طريقة طبيعية وسهلة جداً لتبييض منطقة الإبط والنتيجة مضمونة( مجربة شخصياً)

السلام عليكم ورحمة الله وبركاته

اشحالكن بنات

بدش في الموضوع على طول ،، وبعطيكم طريقة جداً سهلة لتبييض الإبط

الطريقة : تفركين المنطقة بالليمون ولما تنشف تحطين عليها كمية قليلة من الباودر ، طبعا اختاري إما ( بودرة جونسون أو نونو أو التلك )

والنتيجة :

1- تعقيم المنطقة 100 % من الجراثيم :up:
2- تبيض المنطقة يعني بياض واضح وتوحد لون المنطقة بطريقة ملحوظة:up:
3- يغنيكم عن مزيلات العرق ومشاكلها >> انتوا ادري طبعا:up:
4- انتعاش فظيع واحساس بالنظافة:up:
5- نعومة رهيبة :up:

يمكن وايدات تكلموا عن الليمون في المنتدى وانا من باب المشاركة حبيت اضيف تجربتي لكم وانا هالطريقة جربتها شخصياً ومرتاحة الحمدلله وفي بداية استخدامي لها كنت اكثر عن مرة في اليوم يعني كل ما ادش الحمام ( وانتوا بكرامة ) افرك المنطقة عالسريع بالليمون وبعدها بشوي احط قليل من الباودر ولاحظت النتيجة من اول اسبوع بس تفتحت المنطقة بشكل كبير وواضح هذا غير انها ريحتني من الشبة وبلاويها وغير
والأحلى بعد انج تسوينها مع تقشير المنطقة بأي نوع ترتاحيله من المقشرات
والأحلى والأحلى انكم بتفتكون من كريمات التبييض الخطيرة على البشرة وعلى هاالمنطقة بالذات ومن مزيلات العرق ،، ونصرف بيزاتنا هني وهناك على اشياء كيماوية ما نعرف عواقبها

تحذيرات :
1- لا تستخدمون اي نوع من انواع الباودر المعطر لأنها راح تعطيج نتيجة عكسية تماما
2- لا تحطين الليمون على المنطقة بعد شيل الحلاوة راح يسببلج التهابات وحرقان

والحين اي سؤال انا حاضر
بالتوفيق