في نفسها وبالفعل استجاب الله لها وانصرفت من نفسها وانشغلت عنها للابد...
لكم دور اختي لتوعيه اختكم وتذكيرها باسلوب بانه درب اسود والانغماس فيه مدمر عشان كدا لحقوها مادام توكم بداية الطريق ولا بد من زرع الايمان في قلبها ...وعدم تركها لوحدها ومحاوله بعدها عن الصديقات اللي مثل هذا النوع....وتذكير دائم بانه عقابه قوي من الله وزرع خوف الله في نفسها ولابد ان تدوام على الصلاة ومراقبتها في الخروج ....وعدم تركها تخرج لوحدة ....بس كله بالحكمة والعقل وان شاء الله ربي يهدي اختك مادام انتم ورائها وراح تتغير ان شاء الله...
غ
06-04-2006 | 09:50 PM
ام بادي
مشكورة على الكلام الطيب اللي كاتبته
مشكورة على الكلام الطيب اللي كاتبته
O
07-04-2006 | 07:44 AM
الله يساعدكم اختي 000000000حاولي معاه وكلميها بكونك قريبه لها اكثر من امك 0000000000000 ادري انك بغربه بس حسسيها بوجودك معاها لو انك بعيده00000000000000000000000 مدام اهي تتاثر كلميها وقولي لها كم بنت انتهت حياتها بها المشكله هاذي 000وحذريها وخوفيها بوالدك وقولي الديره صغيره والخبر بينتشر ومن الكلام علشان تخاف 000000000000 اتمنى اني افدتك بس قلت لازم ارد عليكي لان هذي مشكلة المجتمع بكبره 000
د
08-04-2006 | 12:01 PM
بصراحه ممكن تحسين انها صعبه خلي ابوك في السالفه لانه هو الوحيد اللي بيقدر يحل المشكله بعد الله سبحانه
لاني مو خايفه منكم واكيد ماراح تطاوعكم تودنها لطبيب نفسيه
على الاقل ابوك بيتصرف معاها تصرف ثاني بيكون في حدود الحوار والنصح والتأكيد في الكلام من الخوف من الله
لو سكتوا واخفيتوا الموضوع عن ابوك ممكن انها تضيع وماينفع الندم
بصراحه اول مره في حياتي اعرف هذي النوعيه منتشره والعياذ بالله وفي مكان مشهور يروحون له اول ماقريت الموضوع ماعرف كلمت بويه الان فهمت السالفه والله يستر على بنات المسلمين
بصراحه بعد ماقريت تعاملها مع امك بصراحه بصراحه ودي اخذ اختك والوحها من فوق لتحت ما احب اللي تتطاول على امها
والله يهديها
وانتي كلميها بلهجة قويه وجاده وهدديها انك بتخبرين الوالد الله يحفظه واذا قالت خلاص ماراح اكررها لاتصدقينها وخليك وراها
لانها ممكن تحاول تقفل الموضوع بسرعه
لاني مو خايفه منكم واكيد ماراح تطاوعكم تودنها لطبيب نفسيه
على الاقل ابوك بيتصرف معاها تصرف ثاني بيكون في حدود الحوار والنصح والتأكيد في الكلام من الخوف من الله
لو سكتوا واخفيتوا الموضوع عن ابوك ممكن انها تضيع وماينفع الندم
بصراحه اول مره في حياتي اعرف هذي النوعيه منتشره والعياذ بالله وفي مكان مشهور يروحون له اول ماقريت الموضوع ماعرف كلمت بويه الان فهمت السالفه والله يستر على بنات المسلمين
بصراحه بعد ماقريت تعاملها مع امك بصراحه بصراحه ودي اخذ اختك والوحها من فوق لتحت ما احب اللي تتطاول على امها
والله يهديها
وانتي كلميها بلهجة قويه وجاده وهدديها انك بتخبرين الوالد الله يحفظه واذا قالت خلاص ماراح اكررها لاتصدقينها وخليك وراها
لانها ممكن تحاول تقفل الموضوع بسرعه
غ
08-04-2006 | 03:07 PM
amkaled
والله يا اختي على اني بالغربه بس أحاول أكلمها بس صاير فيها طبع مو حلو تتكلم بسرعه بسرعه علشان لاأحد يقاطعها بالكلام وتهد كل شي وتمشي
دراعه
مشكورة ياحياتي على الكلام الطيب والله لو تدرين انا شنو يصير فيني لما أسمعها تصرخ على أمي ودي أطلع من الكمبيوتر وأحط ايدي ببلاعيمها والله عاد أمي تكسر الخاطر بعد عمري اذا سمعتها تصرخ عليها تقول والله ما أدري شسوي أحسها شوي وتبجي مع ان هذه من بد خواتي اللي كانت حيل مع أمي
بس هالبويه الله ياخذها اهي واللي مثلها يبون يخربون على الاولي والتالي
والله يا اختي على اني بالغربه بس أحاول أكلمها بس صاير فيها طبع مو حلو تتكلم بسرعه بسرعه علشان لاأحد يقاطعها بالكلام وتهد كل شي وتمشي
دراعه
مشكورة ياحياتي على الكلام الطيب والله لو تدرين انا شنو يصير فيني لما أسمعها تصرخ على أمي ودي أطلع من الكمبيوتر وأحط ايدي ببلاعيمها والله عاد أمي تكسر الخاطر بعد عمري اذا سمعتها تصرخ عليها تقول والله ما أدري شسوي أحسها شوي وتبجي مع ان هذه من بد خواتي اللي كانت حيل مع أمي
بس هالبويه الله ياخذها اهي واللي مثلها يبون يخربون على الاولي والتالي