بنتي و الجلوس

حبيبتي رومانسيه .. أتوقع الأطفال يختلفون فيه أحد يجلس في الرابع وفيه أحد يتأخر واذا تأخر الطفل عن الجلوس أقل من سنه طبعا هذا طبيعي على حسب جسم الطفل أنا ابني جلس في الشهر السادس وبنتي يمكن في الخامس..وابن اخوي تأخر ما جلس تقريبا في السابع والمفروض انك تبدأين تجلسين بنتك وتعودينها في نهاية الشهر الرابع هذا كلام الناس الي قالولولي والله أعلم..

البنت بشكل عام تتاخر بالجلوس ويقولوا كمان حاولي انك تبدئي تجلسيها بالرابع اذا ما رضيت لا تغصبيها على الجلوس سبحان الله لحكمة مشان حوضها اما عن المشي ففي اطفال تمشي بالتاسع وفي اطفال تتاخر لسنة او بعد السنة هادا شي عادي جدا وكل طفل يختلف عن الاخر
والله يخليلك بنوتك يارب

لا تستعجلي عليها أختي،، وأصلا كل طفل يختلف عن الثاني في أطفال يجلسون من السادس وأطفال يتأخرون إلى الثامن،، كل طفل وقدراته..

أهم شي عدم الإستعجال،، إبتدي بنهاية الخامس وخلي حواليها وسائد إذا شفتيها ماتقدر تثبت لا تشدين عليها حاولي بعدها بإسبوع او أكثر...

الغاليه * سندريلا الشرق*

شكرا على ردج عزيزتي ..و انا بعد سمعت نفس كلامج اني ابتدي اجلسها في نهايه الشهر الرابع لين تتعود ...

الدمشقيه

شكرا عزيزتي على ردج...انشالله بحاول ايلسها نهايه الرابع ..و اللي اعرفه ان البنت تجلس قبل الولد

رانيا البحرينيه

عزيزتي شكرا على ردج ...بس و الله ارتحت ..انتي تقولين ايلسها نهايه الخامس و الاخوات يقولون نهايه الرابع ...شو اسوي احترت ؟

انا بنتي الحين كملت 7 شهور ماشيه بالثامن الى الحين ما جلست زين ... تجلس دقيقه وتطيح نفسها

فيه في بيبي شوب كرسي ينحط على الارض حق اليهال الي توهم يبتدون ييلسون

وايد بينفعج بدل لا تمسكينها وتيلسينها

واليهال يختلفون انا ولدي يلس فالخامس

bent^cutr

اغتقد المفروض انها تقدر تيلس ...اتمنى باقي الاخوات يفيدونج

bj3a

الغالية مشكورة على ردج...و انشالله بشتري الكرسي ...و اللي اعرفه البنت تيلس قبل الولد

حبيببتي لا تستعجلي على بنتك لسع بدري مافي خوف
الخوف يبدألما تكمل عشرة شهور او اكثر وهي الان صغيرة اهم شي في
ها العمر انها ترفع راسها لما تكون على بطنها وتتابع اللي حولها يعني تلف راسها يمين يسار
واليلوس لسع بدري لا تستعجلي لما تكون اعضاءها اكتملت النموها المطلوب راح تجلس
والله يحفظها ويبلغك برها

بسمة الحرية

جزاك الله الف خير على ردج ....و انا ما ابغي لستعيل عليها ...بس اللي سمعت اني لازم ابتدي ايلسها شوي شوي ....عشان جي سألت

مشكوره حبيبتي على ردج