لحقوا على صديقتي بنات ، تبي تقول للي تحبه انها

عزيزتي في مجتمعنا الخليجي صعب ان االبنت تروح تقول لرجل والهل تعال تراني احبك !! وين الحياء؟؟

وبعدين البنت بعرفنا تتعزز وتترفع من انها تركض ورى شخص وتقول له انها تحبه ! مهما كانت مشاعرها بريئة ومهما كان الشخص يستاهل والا غيره...المبدا مش مقبول..وبصراحه نظرة الشباب في الخليج اجمالا ..سلبية في مثل هالتصرف !

بيسترخصا وبيحس انها ميته عليه !!

خليها تطنش ابرك لها واذا هو يحبها بيعرف وين بيت اهلها وبيطلبها...صدقيني هذا الاسلم والافضل لكرامتها ولمشاعرها خها تصون نفسها احسن واسلم لها

هذا رايي واكيد البنات بيشورون عليج بعد

اذا فيه شي بالحلال الرجال هو اللي بيبتدي خليها خارج الموضوع الين هو ينطق وصعبه توصل له مشاعرها تدرين لي ؟؟

خذيهااااااا نصيحه من اخت لأختها لأنه بيتكيسل بموضوع الارتباط هذا اذا براسه ارتباط وتعرفين الشيطان شاطر وكل يوم بكره الييييين تتعلق فيه لحد الجنون ووقتها يطلع لهم شي مايتمم هالارتباط عاد شوفي كيف بتعيش وقتهااا

وصدقيني اذا الرجال يبي الارتباط هو اللي بيبدا وبيتكلم مباشره بدون لف ولادوران

اما اذا هي عطته فرصه للحب ممكن يتلاعب بمشاعرها واخرتها تكتشف انه مب راعي زواج وتصير المصيبه مصيبتين لأنها هي اللي حطت نفسها بهالموقف

وموفقه

نصيحه من اخت لاختها
لاتروح اهي تقوله والله ماتدرين بشباب هالايام
بعد فتره راح يقول انتي ييتي وقلتيلي انج تحبيني
صدقيني لازم الولد اهو اللي ايي ويقول هالكلام مو البنت تروح تقوله
على فكره انتي كأنه تتكلمين عني
ترى على فكره قبل لا أتزوج كان معاي واحد بالدوام اهو مهندس وأغلب شغله معانا احنا
البنات مو بس لان يثق بشغلي اييب أوراقه لا لان يبي يقول كلمة أحبج بس مو عارف شلون
والله كنت حاسه بشعوره بس ساكته اللي يبي اهو ايي ويقول وبعدها باب بيتنا مفتوح اذا تبي تعال من الباب تخيلي انا تميت طول الفتره ساكته واهو منحرج
بس سبحان الله مافي نصيب ريلي تقدملي وتزوجت والله بين يوم وليله
واهو متى اعترفلي لما بغيت أطلع من الدوام خلاص ابي أسافر مع ريلي
قال للاسف ما بادرت بخطوة علشان تكونين من نصيبي فهمت بعدها ان صج ندمان
بس نصيحه وأقولها لج مره ثانيه لا تفكر اهي تقوله والله بعدين تندم خلي تسكت
لين اهو ايي ويقولها أبي أتقدملج
وكل ياخذ نصيبه بهالدنيا

اذا الرجال شاريها ويبيها

هو اللي يبتدي ويطلبها من اهلها

وغير كذا احس انه تصرف غير لائق

وخصوصا للبنت

قولي لها لاتتسرع بعدين هي اللي بتخسر

حلاة البنت بحياها

ومحافظه على نفسها وكرامتها

ماعندي كلام ازيده
البنات ماقصروا ..

شكله لعاب ..يعق عليها نغزات ومن هالحركات ...هاي معروفه الحركات لو صج يباها جان قال لها يا فلانه انا اباج على سنة الله ورسوله عندج مانع..مب يعلقها فيه وحركات مراهقين..صراحه ما اعرف شقول ..اصلا الموضوع امبين ..والسموحه

حلاة البنت بحياها

خلها تطنش السالفه وتتعوذ من ابليس

انا مع البنات في كلمه قالوها..... حتى ولو صار عمرها اربعين ما تروح للشاب وتقوله ... اذا بالمرة مو قادرة تحط وسيط بينها وبينه ..بس اكثر من هذا ما أنصحها... خليها تحافظ على كرامتها وحياءها

لاتعلييييييييييييييييييييييييييييييييق

انا مع البنات في الي قالوة

البنت بحياها احلى تخيلي يقعد\يعايرها بعدين ؟؟؟؟؟؟؟؟؟؟؟؟؟
ادا في خاطره شي هو الي يبدا مش البنت ؟؟؟
الحلال من عند الرجل يبد مش البنت

حلاة البنت بحياها

[grade="00008B FF6347 008000 4B0082"]مول ما انصح انها تروح وتقوله .. نحن وين عايشين ؟؟ وين ثجل البينت ؟؟ حسااافه !![/grade]

السلام عليكم

انا مثل ما قالو البنات لانها اذا هي قالت انها اتحبه بتصغر في عينه ولازم اتكون ثجيله ورزينه مهما هو حاول لا تهتم له وبتشوف اذا هي صدق يباها بيسير الها وبيطلبها من اهلها


مع السلام

ليها تثقل ترى الريال يحب الوحده الي تثقل مش الي ما تعرف تيود عمرهه
خليها تصبر
و الله يوفقهه للي فيه الخير

الله يوفقها ان شاء الله

كلميها وقوليلها والله انها بترخص في عينه


الريال لو عز بنت وحبها، صدقيني هو الي مابيقدر يتحمل وبيصارحها على طول

بس الله واعلم ، شكله الريال عنده خبره في ها السوالف، ويبغي يلعب على صديقتج

خليها تعقل... وقوليلها لا تكون الطرف السهل.... ولو صارحها، خليها تقول نحن بنات ناس، والي يبانا يدل البيت....
وبتعرف إذا يبغي يتسلى ولا جاد


والله يوفقها امين

عزيزه فهمي صدقتج اذا قالت للولد انها تحبه ممكن انه يلعب مشاعرها ( و خصيصا انه ما قال لاها انه يحبها )

و الاحسن اذا يبها صدق اي يخطبها الافضل لان سالفه الحب قبل الزواج انا ما اثق فيها و اسمحلي ع هاي الكلمه (هي علاقه غير شرعيه )

و بما انج ربيعته و اكيد اتخافين ع كرمتها اتمنى انج تنصحينها ...


و اذا هذا الشاب يسوي روحه يغار عليها فهذا الشي عادي .. و هو يمكن مكان يعرف انها بتفهم غلط


بس نصحيه (( اصلي استخاره ) واذا لا سمح الله ما ارتاحت خلها تطلب نقل و ترتاح في نظري مثل هاي العلاقات نهايتها دمار...

لا والف لا.............

لاتقول ولاتوضح ولاحتى تبين انها تحبه !!


يبيها ........هو معاها في الشغل وعنده كل المعلومات يتوكل على الله ويخطبها.............


لاتسمحين لها تبين حبها له ولا اعجابها لانه صدقيني لوكان حاطها في باله على اساس زواج وشافها بدت معاه والله انه بيشيل موضو عالزواج وبيخليها علاقه يستفيد منها لصالحه ...........

خليها تعز نفسها .......... هي بنت والبنت مب رخيصه ........والشاب مهما كانت مشاعره لوحس انها مب غاليه بتطيح من عينه ..............


الله يوفقها ويكتب لها لي فيه الخير