ولدت لكن ما تهنيت ؟؟

السلام عليكم ورحمة الله وبركاته
انا ولدت بتاريخ 22\3 طبعا انا كنت داشه المستشفى من تاريخ 21/3 الصبح الساعه 9:30 لان نزل علي دم وتميت على الطلق لغايه الساعه 9 بلليل بعد ما عطاني تحميلتين تلين عنق الرحم لاني كنت متوسعه 2 سم بس فالساعه 11 بلليل طلب الدكتور مني اني اخذ ابره الظهر لاني وايد تعبت ونزلني غرفه الولاده علشان اخذ الابره طبعا رفضت لاني خايفه منها لكن بالخير استسلمت علشان مصلحه الجنين والساعه 2 كنت متوسعه 4 سم
طلب الدكتور من الممرضات الاتصال به في الساعه 8 او التاسعه صباحا
كان متوقع اني بطول لان اهو كان تعبان وكانت عنده اكثر من عمليه بنفس اليوم
صارت الساعه 4 الفجر وكنت متوسعه 7 سم وامي طلبت من الممرضه تتصل بالدكتور والممرضه قالت لي شفطي لي فوق لما كنت احس براس البيبي ينزل تحت والبيبي تعب طبعا الساعه 5 الفجر حضر الدكتور وكان مبين عليه دايخ
المهم الساعه 5:20 ولدت طبيعي الحمدلله لكن ما اكتملت فرحتي لان الولد طلع جدام عيني ازرق وبالحرى ميت لان شرب وايد ماي واختنق لكن انعشوه
الدكتور كان نايم وما طق البيبي من ظهره علشان يطلع الماي اللي شربه البيبي
المهم قالولي احتمال ان البيبي يموت لان وايد تعبان والماي مترشح الى المخ
طلب والدي نقل البيبي مستشفى الصباح
المهم انقلوه وهناك حطوه بالعنايه المركزه وسووله اشعه مقطعيه تأكدوا ان فيه ماي بالمخ واحتمال كبير ان عاش بيعيش معاق لان خلايا المخ انتلفت

والحين الحمدلله انقلوه الجناح وبدا يتنفس طبيعي ويرضع شوي واحتمال يطلعونه باجر او عقبه الحمدلله على كل حال بس للحين ما يدرون شنو الضرر اللي صار بالمخ
انا احس ايده ما يحركها عدل واحولال بسيط بالعين اليسرى بس هذا يهون انشالله بس خايفه يكون مختل لان الاكسجين ما وصل للمخ وقالولي حتى اذا طلعناه لازم متابعه لمده سنه او اكثر
ادعووووووولي هذا بكري وحرق قلبي على ولدي هالدكتور مع العلم ان الدكتور حده خايف ويدري ان غلطان

في حالات سمعتوا فيها نفس حاله ولدي وطلع البيبي سليم ؟؟
بليز ردوا علي