أماكن التسوق في الإمارات؟؟؟؟

السلام عليكم و رحمة الله و بركاته

بنات إن شاء اللـه رايحة للإمارات الأسبوع الجاي و بالتحديد دبي و إذا في وقت الشارقة.

المشكلة إنه صار لي 12 سنة و نص و رجلي ما طبت الإمارات :eek2: اللهم إلا ترانزيت و أكون في الطايرة ما أنزل و مرة وحدة غيرنا طيارة في مطار أبوظبي.

طبعاً معلوماتي قديمة في الأسواق (قديمة إلا من سنة ما جدي تولد) فيا ريت تدلوني على أماكن التسوق المراكز و المحلات يعني اسم المركز و ايش ينباع فيه و وين مكانه؟ يعني من كل شيء ما عدا احتياجات الإطفال؛ لأن الأطفال انقرضوا من 10 سنين من البيت نوع نادر بس نسمع عنهم من الناس و نشوفهم في التلفزيون. و يا حبذا لو مجمع فيه كل شيء لأن أكره ما عندي شيء اسمه التسوق.

أنا حاولت أدور في المنتدى بس ما حصلت.

و شكراً مقدماً