زوجي .. والسـ .... ؟ساعدوني

يابنات انا عندي مشكلة مع زوجي .. يمكن بعضكم يشوف ان هالمشكلة بسيطة بس مادري ليش

مضايقتني ..

انا صار لي سنتنين من تزوجت .. والحمدلله حياتي مستقرة جدا .. لكن المشكلة في ان زوجي

مايحب السفر أو بمعنى أصح ( يخاف من الطيارة ) ، وانا بصراحه خاطري اسافر وهو دائما يأجل

فكرة السفر هذي . دايما اتناقش معاه في هالموضوع وفي الاخير يقول يصير خير يصير خير

وماشوف شي .. وجاته اكثر من دورة وكنسلها ولنفس السبب ..

مع العلم ان زوجي دخله ووضعه المادي الحمدلله وايد زين ومو ناقصه شي ويقدر يسفرني

احلى سفره بس المشكلة انه يخاف يركب الطيارة .. شسوي ؟

يمكن بعضكم يشوف ان السفر مو مهم بس والله لو احنا ظروفنا المادية صعبه كان قلت

معليه ..

انا ابي اسافر لان الانسان يحتاج لتغيير الجو مرات النفسية تتعب واحتاج اغير جو

وهو بعد نفس الشي محتاج لهالشي ..

اقترحت عليه انه ياخذ حبوب مهدئة قبل السفر او في الطيارة يقول ( فكره ) لكن لما اقوله

نطبقها يقول يصير خير .. وهذا احنا متزوجين سنتين يمكن فتره مش طويلة بس فعلا

نحتاج لتغيير الجو نحتاج نسافر ..



مادري شالحل في نظركم .. ياليت تساعدوني ..