رابطة المتخوفات من الحمل لاسباب

هلا ماما حسون

مشكورة يا عمري فتحتي لنا هالموضوع علشان شوي افرغ هالحومة اللي في قلبي وعقلي ونفسي..

اليوم سادس من تأخرها، وهي من جاتني بعد ولادتي بحسون منتظمة جداً ، على عكس السابق ، كل 30 يوم تشرف..

تبون الصراحة ما كنت استعمل شيء كمانع، اللهم العزل او القذف الطبيعي..

ومشى الحال معي 8 شهور

لكن هالشهر عندي احساس قوي اني حملت، حتى من قبل موعد الدورة بكم يوم..

حللت بعد الدورة بيومين طلع مافي حمل، بس كان التحليل منزلي، يعني مو مضمون...

كل ما ابي انام افكر شنو بسوي لو طلعت حامل، وحصلت لي شغلة حلوة، شلون بروح اداوم وانا لايعة جبدي.. من الصبح :(

عادة الاشهر او السنة الاولى في حياة الموظف العملية هي لاثبات الذات وانا اروح اثبت لهم اني حامل وبالدليل القاطع :( شيء محرج صج..
وغير مقبول

بنات ادعولي تنزل الدورة بأقرب فرصة.. وتكون مجرد لخبطة دورة..

للحين ما نزلت

بروح بعدين ان شا الله المستشفى حق اسوي التحاليل اللازمة واتأكد .. مو قادرة انتظر لبكرا




ادعوا لي من قلللللب ووقت الصلاة لا تنسونا

بنات انا على اعصابي

خايفه اكون حامل بنتي لسه صغيره شهرين ونص .........

والدوره ما جاتني واحس بالم من اسبوعين مثل اعراض بدايت حملي ....:cry:

يارب اني ما كون حامل ......والقهر ما قدر اخذ حبوب منع الحمل والله حاله واللي اعرفه ان الولب اذا ابي اركبه لازم بعد الدوره وشغله ..

العياااااااااااااااااااااااااااااااااااااال والحمل ورانا ورانا :confused:

أنا كل شهر أحاتي أقول يارب تنزل وعلى فكرة زوجي صار اييب لي جهاز اختبار الحمل كل شهر بس عشان ما أقعد أحاتي الحين ولدي عمره سنة وشهرين بس المشكلة يرضع طبيعي وما أبي أحمل ويارب ما أحمل................

بنات للحين ما نزلت الدورة:cry:

رحت البارحة المستشفى وطلعت النتيجة مو واضحة .. وقالوا لي انتظر بعد 3 ايام وارد اسوي تحليل من الصبح

يعني ما عطوني نتيجة مطمئنة .. وللحين قاعدة على اعصابي :sad:


بنات سؤال : انا اخر دورة كانت في 2 \ 3 وانا الدورة تجيني كل 24 او كل 25 يوم .. وصار لها اليوم حوالي 9 - 10 ايام من موعدها ولا نزلت .. وسويت فحص مرتين ، اول مرة كان بعد موعدها بحوالي 3 ايام والنتيجة طلعت نيجاتيف ، وانتظرت الدورة ولا نزلت ..
والبارحة سويت تحليل مرة ثانية وطلعت النتيجة مو واضحة وما رضوا يسوون لي تحليل في الدم .. انزين متى راح تبين النتيجة الاكيدة ؟؟ واذا سويت التراساوند في الخاص اليوم بيبين ولا انتظر بعد .. مستعجلة وقاعدة على نااااااااااار


ابي اعرف وارتاح .. ان شا الله مو حامل يااااااااااااااا رب :sad:




على فكرة بنات .. صار معاي شي غريب من شوي

انا البارحة ما عرفت انام مع ان عندي محاضرات اليوم من الصبح .. نمت حوالي ساعتين ورديت قعدت وما عرفت انام مرة ثانية وكل معاي تفكيييييير وقعدت افكر لو انا حامل وحتى بدون مبالغة تمنيت ان لو حامل حملي يطيح وما يتم " استغفر الله " .. وبعدين اذن لصلاة الفجر وقمت اصلي وقلت بقرأ القرآن شوي مع اني مو دايما اقرأ قرآن بعد صلاة الصبح " يعني كأن شي يحدني ان اقرأ قرآن وقتها " .. وانا اقرا القرآن متتابع .. يعني كل مرة افتحه اقرا شوي وبعدين ارد اواصل لما الله يقدرني واختمه كله ..
واليوم لما فتحت القرآن وقعدت اقرأ حسيت براحة نفسية كبيرة .. وبعدين وانا اقرأ في سورة الانعام وصلت للآية اعتقد 150 وكانت فيها الاية ::

بسم الله الرحمن الرحيم
ولا تقتلوا اولادكم من املاق نحن نرزقكم واياهم ..

قرأتها وما شفت نفسي الا ابكي لاني حسيتها كأنها رد على اللي كنت افكر فيه واتمناه .. واستغفرت ربي ..

اللهم لا اسألك رد القضاء ولكن اسألك اللطف فيه
اللهم لا اسألك رد القضاء ولكن اسألك اللطف فيه
اللهم لا اسألك رد القضاء ولكن اسألك اللطف فيه

الله وحده هو العالم بظروفي .. وقل لن يصيبنا الا ما كتب الله لنا
وعسى ان تكرهوا شيئا وهو خير لكم ..

الله يستر .. ادعوا لي ان تنزل علي الدورة وارجع من الجامعة واخبركم ان شا الله

صباح الخير بنات..



الله يساعدك يا ماما حسون..
انا توقعت امس خلاص راح تنتهي معاناتج وتعرفين سواء فيه حمل او ، بس الظاهر الله كاتب لج تستمرين معانا 3 ايام زود..



[line]


بالنسبة لي

للحين ما شرفت..
:(


انتظر الى يوم الخميس وبحلل، اكمال العشرة ايام..

ان شاء الله تنزل قبل..

اهلين بنات

الدورة للحين ما نزلت .. بس من حوالي 5 ساعات وانا في الجامعة حسيت ان في شي قاعد ينزل ، فرحت وقلت اكيد الدورة نزلت ورحت طيران على اقرب حمام عشان اتأكد وكنت احس مع المشي ان اللي ينزل قاعد يزيد في النزول .. ولما جيكت في الحمام لقيت ان نزل علي نوع الماي لونه اصفر فاتح وعلي الرغم اني حسيت بالشي ينزل بغزارة الا ان اللي نزل - نزل بكمية قليلة ...
قلت يمكن هي مقدمة للدورة مع انها اول تحصل معاي " نزول ماي اصفر قبل الدورة " واصلا اول مرة ينزل مني ماي اصفر حسب ما اتذكر ، وتميت كل شوي اروح الحمام اتأكد لكن شفت ان ما نزل شي كللللللللش ... وكنت طبعا حاطة اولويز .
ولما رجعت البيت شلت الالويز وقعدت بدونها وصليت وتغديت وبعد الغدا حسيت برطوبة في ملابسي الداخلية ولما رحت الحمام شفت ان رد نزل علي ماي اصفر وبكمية قليلة بعد ..

ما ادري شسالفة .. هل الموضوع عااادي ؟؟؟؟؟؟؟

والله يا ماما حسون، انا صار لي جذي من قبل، بس عزج الله كان في منتصف الفترة بين الدورتين..
والاغلب كان تابع للالتهاب..

ان شاء الله تكون مقدمة الدورة يا عمري وترتاحين..

ان شا الله جمانة


وين باقي البنات .. بلاد الفقيد وريح النفل واذا في غيرهم بعد

شخبار الاوضاع عندكم ؟؟

الله يعينكم

السلام عليكم و رحمة الله و بركاته

هلا بكم أخواتي...

بس عندي تعليق بسيط...و يا ريت تاخذزه برحابة صدر...

الحين كيف الحمل يصير ؟

زوج و زوجة...صار بينهم لقاء ( برضاهم هم الإثنين ) من غير ما واحد فيهم ياخذ مانع ( و هم الإثنين عارفين برضه )...

طيب يعني الموضوع كله صار برضاكم...من أوله لآخره...

ليش الحين تعترضوا على مشيئة الله و تقولوا غلطــــة ؟!!!!

غلطـــة مين بالضبط أخواتي ؟

يعني واحدة ما تاخذ مانع و زوجها ما ياخذ مانع...ليش تقول قاعدة على أعصابي و خايفة أحمل ؟

طيب إعملي إحتياطاتك و خذي مانع...بتصيري في أمان ( هذا إذا إنتي فعلا مش عايزة تحملي )...

و الحمد لله الموانع ما أكثرها في الدنيا ! طبيعي و صناعي...

بصراحة أخواتي...مالكم حق أبدا !

بسم الله الرحمن الرحيم



موضوع حلو ولو ماشرفت الدوره من كم يوم كان صرت معاكم بالموضوع



بس الحمد لله اني موخايفه أحمل لاني مستعده ليه


وطبعا لا شغل ولا مشغله فالموضوع عندي عادي




وولدي والحمد لله سنه حلو اني الحين احمل




بس يوم اتأخرت عني الدوره صرت اتوهم الحمل واتوهم الوحام بعد وحسيت اني مو مستعده (((( تناقض)))))




والحمد لله على كل حال ساعات اقول ابي احمل وساعات اقول لا خل ولدي اول يكبر



وكأن السالفه بيدنا أستغفر الله




والحمد لله على كل حال وانشالله أحمل بالوقت المناسب





وفي أمان الله

مرحبااااااااااااا
بصراحه انا وحده خايفه احمل اول شي ولدي لسه داخل الشهر الثالث حرام احمل عليه واتفقت مع زوجي على العزل وبصراحه انا جاتني الدوره بعد الاربعين مباشره وخفت اني احمل بعد دورتي بكم يوم نزل مني دم مقطع وقليل جدا المهم انا هالايام صايره مااطيق ريحة الدخان مثل حمالي الاول وزوجي يخوفني يقولي حملتي اقوله كيف واحنا نستعمل عزل يقولي ماتضمني واليوم حسيت بعارض مثل الوحم فخايفه حدي اقول يمكن الدوره بتجي وهي الي مسببه هذاالشي ..........


اختي مرموم اعذريني على ردي بس بصراحه اذا كنتي متفقه معاه على العزل مثلا وهو ما مسك حاله وصار الي صار مو راح تقولين صار غلط والحين انا خايفه واذا استعملتي حبوب مثل هدول الي يرضعون الحبوب الي يستعملونها مو مضمونه يعني يمكن يصير من وراها حمل وما يصير تقول انها خايفه اشتبيها تقول عجل لأن بصراحه الياهل يمكن يكون صغير زي حلاتي لازم باربيه وبكبره شوي والي تبي تكمل دراستها والي تبي تشتغل لازم بتخاف صح والله لا..
اتمنى انش تتقبلي الكلام برحابة صدر .......
وان شاء الله ان احنا نربي اعيالنا ونكبرهم على الاقل يعتمدون شوي على انفسهم واعذروني على الاطاله..

اهلين اختي مرمووم .. انا برد واتمنى انك تتقبلي رد ايضا برحابة صدر كما تعودنا عليك

بصراحة اذا بتكلم عن حالتي فالمانع اللي نستخدمه هو القذف الخارجي .. ومن ولدت بولدي واحنا نستخدم هالطريقة حتى يوم كنت اشرب حبوب منع الحمل " شربتها لمدة شهرين فقط بعد ولادتي بحسون " كنا ايضا نتبع طريقة القذف الخارجي ..
ومثل ما قالت نووووور ان اوقات الزوج ممكن يغلط ويتأخر شوي وممكن هالتأخير يكون لمدة ثانية او ثانيتين لكن اذا اراد الله ان يصير حمل فراح يصير من خلال كمية السائل المنوي القليلة اللي تسربت الى داخل رحم المرأة .. وفي ناس مساكين يحاولون بالسنين والسائل المنوي يدخل كله في رحم المرأه ويجربون كل الاوضاع اللي تساعد على الحمل لكن اذا الله مو كاتب ما يصير حمل ..

يعني في النهاية في شي اسمه غلطة .. هذا حسب رأيي الشخصي ، وانا هي مو اول مرة يغلط معي زوجي .. صارت كذا مرة من قبل بس الله يستر وما يصير حمل ..

وهالشهر هي اول مرة تتأخر علي الدورة لهالدرجة .. والى اليوم ما نزلت والله يعلم شنو السبب

ان شا الله بكرا بسوي تحليل آخر ويا رب تبان النتيجة الاكيدة لاني تعبت من كثر التفكير .. الصراحة زوجي البارحة قام يشجعني على فكرة الحمل وهو يتمنى الحين ان يصير حمل وقعد يخطط معاي على الاسماء وغيرها وحسيت ان هالشي هون هالموضوع علي .. بس بعد اتمنى ان ما احمل الحين وانها مجرد لخبطة دورة .


سؤال : انا يوم الاحد اللي طاف سويت تحليل في الليل وكانت النتيجة مو واضحة" التحليل كان للبول وفي المستشفى " .. وقالولي اسوي تحليل بعد 3 ايام ويكون من الصبح ، المشكلة ان بكرا عندي جامعة وعندي اختبار بعد وما اعتقد ان عندي وقت اسوي تحليل من الصبح واصلا احس روحي ما ابي اسويه من الصبح وانصدم من النتيجة وانا وراي اختبار .. فهل اقدر ان اشيل بول من الصبح في علبة مثلا واخليها للظهر واسوي التست الظهر ولا ما يصير ؟؟ يعني هل ممكن تبان النتيجة الاكيدة اذا تم البول لفترة "ساعات" في غرشة مثلا او علبة ؟؟




وشكرااا

إختي أنا بعد ما ربيت بالأخير ما يتني الدورة لمدة ست شهور بسبب الرضاعة وبعدها قامت تيي شهر وتقطع شهرين وأنا كل شهر ايدي على قلبي بس الحمدلله من فترة بس انتظمت عندي وصارت تيي كل 32 يوم وايد صح وولدي لين الحين يرضع وعمره سنه وشهرين...........

السلام عليكم ورحمة الله وبركاته

يا هلا بكم أخواتي الغاليات...

بالعكس...أنا أحب جدا تبادل الآراء و النقاش الهادف...و ما بزعل من أي كلمة تقولها واحدة فيكم...كلكم خواتي...

و لكن لي رد عليكم...

يعني قاعدين تقولوا أزواجنا يستخدموا طريقة القذف الخارجي...و ممكن يصير غلط....

طيب طالما فيها غلط...كيف نآمن لها ؟

أخواتي طريقة القذف الخارجي لوحدها ياما صار منها مشاكل...و صار فيها نسبة خطأ...لأنه هذه اللحظة مش كل واحد يقدر يمسك روحه...

معناها لازم الواحدة تستخدم معاها شيء ثاني لزيادة الضمان...

مثلا الواقي الذكري...حبوب منع الحمل...اللولب...

هذه الأشياء فعلا للي مش عايزة تحمل بشكل قطعي...

لكن اللي يستخدم طريقة القذف الخارجي...هذا يضع نفسه في مشكلة كل شهر...و تقعد الواحدة تنتظر على أعصابها علشان تتأكد إنها مش حامل !

ما أعتقد واحدة زوجها يستعمل الواقي أو هي واضعة لولب أو تستعمل حبوب منع حمل بتكون خايفة مثلكم...و ممكن طبعا في حالتها يصير حمل...لكن بنسبة ضعيفة...

و بالنسبة لحبوب منع الحمل للرضاعة...الكل عارف...و قالت لي الدكتورة هذا الكلام...أول ما يبدأ الطفل ياكل...بتبدأ الرضاعة تقل...و بالتالي ما تنفع هذه الحبوب...

يعني أستغرب من اللي تاخذها سنتين و تقول رضاعة !

و راح أتكلم عن حالتي...أول ما تزوجت كان نفسي أحمل...و ما إستعملت أي مانع....لحد ما ربي أراد و حملت..

بعد ما ولدت...منعت الحمل بصرامة...يعني ما في إحتمالية آه أو لأ...علشاني كنت والدة بقيصري...و خفت على الجرح...و علشاني أرضع طبيعي...و حبيت أستمر في الرضاعة...

و كل الناس تقول لي إتركي نفسك من غير موانع و متى ما أراد الله الحمل بيصير...لكن ما ردّيت عليهم...لأنه اللي بيتعب أنا مش الناس...و أنا الوحيدة اللي بتأثر...

و أنا عارفة و مؤمنة يقينا...إنه متى ما الله راد الحمل سبحانه و تعالى...لا راد لقضائه...

و شيء ثاني...ما ننسى إنه معانا أخوات على الركن يتمنوا الحمل و بشدة...يعني و الله نلعب بأعصابهم و نصير نعترض على مشيئة الله اللي رزقنا بنعمة الحمل و فضلنا عن غيرنا ممن خلق تفضيلا...

و الله يرزق الجميع من فضله إن شاء الله :)

ياااااااااااااااااااارب اختي مرموم الله يسمع منش ويكتب الى المحرومات انهم يحملوا
شكرا لك..

الله يقبل منك اختي مرموم ويرزق كل محرومه ...


اخواتي انا خايفه مرررررره سرت اتوهم اني حامل جد :sad:

حرام بنتي لسه صغيره ...

وانا مقدر استخدم حبوب منع الحمل ولا اقدر اركب لولب الحين الين تنزل الدوره ....:cry:

وزجي يكرهه العازل بس وش نسوي مافيه غيره ...

انا وزوجي بس مره جربنا القذف في الخارج وهذا الشيء اللي مخوفني ...

يارب تنزل الدوره اليوم او بكره لاني احس بالم اسفل بطني ....