شوفو اللي اسويه صح ولا غلط

السلام عليكم ورحمة الله وبركاته
انا وايد ترددت قبل لا اكتب مشكلتي بس ابي اخذ رايكم هل صح اللي نسويه انا مع اختي
مشكلتي او بالاحرى مب مشكلتي انا مشكلة اختي الكبيره اهيه عمرها الحين 24 سنه واختي دارسه بالخارج 4 سنوات قبل لاتسافر كانت انسانه غير ويوم رجعت انسانه هاديه كله تسرح وكله حزينه وكله تصيح المهم تقريبا في السنه الثالثه لها اكتشفت وانا اتعبث بجهازها انها مسيفه رقم شاب عندها وبعدين انا كشفتها وعترفت لي وجذي انها مجرد صداقه وانها تعرفت عليه من الشات اللعين المهم وبعدها بسنه يعني في اخر سنه يوم رجعت بعد اكتشفت انها تراسل شاب غيره ومسجات ماتنقال والله وواجهتها وتمت تبكي وتسوي حركات وتقولي خلاص ومادري شنو لاتعلمين احد المهم بعد ماقلت لاحد وبعدين تمت تدخل المسنجر وتتعرف ..المهم اهيه تعرفت على واحد ثالث وهالمره من جنسيتنا ونسيت اقولكم انه اللي كانت معاهم مب من جنسيتنا بس من الخليج وهالثالث اللي كانت معاه مب من مذهبنا واختي الصغيره اللي اصغر مني اكتشفتها وقامت كالعاده تبجي وتصيح وتقول انه هذي غير انها حبته يازعم ومادري شنو عاد انا واختي ماقدرنا نخبي اكثر رحنا قلنا لبنات خالتي وبنات خالتي نصحوها وجذي قالت لهم انا احبه المهم بعد شهرين تقريبا قالت مابيه لاني اكتشفت شي وخلاص ابي انهي علاقتي واحنه طبعا فرحنا بس صرت انا واختي دايم دايم نشك فيها ونراقب جهازها ومحادثاتها بالمسنجر والله انه الله دايم يريد يكشفها لنا وكل مره تنصاد والمره الرابعه مع واحد بعد من جنسيتنا و مثل مذهبنا ولما واجهتها انا واختي قالت مثل العاده انه تحبه وانه يبيها بالحلال وانه وانه بس هالمره مب اهيه اللي ماتبيه اهو احس قام يخترع لها سالفه انه بيدرس برع وانه غصبا عليه يسافر لانه الشغل بيطرشونه وغاب يمكن اسبوعين وبعدين طرش صديقه يكلمها يقول لها انه سوه حادث في السعوديه والحين اهو في الشرطه المهم قصه طويله عريضه ماتتصدق وقامت اختي انهت العلاقه معاه اه ياقلبي اكتب لكم وفي قلبي حسره المهم ياخواتي طولت عليكم السالفه وايد ورجعت حليمه لعادتها القديمه صدتها انا واختي الصغيره انها تكلم بعد شاب وعاد هالمره شاب اصغر منها بسنه يعني كبري ولا من جنسيتنا ولا من الخليج اصلا لما واجهناها تمت تصيح كالعاااااده التمثليه المتكرره وتقول انا احبكم وانتو خواتي ليش تسوون فيني جذي تمنو لي الخير والله انا واختي الصغيره اعقل منها ولا عمرنه سوينه شي غلط ولا كلمنا شباب في حياتنا المهم ارجع للسالفه هالمره ماقدرنا نسكت عاد اختي الصغيره تمت تصارخ تقول والله بقول لابوي بتسألوني ليش ماقلت حق امي ... امي متوفيه الله يرحمها من يوم احنه صغار بس هالمره قلنا حق خالتي وخالتي صغيره وتتفهمنا وخالتي كلمت الشاب يقول لها انه يحبها بس الحين مايشتغل لو تقدم لها بنرفضه اصلا احنه بنرفضه والسبب جنسيتنه وتفاهمنه مع اختي بحل انها ماتكلمه لين مايكمل دراسته واحنه ندري انه ابوي والاهل مابيرضوون بس نبي نسكتها وافقت اهيه واكتشفت من يومين ياخواتي انها تكلمه واختي الصغيره عصبت وتمت تبجي وقالت لخالتي خالتي كلمته بعد قالها انه يحبها وبيخطبها وبيشتغل قريب واهيه تبيه تبيه قمت انا واختي الصغيره قررنا انه مانكلمها خير شر لانه والله مابيدنا شي نسويه غير نقاطعها لانه هالطريقه الوحيده اللي نقدر نحسسها فيها انه احنه مب راضييين دلوني خواتي شااااااااسوي