كيف تعطرون عيالكم

بنات عندي سؤال يعني ماتأثر العطورات على البيبي لأن الدكتورة نصحتني بأني ابعد كل العطورات عن بنتي والبخور وما احط لها اي عطور ولو كان خفيف وللأطفال وحتا البودرة مالت الأطفال قالت لي لا تستخذمينها لأنها تأثر على البيبي وتسبب له ربو

بنتي عمرها 7 شهور

ما ادر انتو شنو رايكم؟؟؟

LoveBird و SHREEFA

هلا بكم وبمشاركتكم يالغاليات
يعني الكل مجمع على المسك

bj3a

والله حتى انا ماتعجبني عطورات الاطفال الي بالسوق
يقصدون البنات بالمسك المسك السائل
ونستنى رد اختنا بخصوص عطر جوفان

3bm

انا سمعت ان العطور والبودره تاثر ...بس اشوف اغلب الناس يعطرون اطفالهم بس على خفيف ومايجيهم شي بفضل الله
يعني بس مسحه خفيفه مو تذرينه ذر

انا ن نفسي ما اعطرهم الا اذا خلصو السنه من عمرهم لأنه يكفي البودر والكريمات

وطبيعي في هالسن تكون ريحة البيبي حلوه سبحان الله

ولمن يخلصون السنه استخدم لهم هالعطر من دبنهامز وريحته اتجنن وباارده

ومجرد على ثيابهم فقط ولا تنسين دهن العود الاصلي ريحته لطيفه على الاطفال

يعني قبل السنه ممكن احط لهم دهن العود لأنه طبيبعي وريحته بارده بنفس الوقت

واسم العطرBVLGARI من دبنهامز

رحت امس شرين المسك الابيض وهو شفاف مب نفس الي نحن نستخدمه ابيض لون الروب ...

وريحته جنااااااااااااااااااااااااان ...

انا قبل كنت استخدملة دهن العود الاصلي ...

بس بغيت اسالكم المسك عادي احطه على جسمه ما يحسس ولا بس احطله على ثيابة .....؟؟؟؟

عادة الاطفال بالفطرة جسمهم معطر بس انا كنت استخدم لبنتي مسك بس على ثيابها وقبل ما البسها، او شاهين لانه ريحته نفس البودرة ناعمة ومميزة( يعني كانها ريحة اطفال طبيعية)

انا ولدي وبنتي استخدم لهم المسك الابيض ومن ولادتهم عادي احط لهم ورا اذونهم وفي ثيابهم واصير ريحتهم جناااااااااااااااااااان والكل بس يمسكهم اقولون ريحتهم مميزة لان العطر في الجسم يثبت اكثر والحمدلله ما اشوف انهم اضررو من هالشي واتوقع ان على حسب بشرة الطفل

الي يجيبون المسك من قرشي اذا رحت عندهم ايش اقوله بالضبط

اعطيني مسك ابيض سائل ولا له اسم

وشكرا

مثل ما قالوا البنات
مسك الأبيض السائل أحسن شي للأطفال وحلووووة ريحة وهادئة وما تأثر على البيبي ولا تجيب له الضيقة .......

المسك السائل رووووووووووووووووووووووعه فعلا

ايضا ماء الورررررد على الملابس

السلام عليكم..

هلا حبيباتي..

أنا بعد ما احمم ولدي بسائل استحمام بيجون والشامبو بعد بيجون,,

أمسح جسمه كامل بلوشن البيبي من هملايا للأطفال اللي هو عبارة عن ( زيت لوز وزيت زيتون لأنه مرطب قوي ..

وجسم ولدي جاف..

ولمن يجف شوي أخلي بودرة بيجون..

وأخلي على شعره بعد زيت بيجون..

وبعدها استخدم عطر ( شاهين)

من محلات البيان للعطورات في جدحفص يم السوق..

ريحته مميزة جداً وحلوة..

أخلي منه على أكتافه .. يعني على ملابسه..

وبس..

اعطر ولدي بعطر اسمه

jovan musk

رحيته جناان

وفي عطور للأطفال بريحة الفواكه التفاح او الخوخ او بريحة البودرة هذي رهيييبه خصوصا للمواليد

تحصلونهم في محلات بيبي هاوس بالدمام