السلام عليكم ورحمة الله وبركاته
الغالية جوان مال بيزات ونفيسة عمرها الافتراضي انتهى تبين حكومي الوصل دبي اطلبي الدكتورة اللي تبينها والخاص سيري عن دكتورة عليا المنصوري او نهى شومان .
وطمنيني عليج وارجو التواصل والسموحه
ف
فراولة الإمارات
عروس مشرقة
07-04-2006 | 09:55 AM
الدكتورة نفيسة اللي في الزهرة يمدحونها
هلا
وين عيادة علياء المنصوري ؟
هلا الغالية ,,
جوان تهتم بالحامل ,
بس عادي عندها وقت الولادة تكون مسافره و تنصدمين بسفرها؟!!
و تبتلشين وين تولدين؟
اهتمامها بالحالات الصعبة و الانابيب و كبار الشخصيات اكثر من الناس العاديين و اللي ولادتهم طبيعيه
و هي ممتازه لعلاج الالتهابات و الامراض و تركيب اللولب
انتِ و حظك ,, يمكن تكون فاضيه لك و تولدج او العكس
انا ما عرف الدكتوره جوان مراد ...
بس الدكتوره نفيسه رحت لها مره وانا حامل خوفتني ....
لما حطت الجهاز تسمع نبض الجنين جلست ربع ساعه تحوس ودور وساكته ولا كلمه وانا قلبي وقف وبعدين قالت بكل برود ما فيه نبض تعالي بعد اسبوع اشوف تخيلي وانا في بدايت الرابع كيف مو واضح ....قالت خير ان شاء الله
وطلعت من عندها وانا ابكي بعدين جيت اليوم الثاني عند الدكتوره اميره في الزهراء كمان
وطمنتني وسمعتني كمان نبض الجنين ...
تعرفين الدكتوره نفيسه كبيره حيل في سنها يمكن عشان كذا سارت تنسى ....
الصراحه أنا أراجع عندالدكتوره جوان مراد والصراحه ممتاااااااااااااااازه. وانشاالله راح تولدني في مستشفى الزهره. الصراحه الحرمه ما شفت منها إلا كل خير وإهتمام. وخاصة ان هذا أول حمل لي. وبالعكس أبدت اهتمامها.
عزيزتي بالنسبه للتفاصيل فهي تولد ب3000 درهم. أما بالنسبه للمستشفى مع توفيرهم لممرضتين وطبيب أطفال وغرفة الولاده والأدوات المعقمه مع حجرتج الخاصف فيج بعد الولاده ب 7000 درهم.
يعني للمواطنين 10000 درهم وللوافدين 8000 درهم.
حبيبتي لا تخوفين عمرج وانتي روحي عندها في العياده وخليها تفحصج وطمنج على البيبي وبعدين دردشي معاها عن الولاده وأتأكدي منها انها راح تكون متواجده معاج في المستشفى.
بالنسبه لعيادتها .موجوده في الشارجه على البحيره في عماره(كرستال بلازا 2) وهذي العماره يجابلها بالضبط فندق هوليداي إن. في الدور الثامن شقه رقم 2.
وإذا ماا طمنتي لها ترا الدكتوره شما اللي اداوم في الزهره سمعت انها زينه. ولدت اربيعتي وتقول انها زينه وخياطتها أوكي. بس اربيعتي مب بكريه شراتج وشراتي. يعني اتعودت على الولاده.
نصيحه أخيره أقدمها لج عزيزتي : ثقفي عمرج أكثر عن الطريقه الصحيحه للولاده ولا تزيغين عمرج وتسمعين كلام فلان وعلانه. استخيري رب العالمين . وسبحانه هو العالم بعبيده وتوكلي عليه واتصدقي وااايد بنيه تسهيل الولاده. وترا كل شي يعتمد عليج حبيبتي والدكتوره والممرضلت بس راح يساعدونج حزت الولاده ولما يطلع راس النونو وفي الخياطه. بس قبل شي أعتمادج كله على رب العالمين.
واسمحي لي عزيزتي على الإطاله. وانشاءالله أكون أفدتج. وأي سؤال أنا حاضره.
[CENTER]مشكوووووووووووووووره وااااايد حبيبتي هند خالد :clap::clap::clap:... والله والله انه كلامج واااايد طمني :bigsmile:... و خصوصا الجزء الأخير ... ما بتصدقين لو اقولج اني واايد احاول اقرا المقالات العلميه عن الولاده وما احب اسمع كلام ربيعاتي ولا أهلي :no:.. لاني ما ابا اخاف .. و ما خليت دعاء ما كتبته .. و انشاالله الله يسهل علينا جميع :handup:.. و ما تقصرين على كلامج الحلو ...
تحيااااااتي لج :up:
